Page Text
________________
इय संवेगोवगयस्स, राइणो जाइसरणमुणण्णं । पुव्वभवचिण्णसामण्ण-सुत्तमणुसुमरियं झत्ति अणुकूलकम्मवसओ, सो वि हु दाहज्जरो अवकंतो। अह निययपए पुत्तं, ठविऊणं सो महाभागो पत्तेयबुद्धलिंगी एगागी सव्वसंगमवहाय । नयरी बहियाऽऽरामे, उस्सग्गेणं ठिओ भयवं तो रायरिसिम्मि नमिम्मि, तहट्ठिए हरियसव्वसार व्व । अच्चंतपणइविच्छो-हिय व्व गुरुरोगविहुर व्व कयकरुणविप्पलावा, वाउलहलबोलबहुलियदियंता । अंसुजलाऽऽविलनयणा, तव्वेलं चिय अहेसि पया अह ओलंबियभुयपरिह-मऽमरसेलं व निच्चलं दर्छ। नमिरायरिसिं सक्को, चिन्तेउमिमं समाढत्तो पढमं पडिवण्णम्मि, सामण्णे संपयं नमिमुणिस्स । केरिच्छा हु समाही, हवेज्ज गंतुं परिक्खामि तो कयमाहणरूवो, विउव्विउं नयरिदाहमुद्दामं । विलवंतलोयनिवहं च, कुलिसपाणी नर्मि भणइ कि मुणिपुंगव ! मिहिलाए, अज्ज सुव्वंति सव्वठाणेसु । करुणप्पलावरूवा, लोयाणं विविहआरावा नमिणा भणियं सच्छाय-फुल्लफलमणहरम्मि वच्छम्मि । जह भज्जंते वाएण, पक्खिणो दुक्खिया संता कंदंति सरणरहिया, तह लोया वि हु पुरीविणासम्मि। अच्चंतसोगविहया, परिदेवन्ति बहुदुहत्ता सक्केण जंपियं पेच्छ, पेच्छ एसा कहं तुहं नयरी । कीलापासाओ वि य, डज्झइ पबलेण जलणेण . अंतेउरं पि पेच्छसु, उब्भियभुयनालमुब्भडपलावं । हा नाह ! रक्ख रक्ख त्ति, जंपिरं परमकरुणमयं नमिणा भणियं परिचत्त-पुत्तसुहिसयणगिहकलत्तस्स । जइ मज्झ होज्ज किं चि वि य, किंचणं ता तयं दज्झे तदऽभावे मिहिलाए, डझंतीए वि किं नु डज्झेज्जा । एवं च पेहियाए वि, भद्द ! किं वा मह पुरीए एयं हि परमसोक्खं, नूण मुमुक्खूण चत्तसंगाण। जं नत्थि पियं न य किं पि, अप्पियं मोक्खकंखीण इय पसमसारमाऽऽयण्णिऊण, नमिणो पयंपियं सक्को। संहरियनयरिदाहो, पुणो वि एवं समुल्लवइ नाहो त्ति ताणकारि त्ति, सरणकारि त्ति परभयवसट्टो। निबिडभुयदंडमंडव-मऽल्लीणो एस तुज्झ जणो तम्हा पुरीए पायारं, गोउरग्गलदुग्गमं । आउहाणि य कारित्ता, पव्वज्जं काउमऽरिहसि मुणिणा जंपियं हंत ! सद्ध च्चिय पुरी महं । कओ य तीए पायारो, सुतुंगो खंतिलक्खणो संवरऽग्गलदुग्गम्मो, धिईकेयणसंगओ। परक्कमो धणू तत्थ, तवो नारायराइयं आउहं पि कयं चारु, कम्मसत्तुविणासगं । एवं पि कयरक्खस्स, किं न पव्वइउं खमं सक्केण जंपियं भन्ते !, कारइत्ताणमुत्तमे। पासाए विविहे पच्छा, पव्वज्जं काउमऽरिहसि नमिणा भासियं भद्द !, को करेज्ज पहे गिहं । जीवस्स जत्थऽवत्थाणं, तत्थ कुव्वेज्ज तं बुहो वज्जाउहेण संलत्तं, खुद्दे चोराइणो परे। हणित्ता लोगखेमत्थं, पव्वज्जं काउमऽरिहसि । नमिणा जंपियं एए, मिच्छा हम्मति निच्छियं । अखेमयाणि कम्माणि, हंतुं जुत्ताणि ताणि मे हरिणा जंपियं भंते!, जे नमति न पत्थिवा। ते लहुं निज्जेिउं सव्वे, पव्वज्जा तुज्झ जुज्जए मुणिणा वुत्तमत्ताणं, जो जिणेज्ज सुदुज्जयं । सहस्सजोहिणो वीह, सो एक्को विजई परं ता अप्पणा समं ताव, जुज्झिउं मज्झ जुज्जए। निस्सेयसत्थिणो बज्झ-जुज्झेणं विहलेण किं कोहं लोहं मयं माय-मिन्दियाणि य पंच वि। जियाणि जेण सव्वं पि, जेयव्वं तेण निज्जियंअक्कमित्ता तिलोक्कं पि, कित्ती तस्स परं ठिया । सासया सिद्धिखेत्तं व, जेण एवं विणिज्जियं . सोच्चा एयं सहस्सक्खो, भत्तिपब्भारसंगओ। पुणो नर्मि रायरिसिं, एवमाऽऽह महायसं जइत्ता पउरे जण्णे, भोइत्ता माहणाऽऽइणो । दाणं दीणाऽऽइयाणं च, सामण्णं काउमऽरिहसि गिहासमं विमोत्तूण, किं वा पव्वज्जमिच्छसि । पोसहाऽभिरओ राय !, एत्थेवाऽऽवससु तुमं नमिणा भासियं जण्णे, दक्खिणालक्खसुंदरे। जो कारवेज्ज तत्तो वि, संजमो गुणकारगो मासे मासे कुसऽग्गेण जो भुंजेज्ज गिहट्ठिओ। विमुक्कसव्वसंगस्स, लेसेण वि न सो समो
॥ १७३१॥ ॥ १७३२॥ ॥ १७३३॥ ॥१७३४ ॥ ॥ १७३५ ॥ ॥ १७३६॥ ॥ १७३७॥ ॥ १७३८॥ ॥ १७३९ ॥ ॥ १७४०॥ ॥ १७४१॥ ॥ १७४२॥ ॥ १७४३॥ ॥१७४४ ॥ ॥ १७४५ ॥ ॥ १७४६ ॥ ॥ १७४७॥ ॥ १७४८॥ ॥ १७४९ ॥ ॥ १७५०॥ ॥ १७५१॥ ॥ १७५२॥ ॥ १७५३॥ ॥ १७५४॥ ॥ १७५५ ॥ ॥ १७५६॥ ॥ १७५७॥ ॥ १७५८॥ ॥ १७५९॥ ॥ १७६०॥ ॥ १७६१ ॥ ॥ १७६२॥ ॥ १७६३॥ ॥ १७६४॥ ॥ १७६५॥ ॥ १७६६॥
૫૨
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |