Page Text
________________
अंगारक्कमणुप्पण्ण-किसिकिसाऽऽरावसवणओ चेव । मिच्छामि दुक्कडं हा, किमेयमेवं ति जंपन्ता अंगारकिसकिसारव-ठाणम्मि विरइऊण चिंधाई । गोसे पेहिस्सामो, होज्ज किमेयं ति बुद्धीए विणियत्तंति जवेणं, तेसिं गुरू पुण तदारवे तुट्ठो । एए वि जिणेहिं अहो, जीवा कहिय त्ति भासंतो खेरययरं अंगारे, महंतो काइयामहिम्मि गओ। एसो य वइयरो तेहिं, संसिओ निययसूरिस्स तेणाऽवि जंपियं भो, तवस्सिणो एस सो गुरू कोलो। एए वि महामुणिणो, सिस्सा एयस्स गयकलहा तो पत्थावे पाहुणग-साहुणो विजयसेणसूरीहि । जहदिट्ठहेउजुत्तीहिं, बोहिऊणं इमं भणिया भो भो महाणुभावा ! तुम्ह गुरू एस निच्छियमऽभव्वो । जइ मोक्खकंखिणो ता, चएह एवं लहुं चेव जम्हा गुरुणो वि हु उप्पहम्मि, लग्गस्स मूढबुद्धिस्स । चागो विहिणा जुत्तो, इहरा दोसप्पसंगाओ एवं सोच्चा तेहिं, उवायओ उज्झिओ इमो झत्ति । कयउग्गतवविसेसेहि, पाविया देवलच्छी वि अंगारमद्दगो पुण, सण्णाणविवज्जियत्तणेण चिरं । कट्ठाणुट्ठाणपरो वि, दुक्खभागी भवे जाओ इय भो देवाणुपिया!, गहणाऽऽसेवणसरूवसिक्खासु । दोसु वि जएज्ज सम्मं, तुममाराहणमभिलसंतो एवं तदुभयसिक्खा, भणिया वि पुणो हवेज्ज दुवियप्पा। सामण्णविहिसरूवा, सविसेसविहीसरूवा य एक्केक्का वि य दुविहा-जइगिहिविसयत्तणेण नायव्वा । ताव गिहत्थाणमऽहं, भणामि सामण्णविहिसिक्खं ववहारसुद्धी जणणिदणिज्ज-वावारचागनिप्फण्णा । कालुस्सवियलसद्धम्म-कम्मपरिवालणसरूवा संखाण व धवलपहा गभीरया, विव महासमुद्दाणं । चंदाण सिसिरजोण्ह व्व, नयणसोह व्व हरिणीणं उच्छूण महुरया विव, सुस्सावयकुलपसूइसब्भावे । जइ विहु सिद्धा सा तेसिं, तह वि एवं समवसेया नाणवयवुड्ढसेवा, सत्थऽब्भासो परोवयारितं । सच्चरियजणपसंसा, दक्खिण्णपरायणत्तं च उत्तमगुणाणुरागो, अणूसुगत्तं अखुद्दभावो य । परलोयभीरुयत्तं, सव्वत्थ अणक्खपरिहारो गुरुदेवाऽतिथिपूयण-मपक्खवाएण नायदरिसित्तं । असदऽग्गहवज्जणया, सपणयपुव्वाऽभिभासित्तं वसणम्मि सुधीरत्तं, संपत्तीए अणुत्तुणत्तं च । सगुणपसंसालज्जण-मऽत्तुक्करिसस्स परिहारो नयविक्कमसालित्तं, लज्जालुत्तं सुदीहदरिसित्तं । उत्तमकमवत्तित्तं, पडिवण्णभरेक्कधवलत्तं उचियठिइपरिवालण-मऽदुराराहत्तणं जणपियत्तं । परपीडापरिहारो, थिरया संतोससारत्तं अणवरयगुणऽब्भासो, परत्थसंपाडणेक्करसियत्तं । पयइए विणीयत्तं, हिओवएसोवजीवित्तं गुरुजणरायाऽऽईणं, अवण्णवायाऽऽइकारिपरिहरणं । इहपरलोयाऽपायाऽऽइ-चिन्तणं चेव अइनिउणं एमाइगुणगणो सावगेहिं, इह परभवे य हियहेऊ । अप्पाणयम्मि निच्चं, निवेसियव्वो पयत्तेण इय गुणजोगाराऽऽहिय-सामण्णविही गिही अ जत्तेण । साहेइ विसेसविहिं पि, नूण तदऽवंझहेउत्ता सामण्णगुणाऽसत्तो, किमऽलं धरिउं नरो विसेसगुणे । न हु सरिसवं पि वोढुं, असमत्थो मंदरं घरिही लोगट्ठिइपगिट्ठो, एवं चिय भूमिगाऽणुसारेण । सामण्णविहीसिक्खं, सुस्समणो वि हु अणुसरेज्ज अह पुव्वसूइयं चिय, संखेवेणं विसेसविहिसिक्खं। सुस्सावगसाहुगयं, भणामि दुविहं पि सुविभत्तं तत्थ य सामण्णविहि-प्पवित्तिअब्भहियजोग्गयगयस्स । गिहिणो विसेससिक्खा, पढम चिय वुच्चए ताव सम्ममवगयस्स जिणमय-मऽणुदिणवड्ढन्तसुद्धपरिणामो । परिणाममंगुलं जाणि-ऊण घरवासवासंगं पडुपवणंऽदोलियकयलि-पत्तपडिबद्धतोयबिंदुं व। सुविणिच्छिऊण भंगुर-माऽऽउं तारुण्णमऽत्थं च पयइविणीओ पयईए, भद्दओ पयइपरमसंविग्गो । पयईउदारचित्तो, पयइजहुक्खित्तभरधवलो निच्चं चिय साहम्मिय-वच्छल्ले जुण्णचेइउद्धारे। परपरिवायच्चाए, जएज्ज सुस्सावगो मइमं निद्दाविरमम्मि तहा, सम्मं कयपंचमंगलविहाणो । अणुसरणपुव्वयं उद्वि-ऊण उचियं च काऊण १. खरययरं - खरकतरम्, गाढमित्यर्थः, २. अनुत्तानत्वम् = गर्वरहितत्वम्,
॥ १४९५॥ ॥ १४९६॥ ॥१४९७॥ ॥ १४९८॥ ॥ १४९९ ॥ ॥ १५००॥ ॥ १५०१॥ ॥ १५०२॥ ॥ १५०३ ॥ ॥ १५०४॥ ॥ १५०५॥ ॥ १५०६॥ ॥ १५०७॥ ॥१५०८॥ ॥१५०९॥ ॥१५१०॥ ॥१५११॥ ॥ १५१२॥ ॥१५१३॥ ॥१५१४॥ ॥१५१५॥ ॥१५१६॥ ॥१५१७॥ ॥ १५१८॥ ॥ १५१९ ॥ ।। १५२०॥ ॥ १५२१ ॥ ॥ १५२२॥ ॥१५२३॥ ॥ १५२४॥ ॥१५२५ ॥ ॥ १५२६॥ ॥ १५२७॥ ॥१५२८॥ ॥१५२९॥
૪૫
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |