Page Text
________________
भो नरवइसुय ! तुह वसहि-दाणसाहेज्जमेक्कमासज्ज । एत्तियदिणाई वुत्था, एत्थं अम्हे समा एत्तो पुण पडिपुण्णा, वट्टइ अवही विहारसमओ य । संपत्तो लक्खिज्जइ, इमेहिं पच्चक्खलिंगेहिं पेच्छसु र्वइउक्कंता, कच्छा उच्छूणमिन्तजंतेहिं । सव्वत्तो सगडेहिं, अक्कंता सयलमग्गा वि थेवसलिलाउ पव्वय-नईउ वसभा वि जायदढथामा । सुक्कसलिला य पंथा, गामा पेव्वायचिक्खल्ला ता भो महायस! तुमं, परमुवयारि ति भण्णसे एवं। गामन्तरगमणट्ठा, अणुजाण संपयं अम्हे जम्हा गोउलसारइय-मेहभमरउलसउणिसुमुणीणं । हुन्ति अनियत्ताओ, वसहीओ सहावओ चेव इय भणिउं मुणिवइणो, गंतुं संपट्टिया सह मुणीहिं । तेसिमणुव्वयणट्ठा, पल्लिवई पट्टिओ ताहे अह सूरीहिं समं चिय, ताव गओ जाव निययसीमंतं । तो वंदिऊण सूरिं, पयंपिडं एवमाऽऽदत्तो भयवं ! एत्तो उवरिं, एसा परदेससंतिया सीमा । ता गच्छह वीसत्था, अहं पि सगिहम्मि वच्चामि वज्जरियं मुणिवइणा, नरवइसुय ! जा तए सह ववत्था । धम्माकहणसरूवा, आसी सा संपयं पुण्णा ता तुज्झ अणुण्णाए, धम्मुवएसं पयंपिडं किं पि । वंछत्थि वच्छ ! वुच्चड, किंवा पुव्वं पिव निसेहो उच्चालियचलणा एत्थ, सूरिणो केत्तियं कहिस्संति । इय चितिऊण तेणं, पयंपियं भणसु सुकरं ति एत्थन्तरम्मि सूरी, सविसेससुयोवओगओ गाउं । जेहिं नियमेहिं जायइ, इमस्स धम्मुम्मुहा बुद्धी जत्तो पच्चक्खं चिय, उप्पज्जइ आवयापडिग्घाओ। मुणइ य एयं णियमा, नियमाण फलं इमाणं ति तो कहइ जहा भद्दय !, जीवे घाओ न ताव दायव्वो । जाव न सत्तट्ठपए, पच्छाहुत्तं नियत्तो सि एगो एसो नियमो, बीओ पुण मा अनायनामाणि । भक्खिहिसि फलाणि तुमं, अच्चन्तछुहाऽभिभूओ वि तइओ पुण गरुयनरिंद- अग्गमहिसी न कामियव्व त्ति । भोत्तव्वं नेव य काय-मंसमेसो चउत्थो त्ति एए चउरो वि तुमं, जाजीवं सव्वजत्तओ नियमे । पालेज्जसु एयं चिय, जम्हा पुरिसाण पुरिसवयं किंच
माणेक्ककणगमुत्ता-हलाई महिलाण मंडणं एयं । पडिवण्णपालणं पुण, सप्पुरिसाणं अलंकारो छिज्जउ सीसं परिगलड, संपया बन्धवा वि विहडंतु । पडिवण्णपालणे सुपुरि-साण जं होइ तं होउ सदसदविसेसणं पि हु, एत्तो च्चिय वुच्चइ इह नराणं । अण्णह समम्मि पंचि - दियत्तणे होज्ज कह भेदो इय मुणिवइणा भणिए सम्ममभिग्गहचउक्कमाऽऽदाय । काऊणं च पणामं, भिल्लवई पडिगओ सगिहं सिस्सजणेण परिवुडा, मुणिवइणो वि य जहाभिमयदेसं, इरियासमिइजुत्ता, सणियं गंतुं पयट्टत्ति इयरस य पावपओयणेसु, अणवरयकरणपउणस्स । नाणाविहवसणसया - उलस्स वच्चन्ति दियहाइं अह अण्णा कयाई, अत्थाणीमंडवे निसणेण । तेणं पयंपियमिमं चिरमिह ववसायरहियस्स वलंत वासरा, ता भो पुरिसा ! पुरं व नयरं वा । गामं सत्थं वुचियं, सव्वत्थ पलोइउं एह जेण तयं लुटेउ, वच्चामो सेसकज्जचाएण । महुमहणं पि विमुंचइ, लच्छी ववसायपरिहीणं आयण्णिऊण एवं, तहत्ति पडिसुणियसासणा झत्ति । पुरिसा जहुत्तठाणाई, हेरिऊणाऽऽगया बिन्ति नाह ! निसामेहि महा-सत्थो बहुसारवत्थुपडिपुण्णो । अमुगपहेणं एही, दोण्हं दिवसाणमुवरिम्मि ता जइ वैट्टाबंधं काउं, अच्छह अणागयं तुब्भे । ता पावेह जहिच्छिय-लच्छीविच्छडुमचिरेण एवं सोच्चा कइवय-दिणाणमुचियं गहाय पाहेज्जं । नियपरियणपरिकिण्णो, पल्लिवई तं गओ ठाणं सो पण सत्थो अवसउण- दोसओ तं पहं विमोत्तूण । मग्गंतरेण लग्गो, पत्तो य समीहियपएसं भिल्लाहिवो य तप्पह-पलोयणं कुणइ अणिमिसच्छीहिं । नवरं पुव्वाणीयं, संबलगं निट्ठियं सव्वं ताविच्छायमुहो, पीडिज्जतो छुहाइ पडिवलिओ । पत्तो पल्लिसमीवे, तत्तो गंतुं अचाईतो १. वइउक्कंता - वृत्युत्क्रान्ताः, २. पव्वायचिक्खल्ला - शुष्ककर्दमाः, ३. वट्टाबन्धं मार्गरोधनम्,
૨૦
॥ ९९६ ॥
॥ ९१७ ॥
॥ ९९८ ॥ ॥ ९१९ ॥
॥ ९२० ॥
॥ ९२१ ॥
॥ ९२२ ॥
॥ ९२३ ॥
॥ ९२४ ॥
।। ९२५ ॥
॥ ९२६ ॥
॥ ९२७ ॥
।। ९२८ ।। ॥ ९२९ ॥
॥ ९३० ॥
॥ ९३१ ॥
॥ ९३२ ॥
॥ ९३३ ॥
॥ ९३४ ॥
॥ ९३५ ॥
॥ ९३६ ॥
॥ ९३७ ॥
॥ ९३८ ॥
॥ ९३९ ॥
॥ ९४० ॥
॥ ९४१ ॥
॥ ९४२ ॥ ॥ ९४३ ॥ ॥ ९४४ ॥
।। ९४५ ।।
॥ ९४६ ॥
॥ ९४७ ॥
।। ९४८ ।। ॥ ९४९ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |