Page Text
________________
न य अण्णेसिं गम्मे, अकंटए निरवसाणवुड्ढिगुणे । तुंगमहीधरमुद्धाऽ - णुगे वि भुवि पावियपट्टे अच्वंतं सरले च्चिय, अपुव्ववंसम्मि परिवहंतम्मि । जाओ य वइरसामी, महापभू परमपयगामी तस्साहाए निम्मल - जसधवलो सिद्धिकामलोयाणं । सविसेसवंदणिज्जो य, रायणा थो ( थे) रप्पवग्गो व्व कालेणं संभूओ, भयवं सिरिवद्धमाणमुणिवसभो । निप्पडिमपसमलच्छी-विच्छड्डाऽखंडभंडारो ववहारनिच्छ्यनय व्व, दव्वभावत्थय व्व धम्मस्स । परमुण्णइजणगा तस्स, दोण्णि सीसा समुप्पण्णा पढमो सिरिसूरिजिणेसरो त्ति, सूरो व्व जम्मि उइयम्मि। होत्था पहाऽवहारो, दूरंततेयस्सिचक्कस्स अज्ज वि य जस्स हरहास- हंसगोरं गुणाण पब्भारं । सुमरंता भव्वा उव्व-हंति रोमंचमं गेसु बीओ पुण विरइयनिउण-पवरवागरणपमुहबहुसत्थो । नामेण बुद्धिसागर - सूरि त्ति अहेसि जयपयो तेसिं पयपंकउच्छंग-संगसंपत्तपरममाहप्पो । सिस्सो पढमो जिणचंद - सूरिनाम समुप्पण्णो अण्णो य पुण्णिमाससहरो व्व, निव्ववियभव्वकुमुयवणो । सिरिअभयदेवसूरित्ति, पत्तकित्ती परं भुवणे जेण कुबोहमहारिउ - विहम्ममाणस्स नरवइस्सेव । सुयधम्मस्स दढत्तं, निव्वत्तियमंऽगवित्तीहिं तस्सऽब्भत्थणवसओ, सिरिजिणचंदेण मुणिवरेण इमा। मालागारेण व उ-च्चिणित्तु वस्वयणकुसुमाइं मूलसुयकाणणाओ, गुंथित्ता निययमइगुणेण दढं । विविहऽत्थसोरभभरा, निम्मवियाऽऽराहणामाला एयं च समणमहुयर-हिययहरं अत्तणो सुहनिमित्तं । सव्वाऽऽयरेण भव्वा, विलासिणो इव निसेवंतु एसाय सुगुणमुणिजण- पयप्पणामप्पवित्तभालस्स । सुपसिद्धसेट्ठिगोद्धण - सुयविस्सुयजज्जणागस्स अंगुब्भवाण सुपसत्थ- तित्थजत्ताविहाणपयडाणं । निप्पडिमगुणऽज्जियकुमुय सच्छहाऽतुच्छकित्तीणं जिणबिंबपइट्ठावण-सुयलेहणपमुहधम्मकिच्चेहिं । अत्तुक्कासगदुक्कुह-चित्तचमक्कारकारीणं जिणमयभावियबुद्धीण, सिद्धवीराऽभिहाणसेट्ठीणं । साहेज्जेणं परमेण, आयरेणं च निम्मविया एईए विरयणेण य, जमऽज्जियं किंपि कुसलमऽम्हेहिं । पार्वितु तेण भव्वा, ,जिणवयणाऽऽराहणं परमं छत्तावल्लिपुरीए, जेज्जयसुयपासणागभुवणम्मि। विक्कमनिवकालाओ, समइक्कन्तेसु वरिसाण एक्कारससु सएसुं, पणुवीसासमहिएसु निप्फति । संपत्ता एसाऽऽरा - हण त्ति फुडपायडपयत्था लिहिया य इमा पढमम्मि, पोत्थए विणयनयपहाणेण । सिस्सेणमऽसेसगुणाऽऽ-लएण जिणदत्तगणिण ति तेवण्णब्भहियाइं, गाहाणं इत्थ दससहस्साइं । सव्वग्गं ठवियं निच्छि-ऊण सम्मोहमहणत्थं
***
૨૦૪
॥। १००३२ ॥
॥ १००३३ ॥ ॥। १००३४ ॥ ॥। १००३५ ॥ ॥ १००३६ ॥
॥ १००३७ ॥
।। १००३८ ।। ॥। १००३९ ॥
॥ १००४० ॥ ॥ १००४१ ॥
॥ १००४२ ।। ॥ १००४३ ॥ ॥ १००४४ ॥ ।। १००४५ ।। ॥ १००४६ ॥ ।। १००४७ ।। ॥ १००४८ ॥
॥ १००४९ ॥ ।। १००५० ।। ।। १००५१ ।। ॥ १००५२ ॥ ॥। १००५३ ॥ ॥। १००५४ ।।
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |