Page Text
________________
इय पुव्ववदंसियधीर-भावमयकवयविहियदढरक्खो । अक्खुभियमणो धीमं, धम्मज्झाणे थिरो जाओ तं च तहाविहमाऽऽभोगिऊण, तियसो खणेण संहरिउं । मेहं तओ विउव्वइ, भीमं दावानलं पुरओ अह दावानलपसरंत- फारजालाकलावसंवलितं । उल्लसियधूमलेहा - संछाइयरविकराऽऽभोगं खरपवणुप्पाइयदीह-रच्चिदज्झंततारयाचक्कं । उच्छलियतडयडाऽऽरव - ठइयाऽवरसद्दवावारं दाहभयवेविराऽमर- खयरवहूविहियगाढहलबोलं । सव्वत्तो वि पलित्तं व, झत्ति जायं जयमऽसेसं एवंविहं पि तं पासि- ऊणं झाणाओ जा न थेवं पि । चलिओ महसेणमुणी, ताव सुरो रसवई पउरं नाणाविहवंजणभक्ख - भोयणाऽणेगपाणयाऽऽइण्णं । उवदंसिऊण पुरओ, महुरगिराए इमं भणइ हे समण ! किं किलिस्ससि, निरत्थयं निरसणो महाभाग ! । नणु णवकोडिविसुद्धं, आहारं भुंजसु एयं निरवज्जाऽऽहाराणं, साहूणं निच्चमेव उववासो। किं सुमरसि सुत्तमिमं, न तुमं जं सोसयसि अंगं चित्तसमाहाणं चिय, कायव्वं किं व कट्ठकिरियाए । तपसुसिओ वि हु अहरं, गई गओ जेण कंडरिओ तज्जे पुण भाया, पुंडरिओ सुद्धचित्तपरिणामो । अकयतवो वि महप्पा, उववण्णो देवलोगम्मि ता उज्झिय कुग्गाहं, भुंजसु सुविसुद्धमेवमाऽऽहारं । जइ संजमाओ निव्वेय-भावमुव्वहसि नो भद्द ! इय मुणिवेसेण सुरेण, भूरिसो भासिओ वि महसेणो । ईसि पि जा न चलिओ, झाणाओ ता पुणो तेण सुइनेवत्थधरीओ, उब्भडसिंगारमणहरंऽगीओ । जुवईओ निम्मियाओ, तम्मणवामोहणट्ठाए अह सवियारविजंभित-कडक्खविक्खेवसबलियदिसाहिं। सुंदरमुर्हि दुजोन्हा - पवाहहसियाऽमरनईहिं सविलासुल्लासियबाहु- वल्लिपायडियथोरथणयाहि । चरणपडिलग्गरणक (झ) णिर-मंजुमंजीररम्माहि रणामणिकिरणसमूह-रइयदिसिचक्कसक्कचावाहि। मंदारदामपरिमल-आयड्ढियभसलजालाहिं नीवीसंजमणच्छल-पर्याडियखणपीणसोणिबिम्बाहि । अनिमित्तुवदंसियगाय-भंगपिसुणियवियाराहिं बहुहावभावविब्भम-सुंदरविविहोवयारकुसलाहिं । दे नाह ! पसिय तायसु, तुममेव गई मई अम्ह इय जंपिरीहिं विरइय-करंऽजलीहिं पि तियसजुवतीहि । उवसग्गिओ वि चलिओ, झाणाउ न सो महासत्तो डोमणुलोममहोव - सग्गवग्गं च निष्फलं नाउं । परिसंतो सो तियसो, चितेउमिमं समाढत्तो धी ! धी! पावेण मए, असद्दहंतेण अवितहं पि गिरं । हरिणो महाणुभावस्स, एस आसाइओ साहू एवं विहगुणगणरयण - सिमुणिजायणुत्थपावेण । दूमिज्जंतस्स ममं, कत्तो एत्तो परित्ताणं तं कुण किंपि कज्जं, सयमेसो मइविवज्जए जीवो। जेणंऽतो सल्लेण व, पीडिज्जंतो दुहं जियइ इय झूरिऊण सुचिरं पराए भत्तीए थुणिय महसेणं । जत्तेण खामिऊण य, जहागयं पडिगओ तियसो महसेणो वि सममणो, माणऽवमाणेसु दुक्खसुक्खेसु । सविसेसमुत्तरोत्तर- वड्ंतविसुद्धपरिणामो अच्चतसमाहीए, कालं काऊणं भासुरो देवो । तेत्तीससागराऽऽऊ, जाओ सव्वट्ठसिद्धम्मि
अह कालगयं तं जाणि ऊण थेरा जहाऽऽगमविहीए। तक्कालोचियकायव्व - वेइणो मुणियभवभावा तस्स सरीरं तसबीज-पाणहरियंऽकुराऽऽइणा रहिए। पुव्वपडिलेहिए थंडिलम्मि सम्मं परिठवेंति ततरं पडिग्गह-मुहधम्मोवगरणमऽवि तस्स । घेत्तुं अतुरियचवलं, गोयमसामि समल्लीणा तिपयाहिणदाणपुरस्सरं च तं वंदिऊण पणयसिरा । उवणीयतदुवगरणा, एवं भणिउं समाढत्ता भयवं स तुम्ह सीसो, खंतिखमो विजियदुज्जयाऽणंगो । पम्मुक्कसव्वसंगो, वज्जियनीसेससावज्जो पयईए च्चिय सरलो, पयईए च्चिय सुचिण्णसामण्णो । पयईए य विणीओ, पयईए च्चिय महासत्तो सम्महियासियदुस्सह- परीसहो सरियपंचनवकारो। आराहणमाऽऽराहिय, निस्सामण्णं दिवं पत्तो अह मालइमालाहिं व, दसणपहाहिं पसाहयंतो व्व । थेरे गोयमसामी, महुरगिराए समुल्लवइ हो महाणुभावा !, सम्मं निज्जामिओ स तुब्भेहिं । जाणियजिणवयणाणं, एवं चिय वट्टिउं जुत्तं
૨૦૧
।। ९९२४ ॥
।। ९९२५ ।। ।। ९९२६ ॥ ।। ९९२७ ॥
॥ ९९२८ ॥
।। ९९२९ ।।
॥
९९३० ॥
॥
९९३१ ॥
॥ ९९३२ ॥
॥
९९३३ ॥
॥ ९९३४ ॥
॥ ९९३५ ॥
॥ ९९३६ ॥ ॥ ९९३७ ॥
।। ९९३८ ।।
॥। ९९३९ ॥
।। ९९४० ॥
॥ ९९४१ ॥
।। ९९४२ ।।
॥ ९९४३ ॥ ॥ ९९४४ ॥ ॥। ९९४५ ॥ ॥ ९९४६ ॥
॥ ९९४७ ॥ ।। ९९४८ ।। ॥। ९९४९ ॥
।। ९९५० ।। ।। ९९५१ ।। ।। ९९५२ ।।
।। ९९५३ ॥
।। ९९५४ ॥
।। ९९५५ ।। ।। ९९५६ ॥ ।। ९९५७ ।।
।। ९९५८ ।।
।। ९९५९ ।।
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |