Page Text
________________
॥ ८२४६॥ ॥८२४७॥
एत्तो कमाऽणुपत्तं, परमपवित्तत्तजणणसुनिमित्तं । चउसरणगमणनामे-गारसमक्खेमि पडिदारं अरहन्तसिद्धसाहू-जिणधम्मचउक्कमिममऽहो खवग!। सरणत्तेण पवज्जस. कयवयरक्खाविहाणो वि तत्थनिट्ठियनाणाऽऽवरणे, अप्पडिहयनाणदंसणपयारे। भीमभवभमणकारण-विद्धंसणपत्तअरुहन्ते सव्वुत्तमचारित्ते, सव्वुत्तमलक्खणंऽकियसरीरे। सव्वुत्तमगुणकलिए, सव्वुत्तमपुण्णपब्भारे सव्वजगज्जीवहिए, सव्वजगज्जीवपरमबंधुजणे । अरिहंते भगवंते, सुंदर! सरणं पवज्जाहि सव्वंगनिक्कलंके, समत्थतेलोक्कनहयलमयंके। परिगलियपावपंके, दुहत्तजयजीवजणयंके परमगरुयाऽणुभावे, परमपयपसाहगे परमपुरिसे। परमप्पाणे परमे-सरे य तह परमकल्लाणे सब्भूयभावपरमत्थ-देसगे भूसगे य भुवणस्स । अरिहंते भगवंते, सुंदर! सरणं पवज्जाहि भवियजणकुमुयचंदे, तइलोक्कपयासणेक्कदिणनाहे । संसारसरणरीणंऽगि-वग्गवीसामथामे य परमाऽइसयसमिद्धे, अणंतबलविरियसत्तसंजुत्ते । भीमभवजलहिमज्जंत-जंतुगणजाणवत्ते य हरिहरबंभपुरंदर-दुम्महवम्महमहाऽरिदप्पहरे। अरिहंते भगवंते, सुंदर! सरणं पवज्जाहि तेलोक्कसिरीतिलए, मिच्छत्ततमोविणासदिवसयरे। तेलोक्करंगमज्झे, अतुल्लमल्ले महासत्ते तेलोक्कपणयपाए, समत्थतेलोक्कपसरियपयावे। पसरियपयावखंडिय-पयंडपासंडियपभावे पसरंतकित्तिकमलिणि-वित्थरसंघडसमत्थभुवणसरे। भुवणसररायहंसे, धम्मधुराधरणवरधवले सव्वाऽवत्थपसत्थे, अप्पडिहयसासणे अमियतेए। संपुण्णपुण्णपब्भार-लब्भदंसणविसेसे य सिरिमंते भगवंते, करुणावंते पगिट्ठजयवंते। सव्वे विहु अरिहंते, सुंदर! सरणं पवज्जाहि परिपालिय इह चरणं, काउंपावाऽऽसवाण संवरणं । मरिठं पंडियमरणं, निरसिय संसारपरिसरणं सिद्धे कयकिच्चत्ता, बुद्धे उण विमलकेवलगुणेण । मुक्के भवहेऊहिं, परिनिव्वुडए सुहसिरीए कयसयलदक्खअंते, सण्णाणाऽऽइगणेहिंय अणंते। विरियसिरीए अणंते, अणंतसुहरासिसंकंते सव्वोवलेवरहिए, अहेउणो सपरकम्मबंधस्स । अह भगवंते सिद्धे, सुंदर! सरणं पवज्जाहि ववगयकम्माऽऽवरणे, नित्थरियसमत्थजम्मजरमरणे । तेलोक्कसिराऽऽभरणे, सव्वजगज्जीववरसरणे खाइयगुणप्पभूए, समत्थतेलोक्ककयपरमपूए । सासयसोक्खसरूवे, दूरुज्झियवण्णरसरूवे मंगलनिलए मंगल-निबंधणे परमनाणमयतणुणो। अह भगवंते सिद्धे, सुंदर! सरणं पवज्जाहि लोयऽग्गसंनिविटे, साहियदुस्सज्झसव्वपरमठे। पत्तपगिट्ठपइठे, एत्तो च्चिय निट्ठियठे वि सद्दाऽऽईणमऽगम्मे, अमुत्तिमंते अनिदियजनाणे । परमाऽइसयसमिद्धे, सिद्धे सरणं पवज्जाहि अच्छिज्जे धाराणं, अभिंदणिज्जे य सव्वअणियाणं । अपलावणिज्जरूवे, जलाणमऽग्गीण य अडज्झे पलयपबलाऽनिलाण वि, अहीरणिज्जे न वज्जदलणिज्जे । सुहमे निरंजणे अक्खए य अच्चिन्तमाहप्पे अच्चन्तपरमजोगीहि, चेव जाणियजहट्ठियसरूवे । कयकिच्चे निच्चे वि य, अजे य अजरे अमरणे य हणिउमणो नियकम्मं, सम्मं आराहणाणिविट्ठो य । सुंदर! तुमं विसप्पंत-तिव्वसंवेगरसफुण्णो सिरिमंते भगवंते, अरुहंते सव्वहा विजयवंते। परमेसरे सरण्णे, सिद्धे सरणं पवज्जाहि सइ अहिगयजीवाऽजीव-पमुहपरमत्थवित्थरे सम्म। समवगयपयइनिग्गुण-संसाराऽऽवाससब्भावे संवेगगरुयगीयत्थ-सुद्धकिरियापराण धीराणं । सारणवारणचोयण-पडिचोयणदायगाणं च सुगुरूण पायमूले, सम्म पडिवण्णपुण्णसामण्णो। अह समणे निग्गंथे, सुंदर! सरणं पवज्जाहि मोक्खम्मि बद्धलक्खे, संसारियसुहविरत्तचित्ते य । गुरुसंवेगा संसार-वाससव्वंगनिविण्णे एत्तो च्चिय चत्तकलत्त-पुत्तमित्ताऽऽइचित्तपडिबंधे। पडिबंधमेत्तपरिचत्त-सयलगिहवासवासंगे
।। ८२४८॥ ।। ८२४९ ॥ ।। ८२५०॥ ।। ८२५१॥ ॥ ८२५२॥ ॥ ८२५३॥ ॥८२५४॥ ॥ ८२५५ ॥ ॥ ८२५६॥ ॥ ८२५७॥ ॥ ८२५८ ॥ ॥८२५९॥ ॥८२६०॥ ॥ ८२६१॥ ॥ ८२६२ ॥ ॥ ८२६३ ॥ ।। ८२६४ ॥ ।। ८२६५ ॥ ।। ८२६६॥ ॥ ८२६७॥ ॥८२६८॥ ॥८२६९॥ ॥८२७०॥ ॥८२७१ ॥ ॥ ८२७२ ॥ ॥ ८२७३ ।। ॥ ८२७४ ॥ ॥ ८२७५ ॥ ॥ ८२७६ ॥ ॥ ८२७७॥ ।। ८२७८ ॥ ॥ ८२७९ ॥ ॥८२८०॥
२33
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |