Page Text
________________
।। ८०३७॥ ॥ ८०३८॥ ।। ८०३९ ॥ ॥ ८०४०॥ ।। ८०४१॥ ॥ ८०४२ ॥ ॥८०४३ ॥ ॥८०४४॥ ।। ८०४५ ॥ ॥८०४६ ॥ ॥८०४७॥ ॥८०४८॥ ॥८०४९॥ ।। ८०५०॥ ॥८०५१ ॥
अट्ठीणं तिण्णि सया, भरिया बीभच्छकुणिममज्जाए। संधीणं सव्वग्गं, सट्ठीअहियं सयं होइ नव ण्हारूण सयाई, सिरासयाइं च होंति सत्तेव । होति य पंच सयाई, देहम्मि मंसपेसीणं इय सुक्कसोणियप्पमुह-कलुसपोग्गलचएण निम्माओ । नवमाससमाओ असुई-रसपाणुवलद्धपरिवुड्ढी जोणिमुहनीहरिओ वि, जणणीथणछीरपीणिओ बाढं। पगइअमेज्झमइओ, सुइत्तमाऽऽवहइ कहं देहो एवंविहे य इहइं, बहिरंऽतो वा वि कयलिथंबे(भे) व्व । सम्मं पेहिज्जंते, न विज्जए सारलेसो वि सप्पेसु मणी दंता, गएसु चमरीसु केसपब्भारो । दिट्ठो सारो न उणऽत्थि, को वि सारो मणुयदेहे छगणे मुत्ते दुद्धे, गोणीए दीविणो य चम्मम्मि । सुचिया दिट्ठा न उणऽत्थि, का वि सुचिया मणुयदेहे वाइयपित्तियसिभिय-रोगा तण्हाछुहाऽऽइया य तहा। निच्चं तवंति देहं, अद्दहियजलं व जलियऽग्गी एवंविहदेहो वि हु, बालो जोव्वणमएण वामूढो । ससरीरतुल्लकारण-निम्मायम्मि वि जुवइदेहे उवमेइ केसहत्थं, बरहिकलावेण भालवलृ पि । अट्ठमिमयंकबिंबेण, नयणमंऽभोरुहदलेण अहरं पि पोमराएण, गीवमुवमेइ पंचयण्णेण । कणयकलसेहिं थणए, भुयजुयलं नलिणिनालेण पाणि पि पल्लवेणं, नियंबफलयं पि कंचणसिलाए । रंभाहिं ऊरुजुयं, चलणे रत्तुप्पलेहिं च न विभावेइ अणज्जो, कत्तिच्छण्णं अमेज्झनिम्मायं । कलमलयमंससोणिय-पुण्णमिमं अप्पदेहं व सुरहिविलेवणतंबोल-कुसुमनिम्मलदुगूलभूसाहिं । खणमेत्तपत्तबाहिर-सोहं रम्मं ति काऊण केवलमऽबलादेहं, परिभुज्जइ काममोहियमणेहिं । जह कडुहड्डाऽऽइजुयं, मंसमऽसिज्जइ सपूइं पि तहाबालो अमेज्झलित्तो, अमेज्झमज्झम्मि चेव जह रमइ । तह रमइ नरो मूढो, महिलअमेज्झे सयमऽमेज्झो कुणिमरसकुणिमगंध, सेवंता महिलियातणुकुडीरं । सायाऽभिमाणिणो जे, ते लोए होंति हसणिज्जा एवं एए अत्थे, देहे चिन्तन्तयस्स पुरिसस्स । परदेहं परिभोत्तुं, इच्छा कह होज्ज सघिणस्स एए अत्थे सम्म, देहे पेच्छंतओ नरो सघिणो । ससरीरे वि विरज्जइ, कि पुण अण्णस्स देहम्मेि थेरा वा तरुणा वा, वुड्ढा सीलेहि हुंति वुड्ढेहिं । थेरा वा तरुणा वा, तरुणा सीलेहिं तरुणेहिं खोभेइ पत्थरो जह, दहे पडतो पसंतमऽवि पंकं । खोभेइ तहा मोहं, पसंतमऽवि तरुणसंसग्गी कलुसीकयं पि उदयं, विमलं जह होइ कयगफलजोगा। तह मोहकलुसियमणो, जीवो वि हु वुड्ढसेवाए तरुणो वि वुड्ढसीलो, होइ नरो वुड्ढसंसिओ अइरा। लज्जाऽवरोहसंका-गउरवभयधम्मबुद्धीहि वुड्ढो वि तरुणसीलो, होइ नरो तरुणसंसिओ अइरा । वीसंभनिव्विसंको, समोहणिज्जा य पयईए लीणो वि मट्टियाए, जायइ जलजोगओ जहा गंधो । तह लीणो वि वियंभइ, मोहो तरुणाण सेयाओ तरुणेहिं सह वसंतो, संतो वि चलिंदिओ चलमणो य । अचिरेण सइरचारी, पावइ महिलागयं दोसं पुरिसस्स य अपसत्थो, भावो तिहि कारणेहिं संभवइ । विरहम्मि अंधयारे, कुसीलसेवाए सयराहं जह चेव चारुदत्तो, गोट्ठीदोसेण आवई पत्तो । पत्तो य उण्णई सो, पुणो वि तह वुड्ढसेवाए तहाहिचंपाए नयरीए अहेसि भाणू त्ति सावगो इब्भो । भज्जा य से सुभद्दा, पुत्तो पुण चारुदत्तो त्ति जोव्वणमऽणुपत्तो वि हु, सो पुण साहु व्व निव्वियारमणो। वंछइ न विसयनामं पि, गेण्हिउं किं पुणाऽऽयरिउं तो जणणीजणगेहिं, खित्तो दुल्ललियगोट्रिमज्झम्मि । भावपरियत्तणकए, तो तीए सह स वढ्तो जातो विसयाऽभिमुहो, ठितो य गेहे वसंतसेणाए। वेसाए समा बारस, नीयं निहणं च सव्वधणं निव्वासिओ य भवणाहि, वाइयाए गओ स गेहम्मि। अम्मापिऊण मरणं, सोऊण य गाढदुक्खत्तो १. अद्दहियजलं = आहितजलम्, २. वाइयाए = वेश्याजनन्या,
॥८०५२।। ।। ८०५३ ॥ ॥ ८०५४॥ ॥ ८०५५॥ ॥ ८०५६॥ ।। ८०५७॥ ॥८०५८॥ ॥८०५९॥ ॥८०६०॥ ॥८०६१ ॥ ।। ८०६२ ॥ ॥ ८०६३ ॥ ॥ ८०६४ ॥
।। ८०६५ ॥ ॥८०६६ ।। ।। ८०६७॥ ।। ८०६८॥ ॥ ८०६९ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |