Page Text
________________
नाणं खु सिक्खियव्वं, नरेण लद्धूण दुल्लहं बोहिं । जइ इच्छा नाउं जे, जीवस्स विसोहणं परमं सव्वत्थामेण सुयं, घेत्तव्वं जहबलं तवो किच्चं । उस्सुत्तं कीरंतो, तवो वि न जओ गुणाय भवे किंच
न हु मरणम्मि उवग्गे, सक्को बारसविहो सुयक्खंधो। सव्वो अणुचितेडं, धणियं पि समत्थचित्तेणं ता जो एक्कपयम्मि वि, संजोगं कुणइ वीयरागमए । सो तेण मोहजालं, छिंदइ अज्झप्पजोगेणं एक्कम्मि वि मोक्खनिबंधणम्मि, जो होइ निच्चमाऽऽउत्तो । तं तस्स होइ नाणं, जेण विरागत्तणमुवेइ भत्तपाणा, सुहेउं ते तवस्सिणो नेया । सुत्तविउत्ताण तवो, जरविहुराण व छुहामारो नाणेण वज्जणिज्जं, वज्जिज्जइ किज्जइ य करणिज्जं । नाणी जाणइ काउं, कज्जमऽकज्जं च वज्जेउं नाणसहियं चरितं नूणं संपायगं गुणसयाणं । एसा जिणाणमाऽऽणा, नऽत्थि चरित्तं विणाऽऽणाए जं नाणं तं करणं, जं करणं पवयणस्स सो सारो। जो पवयणस्स सारो, सो परमत्थो त्ति नायव्वो परमत्थगहियसारो, बंधं मोक्खं मुणेइ जीवाणं । नाऊण बंधमोक्खं, खवेइ भवसंचियं कम्मं नाऽदंसणिस्स नाणं, न य अण्णाणिस्स होंति चरणगुणा । अगुणस्स नत्थि मोक्खो, नत्थि असुत्तस्स निव्वाणं भद्दं बहुस्सुयाणं, सव्वत्थेसु परिपुच्छणिज्जाणं । नाणेणुज्जोयकरा, जे सिद्धिगएसु वि जिणेसु किं एत्तो लट्ठयरं, अच्छेयरं व सुंदरतरं वा । चंदमिव जमिह लोया, बहुस्सुयमुहं पलोयंति चंदाउ नीइ जोण्हा, बहुस्सुयमुहाउ नीइ जिणवयणं । जं सोऊण मणूसा, तरंति संसारकंतारं चोद्दसपुव्वधरा जे, ओहिण्णाणी य केवली चेव । लोगुत्तमपुरिसाणं, तेसिं नाणं अभिण्णाणं दढमूढमहाणम्मि वि, वरमेगो वि सुयसीलसंपण्णो । मा हु सुयसीलविगलं, काहिसि माणं पवयणम्मि तम्हा सुयम्मि जत्तो, कायव्वो होइ अप्पमत्तेणं । जेणऽप्पाणं परमऽवि, दुक्खसमुद्दाउ तारेइ नाणोवयोगरहितो, न तरइ नियचित्तनिग्गहं काउं । नाणं अंकुसभूयं, चित्तस्सुम्मत्तकरिणो व्व विज्जा जहा पिसायं, सुट्टु पउत्ता करेइ पुरिसवसं । नाणं हिययपिसायं, सुट्टु पउत्तं तह करेइ उवसमइ किण्हसप्पो, जह मंतेण विहिणा पउत्तेण । तह हिययकिण्हसप्पो, सुटठुवउत्तेण नाणेण आरण्णओ वि हत्थी, मत्तो नियमिज्जए वरत्ताए । जह तह इह नियमिज्जइ, नाणवरत्ताए मणहत्थी
।। ७८४५ ।।
मक्कडओ खणमऽवि, रज्जूए विणा न ठाइ एगत्थ । तह खणमऽवि मज्झत्थो, नाणेण विणा न होइ मणो ॥ ७८४६ ॥ तम्हा सो अइचवलो, मणमक्कडओ जिणोवएसेणं। काउं सुत्तनिबद्धो, रामेयव्वो सुहज्झाणे नाणुवओगो तम्हा, खमगस्स विसेसओ सया भणिओ । जह चक्कऽडुवओगो, चंदगवेज्झं करेंतस्स नाणपईवो पज्जल, जस्स हियए विसुद्धलेसस्स। जिणदिट्ठमोक्खमग्गे, न पणासभयं भवे तस्स नाणुज्जोएण विणा, जो इच्छइ मोक्खमग्गमुवगंतुं । गंतुं कडिल्लमिच्छइ, जम्मंऽधो इव वरागो सो जइ खंडसिलोगेहिं वि, मरणाउ रक्खिओ जवो साहू । ता कह नो रक्खिज्जइ, जिणुत्तसुत्तेण भवभयओ तहाहि
।। ७८४७ ।। ।। ७८४८ ।। ।। ७८४९ ।। ।। ७८५० ।। ।। ७८५१ ।।
उज्जेणीनगरीए, अनिलसुओ नरवई जवो आसि । पुत्तो य गद्दभो से, जुवराओ परमपणयपयं नीसेसरज्जकज्जाण, चिंतगो दिग्घपिट्ठनामो य। मंती अहेसि विस्सास - भायणं सव्वकज्जेसु अच्वंतरूवकलिया, जवस्स धूया अडोल्लिया आसि । भइणी जुवरण्णो गद्द-भस्स नवजोव्वणसुहंऽगी तं एगया पलोइय, जुवराया मयणविहुरिओ संतो। तदसंपत्तीए किसो, पइदियहं होउमाऽऽरद्धो पुट्ठो य अमच्चेणं, कीस किसो होसि गाढनिब्बंधे । तेणेगंते सिद्धं, ताहे वुत्तं अमच्चेण
जह कोवि नेव जाणइ, तह भूमिहरे इमं छुहेऊण । भुंजेसु विसयसोक्खं, संतप्पसि कीस तं कुमर ! एवं कयम्मि लोगो वि, जाणिही नूण केणई हडत्ति । पडिवण्णं कुमरेणं, कयं च तह चेव मूढेणं वइयरमिमं च नाउं, जवराया जायगाढनिव्वेओ । पुत्तं रज्जे ठविडं, सुगुरुसमीवम्मि पव्वइओ अणुसासिज्जंतो वि हु, न तहा पाढम्मि सो समुज्जमइ । पुत्तप्पडिबंधेण य, पुणो पुणो एइ उज्जेणि
।। ७८२५ ।। ।। ७८२६ ।।
૨૨૧
॥ ७८२७ ॥ ।। ७८२८ ।। ।। ७८२९ ।। ।। ७८३० ।। ।। ७८३१ ।। ।। ७८३२ ॥ ।। ७८३३ ॥
।। ७८३४ ॥
।। ७८३५ ।। ।। ७८३६ ।। ।। ७८३७ ॥
।। ७८३८ ।।
॥ ७८३९ ॥ ।। ७८४० ॥
।। ७८४१ ॥
।। ७८४२ ।।
॥ ७८४३ ॥
॥ ७८४४ ।।
।। ७८५२ ।।
।। ७८५३ ।।
।। ७८५४ ।।
।। ७८५५ ।।
।। ७८५६ ॥
।। ७८५७ ।। ।। ७८५८ ।।
।। ७८५९ ।। ।। ७८६० ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |