Page Text
________________
॥ ७६४४॥ ॥ ७६४५॥ ॥७६४६॥ ॥ ७६४७॥ ॥७६४८॥ ।। ७६४९॥ ।। ७६५०॥ ॥ ७६५१॥ ॥ ७६५२॥ ॥ ७६५३ ॥ ॥ ७६५४ ॥
एयस्स जहाविहिविहिय-सव्वआराहणापयारस्स। कामियफलसंपायण-पहाणमंतस्स य पभावा सत्तू वि होइ मित्तो, तालउडविसं पि जायए अमयं । भीमाऽडवी वि वियरइ, चित्तरई वासभवणं व चोरा वि रक्खगत्तं, उवेंति साऽणुग्गहा भवंति गहा । अवसउणा वि हु सुहसउण-साहणिज्जं जणंति फलं जणणीओ इव न कुणंति, डाइणीओ वि थोवमऽवि पीडं। पभवंति न रुद्दा मंत-तंतजंतप्पयारा वि पंकयपुंजो व्व सिही, सीहो गोमाउओ व्व वणहत्थी। मिगसावो व्व विहावइ, पंचनमोक्कारसामत्था एत्तो च्चिअ सुमरिज्जइ, निसियणउट्ठाणखलणपडणेसु । सुरखेयरपभिईहिं वि, एसो परमाए भत्तीए धण्णाण मणोभवणे, सद्धाबहुमाणवड्डिनेहिल्लो। मिच्छत्ततिमिरहरणो, वियरइ नवकारवरदीवो जाण मणवणणिगुंजे, रमइ णमोक्कारकेसरिकिसोरो। ताणं अणिट्टदोघट्ट-घट्टघडणा न नियडे वि ता निबिडनिगडघडणा-गुत्ती ता वज्जपंजरनिरोहो । नो जावऽज्जवि जविओ, एस नमोक्कारवरमंतो दप्पिट्ठदुट्ठनिट्ठर-सुरुट्ठदिट्ठी वि होइ ताव परो । नवकारमंतचिंतण-पुव्वं न पलोइओ जाव मरणरणंऽगणगणसंगमे गमे गामनगरमाऽऽईणं । एयं सुमरंताणं, ताणं संमाणणं च भवे तहाजलमाणमणिपहफुण्ण-प्फारफणिवइफणागणाहिंतो। पसरंतकिरणभरभग्ग-भीमतिमिरम्मि पायाले चिन्ताऽणंतरघडमाण-माणसाऽऽणंदिइंदियऽत्था जं। विलसंति दाणवा किर, तं पि नमोक्कारफुरियलवो जंपिय विसिटुपयवी-विज्जाविण्णाणविणयनयनिउणं । अक्खलियपसरपसरंत-कंतजसभरियभुवणयलं अच्चंतऽणुरत्तकलत्त-पुत्तपामोक्खसयलसुहिसयणं । आणापडिच्छणुच्छाहि-दच्छगिहकम्मकारिजणं अच्छिण्णलच्छिविच्छड्डु-सामिभोइत्तवियरणपहाणं । रायाऽमच्चाऽऽइविसिट्ठ-लोयपयईबहुमयं च जहचिंतियफलसंपत्ति-सुंदरं दिण्णदुक्कहचमकं । पाविज्जइ मणुयत्तं, तं पि नमोक्कारफललेसो जंपिय सव्वंगपहाण-लडहचउसट्ठिसहसविलयालं । बत्तीससहस्समह-प्पभावभासंतसामन्तं पवरपुरसरिसछण्णवइ-गामकोडीकडप्पदूप्पसरं। सुरनयरसरिसपुरवर-बिसत्तरीसहससंखालं बहुसंखखेडकब्बड-मडंबदोणमुहपमुहबहुवसिमं । दीसंतकंतसुंदर-संदणसंदोहदिण्णदिहिं परचक्ककप्पणाऽणप्प-दप्पपाइक्कचक्कसंकिण्णं । पगलंतगंडमंडल-पयंडदोघट्टथट्टिल्लं मणपवणजवणचंचल-खुरुक्खयखोणितलतुरंगालं। सोलससहस्सपरिसंख-जक्खरक्खापरिकिण्णं नवनिहिचोद्दसरयण-प्पभावपाउब्भवंतसयलऽत्थं । छक्खंडभरहखेत्ताऽ-हिवत्तणं लब्भए भुवणे तं पि हु किर सद्धासलिल-सेयपरिखुड्डियस्स तस्सेव। पंचनमोक्कारतरुस्स, को वि फलविलसियविसेसो जं पि य सियदेवंऽसुय-संवुयसुरसयणसुंदरुच्छंगे। सिप्पिपुडंऽतो मुत्ताहलं व उववज्जई तत्तो आजम्मं रम्मतणू, आजम्ममुदग्गजोव्वणाऽवत्थो। आजम्मं रोगजरा-रयसेयविवज्जियसरीरो आजम्मं हारुवसऽट्रि-मंसरुहिराऽऽइतणुमलविमुक्को। आजम्मं अमिलायन्त-मल्लवरदेवदूसवरो उत्तत्तजच्चकंचण-तरुणदिवायरसमप्पहसरीरो। पंचप्पहरयणाऽऽहरण-किरणकब्बुरियदिसियक्को अक्खंडगंडमंडल-ललंतकुंडलपहापहासिल्लो । रमणीयरसणअमरण-रमणीगणमणहरो कि च गहचक्कमेक्कहेलं, पाडेउं भूयलं भमाडेउं। सयलकुलाऽचलचक्कं, चूरेउं तह य लीलाए माणसपमहमहासर-सरियादहसायराण सलिलाई । पलयपवणो व्व समकाल-मेव सत्तो विसोसेठ तेलोक्कपूरणत्थं झत्ति विउव्वियमहल्लबहुरूवो। परमाणुमेत्तरूवो वि, तह य होउं लहु समत्थो तह एक्ककरंगुलिपंचगस्स, पत्तेयमऽग्गभागेसु । मेरुपणगाउ एक्केक्क-मेक्ककालं धरणसत्तो किं बहुणा सन्तं पि हु असंतयं तह असंतमऽवि संतं । वत्थु एक्कखणे च्चिय, दंसेउमऽलं करेउं च नमिरसुरविसरसिरमणि-मऊहरिंछोलिविच्छुरियपाओ। भूभंगाऽऽइट्ठपहिट्ठ-संभमुट्ठितपरिवारो चिंताऽणंतरसहसत्ति-संघडताऽणकलविसयगणो। अणवरयरइरसाऽऽविल-विलासकरणेक्कदल्ललिओ निम्मलओहिण्णाणा-ऽनिमेसदिट्ठीए दिलृट्ठव्वो। समकालोदयसमुर्वित-सयलसुहकम्मपयई य
॥ ७६५५॥ ॥ ७६५६॥ ॥७६५७॥ ॥ ७६५८॥ ॥ ७६५९॥ ॥७६६०॥ ॥७६६१ ॥ ॥७६६२॥ ।। ७६६३॥ ॥ ७६६४॥ ॥ ७६६५ ॥ ॥ ७६६६॥ ॥७६६७॥ ॥ ७६६८॥ ॥ ७६६९॥ ॥७६७०॥ ॥ ७६७१॥ ॥ ७६७२॥ ॥ ७६७३॥ ॥ ७६७४॥ ॥७६७५ ॥ ॥ ७६७६ ॥ ॥ ७६७७॥ ॥७६७८॥ ॥ ७६७९॥ ॥ ७६८०॥
૨૧૬
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |