Page Text
________________
I
एवं भावेमाणो, धम्मं सोऊण साहुमूलम्मि । भववासादुव्विग्गो, मायंगमहामुणी जाओ छट्ठऽट्ठमदसमदुवालसऽद्ध - मासाऽऽइविविहतवनिरओ । विहरंतो स महप्पा, पत्तो वाणारसिपुरीए गंडीतदुगजक्खस्स, मंदिरे तिंदुगम्मि उज्जाणे । वुत्थो य तं च जक्खो, भत्तीओ पज्जुवासेइ अण्णम्मि य पत्थावे, उज्जाणंऽतरनिवासिजक्खेण । आगंतूणं गंडी-तिंदुगजक्खो इमं त् हे भाय ! किण्ण दीससि, तेणं भणियं इमं मुणिवद्धिं । नीसेसगुणाऽऽहारं, निच्चं चिट्ठामि थुणमाणो दट्टु मुणिस्स चेट्टं, परितुट्ठो सो वि तिदुगं भणइ । तं चिय मित्त ! कयत्थो, जस्स वणे वसइ एस मुणी मज्झवि वसंति मुणिणो, उज्जाणे ता खणं तुमं एहि । गंतुं समगं ते वि हु, वंदामो तो गया दो वि दिट्ठा य तेहिं मुणिणो, कहवि पमायाउ विकहकरणरया । ताहे गाढयरागं, अणुरत्ता तम्मि ते जक्खा अह निच्चं पि य भावेण वंदमाणस्स पूयपावस्स । तं मुणिवसहं जक्खस्स, परमसोक्खेण जंति दिणा एगम्मि य पत्थावे, कोसलियमहीवइस्स भद्द त्ति । धूया बहुविहफलफुल्ल - पडलकरकिंकराऽणुगया आगंतूणं जक्खस्स, पडिममऽच्चेइ परमभत्तीए । तं अच्चिऊण देंती, पयाहिणं मलविलित्ततणुं कालविगरालरूवं, लायण्णविवज्जियं तवक्किसियं । मायंगमुणिं पेच्छइ, काउस्सग्गेण वट्टतं तो निच्छूढमणा, मूढत्तणओ लहुं च कुद्धेण । मुणिनिंदाकरणाओ, जक्खेण अहिट्ठिया सा-य असमंजसाई बहुसो, पलवंती कहवि रायभवणम्मि । नीया नरवइणाऽवि हु, अच्चंतविसण्णचित्तेण बहुमंततंतपरमत्थ-वेइणो वाहराविया पुरिसा । विज्जा वि य तेहिं कया, चउप्पयारा वि से किरिया अयप्पडियारेसु य, वेज्जाsssसु उवरएसु सो जक्खो । जंपइ पत्तम्मि ठिओ, एयाए निंदिओ साहू ता जइ एयं तस्सेव, देह मुंचामि नऽण्णहा मोक्खो । जह तह जियउ वराइ त्ति, राइणा पडिसुयमिमं पि अह सा पगुणसरीरा, सव्वाऽलंकारभूसिया घेत्तुं । वीवाहजोग्गमुवगरण - माऽऽगया भूरिरिद्धीए चलणेसु निवडिऊणं, भणइ मुणि कुण पसायमिह भगवं ! । मज्झं सयंवराए, गिण्हेसु करं करेणं ति मुणा वृत्तं इत्थीहिं, जे समं जंपिउं पि नेच्छंति । ते कह निययकरेहिं, रमणीण करे गहिस्संति सिद्धिवहुबद्धरागा, दुग्गइमूलासु कह णु जुवईसु । रज्जंति महामुणिणो, गेवेज्जनिवासितियस व्व अह तिव्वाऽमरिसेणं, जक्खेणऽच्छाइऊण मुणिरूवं । उव्वूढा वैलविया य, सव्वरयणि पिसा तेण सुमिणं व मण्णमाणी, पभायसमयम्मि सोगविहुरंगी । पिउणो गया समीवं, सिट्ठो सव्वो य वुत्तंतो आण्णो नरनाहो, मुणियसरूवेण रुद्ददेवेण । उवरोहिएण भणियं, देव ! इमा साहुणो पत्ती
विमुक्का कप्पर, पणामिउं तुम्ह बंभणाणं ति । पडिवण्णमिमं रण्णा, दिण्णा तस्सेव सा तत्तो अह सो तीए सद्धि, विसयनिसेवणपरो गमइ. कालं । अण्णम्मि य पत्थावे, जण्णो तेणं समारद्धो तत्थाऽऽगया य बहवे, वेयऽत्थवियक्खणा उवज्झाया। बहुभट्टचट्टचडयर - सहिया देसंतरेहितो अह सो मायंगमुणी, भिक्खकए तत्थ जण्णवाडम्मि । सिद्धबहुभेयभत्ते, समागओ मासपारणए तं च तवकिसियकायं, पंतोवहियं मलीमसं लुक्खं । दट्ठण धम्मदुट्ठा, बहुप्पयारं पहाणा जंपेन्ति भट्टवट्टा !, कीस तुमं एत्थ आगओ पाव ! । इण्हेिं चिय एयाओ, थामाओ लहुं विणिस्सर एत्थंतरम्मि जक्खो, रिसिणो देहम्मि पविसिउं भणइ । भिक्खऽत्थमागतो हं, तत्तो विप्पेहिं पडिभणियं जाव दिएहिं न भुत्तो, पढमं जलणम्मि जाव न वि छूढो । ताव न दिज्जइ एसो, सुद्दाणं वच्च तं समण ! कालम्मि सुखेत्ते, विहिणा बीयं सुवावियं फलयं । जायइ तह पिइबंभण-जलणम्मि णिवेसियं दाणं अह मुणिणा ते भणिया, जाइमित्तेण होंति नो विप्पा । तुम्हारिस व्व पावा, हिंसाऽलियमेहुणाऽऽसत्ता जलणो वि पावहेऊ, कह तम्मि निवेसियं सुहं कुणउ । पिउणो वि परभवगया, इह दिण्णं कह णु गिण्हंतु नच्चा य पडिकुद्धो त्ति, जायकोवा तओ मुणिं हन्तुं । दंडकसालेट्टुकरा, सव्वत्तो धाविया विप्पा छिण्णतरुणो व्व तापं, निवाडिया केवि तत्थ जक्खेण । अण्णे पहरेहिं हया, अण्णे पुण वामिया रुहिरं १. वेलविया - वञ्चिता - विडम्बिता इत्यर्थः, २. आदण्णो व्याकुलीभूतः,
૧૬
॥ ६१९२ ॥ ॥ ६१९३ ॥ ॥ ६१९४ ॥ ॥ ६१९५ ॥
॥ ६१९६ ॥ ।। ६१९७ ॥ ॥ ६१९८ ॥
॥ ६१९९ ॥
॥ ६२०० ॥
॥ ६२०१ ॥
॥ ६२०२ ॥
॥ ६२०३ ॥ ॥ ६२०४ ॥ ।। ६२०५ ।। ॥ ६२०६ ॥ ।। ६२०७ ।। ॥ ६२०८ ॥
।। ६२०९ ॥ ।। ६२१० ॥
॥ ६२११ ॥
॥ ६२१२ ॥
॥ ६२१३ ॥ ॥ ६२१४ ॥
॥ ६२१५ ॥ ॥ ६२१६ ॥ ॥ ६२१७ ॥
॥ ६२१८ ॥ ॥ ६२१९ ॥ ॥ ६२२० ॥
॥ ६२२१ ॥ ॥ ६२२२ ॥ ॥ ६२२३ ॥ ॥ ६२२४ ॥
।। ६२२५ ।। ॥ ६२२६ ॥ ।। ६२२७ ॥ ॥ ६२२८ ॥
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |