Page Text
________________
असमाहिणा व कालं, करेज्ज वच्चेज्ज दुग्गईए वि । तेण जहण्णेण वि होंति, दुण्णि खवगस्स निज्जवया ॥५३९५॥ किचसंलेहगं सुणेत्ता, जुत्ताऽऽयारेहिं निज्जविज्जंतं । सव्वेहि वि गंतव्वं, जईहिं । इयरत्थ भयणिज्जं
।। ५३९६॥ संलेहगस्स मूलं, जो वच्चइ तिव्वभत्तिराएण। भोत्तूण दिव्वसोक्खं, सो पावइ उत्तमं ठाणं
॥ ५३९७॥ एक्कम्मि वि भवगहणे, समाहिमरणेण जो मओ जीवो। न हु सो हिंडइ बहुसो, सत्तऽट्ठभवे पमोत्तूणं ॥५३९८॥ सोऊण उत्तमऽट्ठस्स, साहगं तिव्वभत्तिसंजुत्तो । जइ नो वच्चइ का उत्तमट्ठमरणम्मि से भत्ती
।। ५३९९ ॥ जस्सुत्तमऽट्टमरणम्मि, नेव भत्ती वि विज्जए तस्स । कह उत्तमट्ठमरणं, संपज्जइ मरणकालम्मि
॥ ५४००॥ न य खमगस्स समीवे, अल्लियणमऽसंवुडाण दायव्वं । तेसिं असंवुडगिराहिं, होज्ज खवगस्स असमाही ॥ ५४०१॥ तेल्लकसायाऽऽईहिं, बहुसो गंडूसया य दायव्वा । इइ जिब्भाकण्णबलं, जायइ वयणं च से विसयं
॥ ५४०२॥ इय धम्मुवएसमणोहराए, संवेगरंगसालाए । संविग्गमणोमहुयर-कुसुमियवणराइतुल्लाए
॥५४०३॥ आराहणाए पडिदार-नवगमइए ममत्तवोच्छेए । तइए दारे तुरियं, भणियं निज्जवगपडिदारं
॥ ५४०४ ॥ एवं सामग्गीसंभवम्मि, आहारचायकामस्स। खवगस्स सव्ववत्थूस, सम्मं नाउं निरीहत्तं
॥ ५४०५॥ दायव्वमऽणसणं तं च. नज्जए भोयणाऽऽइदंसणओ। ता तइंसणदारं, एत्तो लेसेण साहेमि
॥ ५४०६॥ अह स महप्पा पइसमय-पवरवटुंतसुद्धपरिणामो। गिम्हाऽभिहउ व्व मरुम्मि, बहलदलकिण्णतरुणो व्व ।। ५४०७॥ अच्वंतरोगविहुरो व्व, दक्खपडिचारए व्व निज्जवए। लभ्रूण गुरुं पणमित्तु, भत्तीए विण्णवेज्ज इमं
॥ ५४०८॥ भयवं! दुल्लहलंभा, सामग्गी एरिसी मए पत्ता । ता एत्तो नो जुत्तो, कालविलंबो ममं काउं
॥ ५४०९॥ कुणसु पसायं वियरसु, अणसणमेत्तो वि किं ममं इमिणा । असणाऽऽईणुवभोगेण, सुचिरसंलिहियकायस्स ॥५४१०॥ तो तं निरीहभावो-वलंभहेउं गुरू पदंसेज्जा। पयइसुरसाणि पयईए, चित्तसंतोसकारीणि
॥ ५४११॥ पयईए सुरहिगंधु-द्धराणि उक्कोसगाणि दव्वाणि । असणपभिईणि-पयईए, तस्स अक्खेवजणगाणि ॥ ५४१२॥ एएसु दंसिएसु य, हिययगतो तस्स नूण संकप्पो । कुरराऽऽरवं निसामिय, मीणगणो इव भवे पयडो ॥ ५४१३ ॥ दव्वपयासमऽकिच्चा, जइ कीरइ तस्स तिविहवोसिरणं । ता कहिं वि भत्तभेयम्मि, उज्जुगो होज्ज सो खवगो ॥५४१४ ॥ किंचभुत्तभोगी पुरा जो य, गीयत्थो वि सुभाविओ। सत्थो आहारधम्मेसु, सो वि खिप्पं तु खुब्भए
॥ ५४१५॥ तम्हा तिविहाऽऽहारं, पडुच्च संवरणकरणकामस्स । उक्कस्सियाणि सव्वाणि, तस्स दव्वाणि दंसेज्जा ॥ ५४१६॥ इय चउकसायभयभंजणीए, संवेगरंगसालाए। संविग्गमणोमहुयर-कुसुमियवणराइतुल्लाए
॥ ५४१७॥ आराहणाए पडिदार-नवगमइए ममत्तवोच्छेए । तइए दारे पंचम-मुत्तं दंसणपडिदारं
॥५४१८॥ दव्वप्पयासणाऽणंतरं च खवगस्स जो हु परिणामो। कमपत्तहाणिदार-प्परूवणेण तयं वोच्छं
॥५४१९ ॥ अच्चंतपबलसत्तो-ऽणुण्णाओ भोयणऽट्ठया गुरुणा । पुरओ उवणीयाई, दव्वाइं असणमाऽऽईणि
॥५४२०॥ पासित्ता फासित्ता, जिंघित्ता अहव ताई गिण्हेत्ता । ववगयकोऊहल्लो, सम्म एवं विचिंतेज्जा
॥ ५४२१॥ भवगहणम्मि अणाइम्मि, णंतसो इह मए भमंतेणं । किं नो भुत्तं किं नेव, फासियं जिंघियं किं नो
॥ ५४२२॥ किं किं संपण्णं नेव, वंछियं तह वि पावजीवस्स। तित्ती मणागमेत्तं पि, जा पुरा नेव संपण्णा
॥५४२३ ॥ सा कि अहुणा होही, ता तीरगयस्सिमेहिं किं मज्झ । इइ चितंतो कोई, संवेगपरायणो होइ
॥ ५४२४॥ आसाइत्ता कोई, तीरं पत्तस्सिमेहि कि मज्झ । वेग्गमऽणुसरंतो, संवेगपरायणो होइ
॥ ५४२५ ॥ देसं भोच्चा कोई, हा हा ! इण्डिं इमेहि किं मज्झ । वेरग्गमऽणुसरंतो संवेगपरायणो होइ
॥ ५४२६॥ सव्वं भोच्चा कोई, धिद्धि ! इण्हि इमेहि कि मज्झ । वेरग्गमऽणुसरंतो, संवेगपरायणो होइ
॥५४२७॥ कोई तमाऽऽयइत्ता, मणुण्णरसरसियचित्तपरिणामो। पकुणइ अणुबंधं सव्व-देसविसयं तहिं चेव
॥५४२८॥ तस्स य रसाऽणुबंधा-वहारिपल्हायणिज्जवयणेहि। धम्मकहं कहइ गुरू, खवगस्स पुणो वि बोहकए ॥ ५४२९॥ १. विसयं = विशदम् - निर्मलम्,
૧૫૪
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |