Page Text
________________
उत्तरगुणे य पिंडग्गहम्मि, अहवा वि भिक्खुपडिमासु । भावणबारसगम्मि, दव्वाऽऽइअभिग्गहेसुं च पडिलेहणापमज्जण - पत्तुवहिनिसीयणाऽऽइविसयम्मि । जो अइयारो विहिओ, सो वि हु आलोयणिज्जो ति ईरियाए अणुवओगे, सावज्जोहारिणीए भासाए । अविसुद्ध भत्तपाणाऽऽइ - गहणओ सणा अप्पडिलेहपमज्जिय-भंडगउवगरणगहणनिक्खेवे । उच्चाराईणमऽथं-डिले वि जह तह य परिठवणे इय पंचसु समिईसुं, गुत्तीसु य तीसु जो अईयारो। जाओ पमायओ को वि, सो वि आलोयणाअरिहो इय रागाऽऽइवसेणं, नट्ठविवेगेण असुहलेसेणं । जं कलुसियं चरितं तं सइ आलोयणिज्जं तु एवं तवम्मि अणसण-माऽऽइपयारेहिं बज्झरूवम्मि । अब्धिंतरम्मि वि तहा, पायच्छित्ताऽऽइभेएहिं सत्तीसब्भावम्मि वि, जमऽणायरणं कयं पमाएणं । सो होइ अईयारो, आलोएयव्वओ नियमा विरिए वि हु अइयारं, सपरक्कमगोवणेण किच्चेसु । सिवगइनिबंधणेसुं, आलोएयव्वयं जाण रागद्दोसकसाओ-वस्सग्गइंदियपरिसहट्टेण। जं दुट्टु वट्टियं तं पि, संममाऽऽलोइयव्वं ति मंदाऽवधारणत्तेण, जे य नो सुमरणापहे ठंति । असढस्स तस्स ओहेण, ते वि आलोइयव्वा उ एवं विचित्तभेयं, आलोएयव्वयं तु निद्दिट्टं । जह सा दवावियव्वा, गुरुणा तह संपयं वोच्छं पुव्वत्तो चेव गुरू, णवरं जो तत्थ होइ आगमिओ । पडिवज्जिहि त्ति नाउं, पम्हुट्ठे सारणं कुण जो पुण नो पडिवज्जइ, सुट्रुवि जत्तेण सासिओ तं तु । नो सारेइ भयवं, जम्हा सो सारणवसेण गच्छं पि परिचज्जा, गुणगणपरिमंडियं तु लज्जाए। अहवा होज्ज गिहत्थो मिच्छत्तं वा वि गच्छेज्जा गुणदोसे मुणिऊणं, इच्छह आलोयणं पुणो पच्छा । चोएइ देसकाले, सम्मं पडिवज्जिही जम्मि एगंतेण अजोगं, मुणिऊणं अहव नो पडिच्छेइ । तह जह से न वि जायइ, सुहुमं पि अपत्तियं किं पि इयरे य सुयाऽऽईया, आलोयावेंति ते पुण तिखुत्तो । सरिसऽत्थअपलिउंचि, आगाराऽऽईहिं नाऊण आगारेहिं सरेहिं, पुव्वाऽवरवाहयाहिं य गिराहिं । पलिउंचिस्स सरूवं, कुसला पाएण जाणंति जो सम्मं नाऽऽलोए, तस्सऽणुसट्ठि पुणो पजुंजंति । तह वि हु अठायमाणे, कारणओ नवरि पडिसेहो आह न छउमत्थेणं, पडिच्छियव्वे वि वियडणा नेय । दायव्वं पच्छित्तं, नाणस्स अभावओ सम्म परिणामहेउकम्मं, न य नज्जइ कस्स केरिसो सो य। निच्छयओ अण्णाए, तम्मि य कम्मं पितेण समं भण्णइ जह छउमत्थो वि, आगमे कयपरिस्समो वेज्जो । दिट्ठकिरिओ य रोगं, अवणेइ तहेव एसोि इय जह दवावियव्वा, गुरुणा आलोयण त्ति तह भणिया । पच्छित्तदारमेत्तो, समासओ संपवक्खामि दसविहपायच्छित्तं, आलोयणमाऽऽइयं मुणेयव्वं । जो तत्थ जेण सुज्झइ, अइयारो तं तदरिहं तु आलोयणेण सुज्झइ, अइयारो को वि को वि पडिकमणे । मिस्सेण को वि ता जाव को वि पारंचिएणं ति पच्छित्ताइं चरेंतस्स, सुद्धचित्तस्स अप्पमायाओ । जायइ पावविसुद्धी, भुज्जो तद्ऽकरणसत्तस्स तम्हा बज्झऽब्भन्तर-करणसमग्गेण धम्मिएणेह । निच्वं चिय होयव्वं, न अण्णहागाहजुत्तेणं पच्छित्तदारमेवं, कमपत्तं वण्णियं समासेण । फलदारम ओ वोच्छं, चोएइ य चोयगो तत्थ आलोयणाए पुव्वं, जे चेव गुणा पवण्णिया इहई । तयऽणंतरभावाओ, ते चेव फलं किमेएण ? भण्णइ न एत्थ दोसो, ते चेवाऽणंतरं फलं किंतु । इहई परंपरफलं, पडुच्च दारस्सुवण्णासो तं पुण इमए भणियं, जिणेहिं जियरागदोसमोहेहिं । मोक्खो सारीरेयर - दुक्खक्खयओ सयासोक्खो सम्मत्तनाणचरणा, तवो य जं मोक्खहेयवो भणियो । सइ चरणम्मि य नियमा, हवंति सम्मत्तनाणाई तस्स य पमायदोसा, मालिण्णमुवागयस्स संतस्स । भवसयसहस्समहणी, कीरइ सोही इमाए उ सुद्धचरणो य साहू, जयमाणो अप्पमायवं धीरो । खविऊण कम्मसेसं, अचिरा वरकेवलमुवेइ संपत्तकेवलो पुण तेणेव भवेण नीरओ भयवं । असुरसुरमणुयमहिओ, उवेइ मोक्खं सयासोक्खं एवं पच्छित्तफलं, लेसुद्देसेण किं पि उवइटुं । तब्भणणा पुण भणियं, पत्थुयमाऽऽलोयणविहाणं एयं च सम्ममऽवगम्म, खवग! परिचत्तअत्त उक्कोसो। उक्कोसं आराहण-विहाणमऽभिलसिउकामो सो
T
૧૪૫
॥ ५०६१ ॥ ।। ५०६२ ।। ॥ ५०६३ ॥
॥ ५०६४ ॥ ॥ ५०६५ ।।
॥ ५०६६ ॥
॥ ५०६७ ॥ ।। ५०६८ ।।
॥ ५०६९ ॥
॥ ५०७० ॥
॥ ५०७१ ॥
।। ५०७२ ।। ॥ ५०७३ ।। ॥ ५०७४ । ।। ५०७५ ।।
॥ ५०७६ ॥
।। ५०७७ ॥ ।। ५०७८ ॥
।। ५०७९ ।। ।। ५०८० ॥
॥ ५०८१ ॥ ।। ५०८२ ॥ ॥ ५०८३ ॥ ॥ ५०८४ ॥
।। ५०८५ ।।
॥ ५०८६ ॥
॥ ५०८७ ॥
।। ५०८८ ॥
।। ५०८९ ।। ।। ५०९० ॥
॥ ५०९१ ॥
।। ५०९२ ॥ ॥ ५०९३ ॥ ।। ५०९४ ॥ ।। ५०९५ ।। ।। ५०९६ ॥ ।। ५०९७ ॥ ।। ५०९८ ।।
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |