Page Text
________________
सम्म उवायपुव्वं, उस्सग्गऽववायजाणओ सो हु। खमगस्स पयलियं पि हु, चित्तं विहिणा पसा तो सम्मं समाहिकरणाणि, कुणइ तुटुं च कहवि कम्मवसा । संधेइ पुण समाहि, वारेइ असंवुडगिरं च जिणवयणसुइपभावा, पावियपसमो पणट्ठमोहत्तमो। गयपरितोसपओसो, विरागरोसो सुहं झाइ निम्महिय मोहजोहं, समच्छरं रागरायमुद्धरिउं। चउरंगबलेण तओ, भुंजइ निव्वाणरज्जसुहं गीयत्थपायमूले, होति गुणा एवमाऽऽइया बहवे । न हु होइ संकिलेसो, जायइ असमा समाही य पंचविहं ववहारं, जो जाणइ तत्तओ सवित्थारं । बहुसो य दिट्ठपट्ठा-वओ य ववहारवं नाम आणासुयआगमधारणे य, जीए य होंति ववहारा । एएसि सवित्थारा, परूवणा सुत्तनिद्दिट्ठा दव्वं खेत्तं कालं, भावं करणपरिणाममुच्छाहं । संघयणं परियायं, आगमपुरिसंच विण्णाय मोत्तूण रागदोसे, ववहारं पट्ठवेइ सो तस्स । ववहारकरणकुसलो, जिणवयणविसारओ धीरो ववहारमऽयाणंतो, ववहरणिज्जं च ववहरंतो य। ओसीयइ भवपंके, असुहं कम्मं च आयरइ जह रोगिणं न सज्जी-करेइ विज्जो तिगिच्छयाऽकुसलो। तह अव्ववहारविऊ, न सोहिकामं विसोहेइ . तम्हा संवसियव्वं, ववहारविउस्स पायमूलम्मि । तत्थ हु विज्जा चरणं, समाहिबोहीओ नियमेण
ओयंसी तेयंसी, वच्चंसी पहियकित्ती आयरिओ। सीहोवमो य भणिओ, जिणेहिं ओवीलओ नाम निद्धमहुरेहिं हिययंगमेहि, पल्हायणिज्जवयणेहिं । परहियकरणपरायण-मणेण तेणाऽवि मुणिवइणा इह पण्णविज्जमाणो, सम्म पि हु तिव्वगारवाऽऽईहिं। कोई णियए दोसे, सम्मं नाऽऽलोयए खवगो तो ओवीलेयव्वो, गुरुणा ओवीलएण सो अहवा। जह उयरत्थं मंसं, वमयइ सीही सियालीए तह फरुसगिराहिं अणुज्जयस्स, खवगस्स नीहरइ दोसे । आयरिओ तं कडुओ-सहं व पत्थं भवइ तस्स सुलहा लोए आयट्ठ-चिंतगा परहियम्मि मुक्कधुरा । आयटुं च पटुं च, चिंतयंता जए दुलहा खवगस्स जइ न दोसे, उग्गालेइ सुहुमे व इयरे वा । ता न नियत्तइ तत्तो, खवगो न गुणे य परिणमइ तम्हा गणिणा ओवीलएण, खवगस्स दोससव्वस्सं । उग्गालेयव्वं खलु, तस्स हियं चिंतयंतेण सेज्जासंथारोवहि-संभोगाऽऽहारनिक्खमपवेसे। ठाणनिसीयतुयट्टण-विगिचणुव्वत्तणाऽऽईसु अब्भुज्जयचरियाए, उवयारमऽणुत्तरं पकुव्वंतो। सव्वेण आयरेणं च, सव्वसत्तीए भत्तीए अप्पपरिस्सममऽगणिय, वट्टइ खवगस्स निच्चपडियरणे । जो आयरियो सो खलु, इह होइ पकुव्वओ नाम खवगो किलामियंऽगो, पडियरणगुणेण निव्वुइं लहइ । तम्हा उ निवसियव्वं, खवगेण पकुव्विणो पासे संथारभत्तपाणे, अमणुण्णे अह चिरस्स दिण्णे वा । पडिचरगपमाएण व, सेहाऽऽइअसंवुडगिराहिं सीउण्हछुहातण्हा-किलामिओ तिव्ववेयणत्तो वा । कुविओ भवेज्ज खवगो, मेरं वा भेत्तुमिच्छेज्जा निव्वावएण गणिणा, चित्तं खवगस्स निव्ववेयव्वं । अक्खोभेण खमाए, जुत्तेण पणट्ठमाणेण अंगसुए य बहुविहे, नोअंगसुए य बहुविहे चेव । रयणकरंडयभूए, अइनिउणो तह तदऽत्थस्स वत्ता कत्ता य दढं, विचित्तसुयधारओ विचित्तकहो। आओवायविहण्णू, मइसंपण्णो महाभागो निद्धं महुरं हिययंगमंच, आहरणहेउजुत्तं च । कहइ कहं निव्ववओ, समाहिकरणाय खवगस्स खुहियं परीसहुम्मीहिं, साहुपोयं भवोहवुब्भंतं । संजमरयणं निज्जा-मओ व्व निज्जावओ धरइ धीबलकरमाऽऽयहियं, महुरं कण्णाऽऽहुई जइ न देइ । सिवसुहकरिं च तो णं, चत्ता आराहणा होइ ता निज्जामगसूरी, निव्ववओ चेव होइ खवगस्स । आराहणा वि निव्वा-वगस्स दारेण चेव धुवं तडपत्तस्साऽवि विचित्त-कम्मपरिणइवसेण खवगस्स। तण्हाछुहाऽऽइएहि, अवि होज्ज विसोत्तियाऽऽइयं तं पुण पूयाकामो, कित्तीकामो अवण्णभीरू य । निज्जूहणाभएणं, लज्जाए गारवेणं वा को वि विवेयवियलो, जइ नाऽऽलोएइ सम्ममुवउत्तो। तं जो अवायदंसण-पुरस्सरं सासए एवं इहलोए अवियडते, सढो त्ति संभावणा अकित्ती य । परलोए पुण माइ-त्तणेण अंतो असारस्स १. ओवीलओ - अपव्रीडकः - लज्जा दूर करावी प्रायश्चित लेवा शिष्यने तैयार करनार,
॥ ४६५२ ॥ ॥ ४६५३॥ ॥ ४६५४॥ ॥४६५५ ॥ ॥४६५६॥ ॥४६५७॥ ॥ ४६५८॥ ॥४६५९॥ ॥ ४६६०॥ ॥ ४६६१॥ ॥ ४६६२ ॥ ॥४६६३॥ ॥४६६४॥ ॥४६६५ ॥ ॥ ४६६६ ॥ ॥ ४६६७॥ ॥ ४६६८॥ ।। ४६६९॥ ॥ ४६७०॥ ॥ ४६७१ ॥ ॥ ४६७२॥ ।। ४६७३॥ ॥ ४६७४ ॥ ॥ ४६७५ ॥ ॥ ४६७६ ॥ ॥४६७७॥ ॥४६७८॥ ॥ ४६७९ ।। ॥ ४६८०॥ ॥४६८१॥ ॥ ४६८२॥ ॥ ४६८३॥ ॥ ४६८४॥ ॥ ४६८५॥ ॥ ४६८६॥ ॥४६८७॥ ॥ ४६८८॥
૧૩૪
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |