Page Text
________________
तम्हा जह स च्चिय नच्चणीह, संजससदिट्ठिदाणेण । भणियगुणपयडणे य, पेच्छगदिट्ठीओ पीणेइ
॥ ४४७४ ॥ संजसदिट्ठिपसाएण, धम्मगुणदाणओ य तह निच्चं । सम्मं तुमं पि पीणेज्ज, अज्जियाओ धुवमिमाओं ॥४४७५ ॥ निययगुणेहिं महग्धं, सियवियासं ससिकलं जह कलाओ। कमसो समल्लियंति, पयइहिमहारधवलाओ ॥ ४४७६ ॥ तह तुह वि तहाविहनिय-गुणेहिं अग्घाऽरिहाए लोगम्मि। एयाउ समल्लीणा पयइसुधवलुज्जलगुणाओ ॥ ४४७७॥ जह ताहिं तीए वुड्ढी, मूलाऽऽधारो उ ताण सा जह य । न घडइ ठिइ वि जह वा, तयं विणा ताण थेवं पि ॥४४७८ ॥ तह तुह इमाहिं वुड्ढी, मूलाऽऽधारो तुमं पुण इमाण । सज्जणसलाहणिज्जा, ठिई वि न विणा तुममिमासि ॥४४७९ ॥ तहासा चेव चंदलेहा, कलाहिं रहिया विरायए न तहा । जह तह ताओ विन तं, विणा तहा जह विरायंति ॥ ४४८०॥ एवं तुमं पि एत्थं, इमाहि रहिया विरायसे न तहा। एयाओ वि य न तहा, राइस्संति विणा तुमए
॥ ४४८१॥ तम्हा निव्वाणपसाहगाण, जोगाण साहणविहीए । सम्मं सहाइणीए, होयव्वं सइ इमाण तए
॥ ४४८२ ॥ तह वज्जसिंखला इव, मंजूसा इव सुनिबिडवाडी व । पायारो व्व हवेज्जसु, तुममऽज्जाणं पयत्तेण
॥ ४४८३॥ अण्णं च विहुमलया, मुत्तासुत्तीउ रयणरासीउ। अइमणहराउ धारइ, न केवलाओ जलहिवेला
॥ ४४८४॥ कित जलसिप्पिणीउ, भेरीओ वराडियाऽऽइयाओ वि। जलजोणित्तसमत्ता, असुंदराओ वि धारेइ
॥ ४४८५ ॥ एवं राईसरसेट्ठि-पमुहपुत्तीओ पउरसयणाओ। बहुपढियपंडियाओ, सवग्गसयणीओ जाओ य
॥४४८६॥ मा ताओ चेव तुम, धारेज्जसु किंतु तदियराओ वि । संजमभरवहणगुणेण, जेण सव्वाउ तुल्लाओ
॥ ४४८७॥ अवि नाम जलहिवेला, ताओ धरिउं कयाइ उज्झइ वि। निच्चं पि तुमं तु धरेज्ज, चेव एयाओ धण्णाओ ॥४४८८॥ अण्णं च दुत्थियाणं, दीणाणमऽणक्खराण विगलाणं । ऊणहिययाण निब्बंध-वाण तह लद्धिरहियाणं ॥ ४४८९ ॥ पयइनिराऽऽदेयाणं, विण्णाणविवज्जियाण अमुहाणं । असहायाण जरापरि-गयाण निब्बुद्धियाणं च
॥ ४४९० ॥ भग्गविलुग्गंऽगीण वि, विसमाऽवत्थगय खंढेखरडाणं । इयरूवाण वि संजम-गुणेक्करसियाण समणीणं ॥४४९१ ।। गुरुणी व अंगपडिचारिग व्व, धावी व पियवयंसी व। होज्ज भगिणी व जणणी व, अहव पिइमाइभाया व ॥४४९२ ।। तह दढफलियमहादुम-साह व्व तुमं पि उचियगुणसहला । समणीजणसउणिसाहा-रणा दढं होज्ज कि बहुणा ॥४४९३ ।। एवमऽणुसासिउणं, पवत्तिणि अज्जियाउ अणुसासे। जह एसो तुम्ह गुरू, बंधू व पिया व माया व
॥ ४४९४ ॥ एए वि महामुणिणो, सहोयरा जेट्ठभायरो व सया। तुम्हं देवाणुपियाण, परमवच्छल्लतल्लिच्छा .
॥ ४४९५ ॥ ता गुरुणो मुणिणो वि य, मणसा वयसा तहेव काएणं । न य पडिकूलेयव्वा, अवि य सुबहुमण्णियव्वा उ ॥ ४४९६॥ एवं पवित्तिणी वि हु, अख़लियतव्वयणकरणओ चेव । सम्ममऽणुवत्तणिज्जा, न कोवणिज्जा मणागं पि ॥ ४४९७॥ कुविया वि कहवि तुम्हं, सदोसपडिवत्तिपुव्वमऽणुवेलं । खामेयव्वा एसा, मिगावईए व्व नियगुरुणी ॥ ४४९८॥ एसा सिवपुरगमणे, सुपसत्था सत्थवाहिणी जं भे। एसा पमायपरचक्क-पेल्लणे पहु (डु) यपडिसेणा ॥ ४४९९ ॥ सिक्खालक्खणअक्खंड-खीरधारापयाणधेणुसमा । अण्णाणंऽधाण तहा, सत्ताणंऽजणसलागाओ
॥ ४५००॥ मालइकलिया इव महुयरीण, नलिणी व रायहंसीण । वणराई इव सउणीण, सेवणीया इमा तुम्ह
॥ ४५०१॥ तह केलिकलहविगहा-पमायपरचक्कमऽक्कमित्ताणं । परलोगकिच्चनिच्चु-ज्जमाहि जम्मो गमेयव्वो ॥ ४५०२॥ जेट्ठकणिट्ठसहोयर-भगिणिगणेण व परोप्परं सम्मं । संजमजोगपसाहण-सहाइणीहि य भवियव्वं
॥ ४५०३॥ तह निहुयं चंकमणं, निहुयं हसणं पयंपियं निहुयं । सव्वं पि चेट्ठियं निहुय-मऽहव तुम्हेहिं कायव्वं
॥ ४५०४॥ बाहिं उवस्सयाओ, पयं पि नेगागिणीहिं दायव्वं । वुड्ढज्जियाजुयाहि य, जिणजइगेहेसु गंतव्वं
॥ ४५०५॥ एक्केक्कवग्गमेवं, अणुसासित्ताण ताणमेव पुरो। सव्वेसिं साहारण-मऽह सूरी देइ अणुसट्टि
॥ ४५०६॥ भत्तीइ य सत्तीइ य, वेयावच्चुज्जया सया होह। आणत्तिनिरय त्ति य, सबालवुड्डाऽऽउले गच्छे
॥ ४५०७॥ सज्झायतवाऽऽईणं च, जेणं तं चिय पहाणयं बेंति । सव्वं किर पडिवाई, वेयावच्चं अपडिवाई
!!४५०८॥ भरहो बाहुबली वि य, दसारकुलनंदणो य वसुदेवो । वेयावच्चाऽऽहरणा, तम्हा पडितप्पह जई णं
॥ ४५०९॥ १. खंढ - कुब्ज, खरडाणं - हीनजातीनाम्
૧૨૯
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |