Page Text
________________
॥ ४३६७॥ ॥ ४३६८॥ ॥ ४३६९ ॥ ॥ ४३७०॥ ॥ ४३७१ ॥ ॥ ४३७२ ॥ ॥ ४३७३॥ ॥ ४३७४ ॥ ॥ ४३७५ ॥ ॥ ४३७६ ॥ ॥ ४३७७॥ ॥ ४३७८॥ ॥४३७९ ॥
॥४३८०॥ ॥ ४३८१ ॥ ॥ ४३८२॥ ॥४३८३॥ ॥ ४३८४ ॥
तह इह दुसमागिम्हे, साहूणं धम्ममइपिवासाणं । परमपयपुरपहाऽणुग-सुविहियचरियापवाए ठिओ संपाडेज्जऽज्जाण वि, किच्चजलं देसणापणालीए । वज्जियसंसग्गीण वि, तुममंऽतेवासिणीउत्ति तह दुविहो आयरियो, इहलोए होइ तह य परलोए । इहलोए सारणिओ, परलोए फुडं भणंतो य जीहाए वि लिहतो, न भद्दओ जत्थ सारणा णऽस्थि । दंडेण वि ताडेतो, स भद्दओ सारणा जत्थ जह सरणमुवगयाणं, जीवियववरोवणं कुणइ कोई । एवं सारणियाणं, सूरी वि असारओ गच्छे ता भो देवाऽणुपिया!, परलोए होज्ज सम्ममायऽऽरिओ। मा होज्ज सपरनासी, होउं इहलोइयाऽऽयरियो जं पाविऊण परमे, नाणाऽऽई दुहियतायणसमत्थे । भवभयभीयाण दढं, ताणं जो कुणइ सो धण्णो तह मणवइकाएहिं, करितु विप्पियसयाई तुह समणा । तेसु तुमंतु पियं चिय, करेज्ज मा विप्पियलवं पि निग्गहिऊण अणक्खे, अकुणंतो तह य एगपक्खित्तं । साहम्मिएसु समचित्त-याए सव्वेसु वट्टेज्जा सव्वजणबंधुभावाऽरिहं पि, एक्कस्स चेव पडिबद्धं । जो अप्पाणं कुणइ, तओ वि मूढो हु को अण्णो अप्पाणं पि हु परिपीडिऊण, साहम्मियाण कज्जेसु । तह कह वि वट्टियव्वं, जहऽप्पतुल्लो भवसि तेसिं एवं च कीरमाणे, होही तुह भुवणभूसणा कित्ती। एत्तो चेव य चंदं, पडुच्च केणाऽवि जं भणियं गयणंऽगणपरिसक्करण-खंडणदुक्खाई सहसु अणवरयं । न सुहेण हरिणलंछण!, कीरइ जयपायडो अप्पा तहाजे तुह अण्णाणवसा, जे वा पयइवियारदोसेण । मणसा वयसा काएण, परिभवं चेव जणयंति ते वि पहुणा वि तुमए, बहुं खमंतेण महुरवयणेहिं । खुद्दचरियाउ तत्तो, निवत्तणीया पयत्तेणं अविणीए सासितो, कारिमकोवे वि मा हु मुंचेज्जा । भद्द ! परिणामसुद्धि, रहस्समेसा हि सव्वत्थ उप्पाइयपीडाण वि, परिणामवसेण गतिविसेसो जं। जहा गोव-खरय-सिद्ध-त्थयाण वीरं समासज्ज कण्णे कीलं छोढं. गोवो वीरस्स पावियो नरयं । तं कडित्ता पत्ता, सुरलोयं खरय-सिद्धत्था तहाअतितिक्खो खेयकरो, होहिसि परिभवपयं अइमिऊ य । परिवारम्मि वि सुंदर!, मज्झत्थो तेण होज्ज तुमं सपराऽवायनिमित्तं, संभवइ जहा असीअपरिवारो । एवं पहू वि ता तयऽणु-वत्तणाए जएज्ज तुमं अणुवत्तणाए सीसा, पायं पाविति जोग्गयं परमं । रयणं पि गुणुक्करिसं, पावइ परिकम्मणगुणेण अण्णाण्णविरुद्धाण वि, जलजलणाऽमयविसाऽऽइयाण जहा । जोगे वि महाजलही, अवियारो चेव पयईए इय बज्झकारणवसु-च्छलंतविविहंऽतरंगभावेहिं। सुंदर! तुमं पि निच्चं, अविगियरूवो च्चिय हवेज्जा को नाम भणिइकुसलो वि, एत्थ अच्चऽब्भुयप्पभावम्मि। गणहरपए पइपयं, सब्बुवएसे खमो वोत्तुं परमेत्तियं भणामो. जायइ जेणण्णई पवयणस्स । तं तं विचितिऊणं, तुमए सयमेव कायव्वं एवमऽणुसासिऊणं, पढमं गणनायगं विहाणेणं । अह सेससाहुणो सो, अणुसासइ सुयविहीए जहा हंभो देवाऽणुपिया!, पियाऽपिएसुं समत्थविसएसुं । होज्जाह मा हुतुब्भे, कया वि रागप्पओसपरा होज्जाह अप्पमत्ता, सज्झायऽज्झयणझाणजोगेसु । अण्णेसु वि समणजणो-चिएसु किच्चेसु निच्चरया जहवाइणो तहाका-रिणो वि होज्जाह मा य होज्जाह । निग्गंथे पावयणे, परिसिढिलमणा मणागं पि . कुणह पमायं माऽऽवस्सएसु, संजमतवोविहाणेसु । निस्सारे माणुस्से, दुलहं बोहं वियाणित्ता समिया पंचसु समिईसु, सया वि जिणवयणअणुगयमईया। तिहिं गारवेहि रहिया, होह विणिग्गहियदंडा य सण्णाउ कसाए वि हु, अट्ठ रोदं च परिहरह निच्चं । दुट्ठाणि इंदियाणि य, सम्म सव्वऽप्पणा जिणह जह सण्णद्धो पग्गहिय-चावदंडो भडो पलायंतो। निदिज्जइ तह इंदिय-कसायवसमऽणुगओ साहू धण्णा य साहुणो ते, जे विसयवसाऽणुगम्मि लोगम्मि। विहरंति विगयसंगा, अकलंका नाणचरणेसु जे य विमुक्कविरोहा अव्वामोहा अभिण्णमुहसोहा । अगलियगुणसंदोहा, जयन्ति ते पसरियजसोहा १. अणक्खे - रोषादीन्, २. असीअ - अनियन्त्रित,
जा
॥४३८५ ॥ ॥४३८६ ॥ ॥४३८७॥ ॥४३८८ ॥ ॥ ४३८९॥ ॥ ४३९०॥ ॥ ४३९१॥ ॥ ४३९२॥ ॥४३९३॥ ॥४३९४॥ ॥ ४३९५॥ ॥४३९६॥ ॥४३९७॥ ॥ ४३९८॥ ॥ ४३९९॥ ॥ ४४००॥ ।। ४४०१॥
૧૨૬
| SR No. | 022285 |
| Book Title | Samveg Rangshala |
| Original Sutra Author | N/A |
| Author | Vinayrakshitvijay |
| Publisher | Shastra Sandesh |
| Publication Year | 2009 |
| Total Pages | 378 |
| Language | Sanskrit |
| Classification | Book_Devnagari |
| File Size | 17 MB |