________________
ग्रन्थान्तरगतगुरुगुणषट्त्रिशिकाः
१०७९ पिंडेसण ७ पाणेसण ७ भय सुह ७ सत्ताइ अट्ठमयठाणा ८ । एवं छत्तीसगुणा सूरीणं हुंति सव्वद्धा (१३) ॥६१३॥ दसणनाणचरित्ता-याराइयार अट्ठयं अट्ठ। गुरुगुणजुत्तो चउबुद्धि-कलिओ ४ छत्तीसगुणजुत्तो (१४) ॥६१४॥ अटुंगजोग ८ अडसिद्धी ८ अडदिट्टी ८ अट्ठकम्म ८ विन्नाणो। दव्वाइचउअणुओग-धरो ४ गुणा हुँति छत्तीसं (१५) ॥६१५॥ नवपावनियाणाइ ९-वारओ नवविहो य बंभधरो ९ । कयनवकप्पविहारो ९ नवतत्त ९ छत्तीसगुणजुओ (१६) ॥१६॥ उवघाय १० असंवर १० संकिलेस १०-दसगं हासाइ छक्क ६ मुज्झित्ता । जिणसासणपवत्तो छत्तीसगुणो हवइ सूरी (१७) ॥६१७॥ सामायारी दसहा कहेइ १० दसगं समाहिठाणाणं १० । उज्झियकसायसोलस १६ एवं छत्तीसगुणकलिओ (१८) ॥६१८॥ चउरो समाहिठाणा इक्किक्को चउर १६ सोहिअसणस्स । दसगे १० दसपडिसेवा १०-वज्जिओ हुंति छत्तीसं (१९) ॥६१९॥ मुणिधम्म १० विणय १० वेया-वच्चं १० दसगं सया परिवहइ । वज्जिय छअकप्पो ६ एवं छत्तीसगुणजुत्तो (२०) ॥६२०॥ रुइदसगं १० य दुसिक्खा २ सदिट्ठिवायंग १२ तह उवंगाणि १२ । बारस बारस छत्तीस एवं सूरीण गुणसंखा (२१) ॥२१॥ इक्कारस गिहिपडिमा ११ बार व्वय १२ तेर किरियठाणाणि १३ । जाणतो वज्जंतो छत्तीसगुणो य आयरिओ (२२) ॥६२२॥ दसविहपायच्छित्तं १० उवओगा बार १२ चउदउवगरणा १४ । विहिणा पडिवज्जमाणो छत्तीसगुणो हवे सूरी (२३) ॥६२३॥ भावण १२ तव १२ मुणिपडिमा १२ बारस भेया भवंति तिगुणिज्जा। एवं छत्तीसगुणो गुरुबुद्धीए पणमियव्वो (२४) ॥६२४॥
