________________
९६०
सप्तविधाः शोधिगुणाः
उम्मूलणेण तीसे, संजायइ अज्जवं जओ तेण । आलोयण दायव्वा, सोहिनिमित्तं च जीवस्स ॥५००७॥
दुक्करकरणं च इमं, जं सेविज्जइ सुहं पमाएण । दुक्ख आलोइज्जइ, जहट्ठियं कम्मदोसाओ ॥५००८ ॥ लज्जाअभिमाणाऽऽइ-महाबले गभवसय भत्थे । वियडंति जे अगणिउं, ते दुक्करकारया लोए ॥५००९॥ पाविति वि ते चेव य, अकलंकाऽऽराहणं महासत्ता । भवसयविवागमहणि, जे आलोयंति इय सम्मं ॥ ५०१० ॥ तित्थयराऽऽणापालण - गुरुजणविणओ य सेविओ होइ । आलोयणापयाणे, सम्मं नाणाऽऽइविणओ य ॥५०११॥ विणओ सासणे मूलं, विणीओ संजओ भवे । विणयाओ विप्पमुक्कस्स, कओ धम्मो कओ तवो ॥५०१२॥ जम्हा विणय कम्मं, अट्ठविहं चाउरंतमोक्खाए । तम्हा उ वयंति विऊ, विणयो त्तिविलीणसंसारा ॥५०१३ ॥
जाइ निस्सल, नियमा आलोइऊण जइसत्थो । नो अन्नह त्ति तम्हा, निस्सल्लत्तं गुणो तीए ॥५०१४॥ न हुं सुज्झइ ससल्लो, जह भणियं सासणे धूयरयाणं । उद्धरियसव्वसल्लो, सुज्झइ जीवो धुयकिलेसो ॥५०१५॥ तो उद्धरंति गारव - रहिया मूलं पुणब्भवलयाणं । मिच्छादंसणसल्लं, मायासल्लं नियाणं च ॥५०१६॥ उद्धरियसव्वसल्लो, आलोइयनिंदिओ गुरुसयासे । होइ अइरेगलहूओ, ओहरियभरो व्व भारवहो ॥५०१७॥ आलोयणागुणा खलु, इइ एवं वन्निया समासेणं । तो जहदायव्वा, तह वोच्छं तत्थिमा मेरा ॥५०१८॥
