________________
૭૧
આરાધના પંચક (૫)
આજે પણ જે જીવો તીર્થંકર નામગોત્ર વેદતા હોય, બાંધ્યું હોય કે બાંધવાના હોય તેઓને વંદન કરું છું. ૨૪૪
જે મુનિવરો ગૃહસ્થપણે કે છદ્મસ્થપણે વિચરતા હોય અને જેમને કેવળજ્ઞાન રત્ન ઉત્પન્ન થયું હોય તે સર્વેને ત્રિવિધે વંદન કરું છું. ૨૪૫
જે પર્ષદામાં હોય અથવા સમવસરણમાં બેઠેલા હોય, દેવ છંદામાં હોય, અથવા પૃથ્વી ઉપર વિચરી રહ્યા હોય. ૨૪૬
મદમોહને છિન્ન કરનાર જે ધર્મ કહી રહ્યા હોય, અને જે ન કહી રહ્યા હોય તે મોક્ષમાર્ગના પ્રરૂપક સર્વ તીર્થંકરોને વંદન કરું છું. ૨૪૭
શ્યામ, શ્યામ-ગોરા, મુકતાફળ કે પદ્મ જેવા વર્ણવાળા હોય તે સર્વ તીર્થંકરોને ત્રિવિધ વંદન કરું છું. ૨૪૮
રાજ્ય ત્યાગ કર્યો હોય, કુમારપણામાં હોય, પત્નીવાળા હોય, પુત્રવાળા કે પુત્ર વગરના હોય તે સર્વ તીર્થંકરોને ત્રિવિધે પ્રણામ કરું છું. ૨૪૯
ભવ સમુદ્રમાં ડૂબતા ભવ્યાત્માને તારવા માટે જેમણે તીર્થ કર્યું હોય એવા તીર્થંકરોને નમસ્કાર થાઓ. ૨૫૦
તીર્થંકરોને કરવામાં આવેલો પ્રણામ જીવને દુઃખસમુદ્રથી તારે છે તેથી તે તીર્થંકરોને સર્વ આદરથી પ્રણામ કરો. ૨૫૧
