________________
સંપાદકીય
જૈન દર્શનમાં જેટલા આગમગ્રંથો છે તેમાંથી કેટલાક વિશિષ્ટ પદાર્થોને સંક્ષેપમાં ૨૦-ગાથાઓના ઝુમખા રૂપે પ.પૂ.હરિભદ્રસૂરી મ.સા.એ વિંશતિવિંશીકા ગ્રંથની રચના કરેલ છે. તે ગ્રંથ પ.પૂ.સિધ્ધાંત દિવાકર ગચ્છાધિપતિએ. પ.પૂ. અનુયોગાચાર્ય પંન્યાસપ્રવર કુલચંદ્ર વિ.મ.સા.ને વિચારણા માટે આપેલ અને આ ગ્રંથ ઉપર પ.પૂ. પંન્યાસજી મ.સા.એ ગત વર્ષે પૂ.સાધુ-સાધ્વીજી ભગવંતને વાચના આપેલ. તે વખતે ૫.પૂ. પંન્યાસજી મ.સા.ની પ્રેરણા થતા તેમના માર્ગદર્શનથી પ્રસ્તુત ગ્રંથનો ગુજરાતીમાં અનુવાદ કરવાનો અતિ મંદ પોપશમવાળા એવા મેં નિર્ણય કર્યો, અને સુરેન્દ્રનગરના ગત ચાર્તુમાસમાં તે કાર્ય પૂર્ણ કરી પ.પૂ. પંન્યાસજી મ.સા.ને મોકલી આપેલ. જે લખાણને પ.પૂ. આચાર્યદેવશ્રી રાજશેખરસુરીશ્વરજી મ.સા. તથા પંડિતવર્ય મુનિશ્રી યશોવિજયજી મ.સા.એ સંશોધન કરી આપવા સાથે સંશોધકીય સંવેદન મોકલી આપી મોટો ઉપકાર કરેલ છે. આ બદલ તેઓનો ખૂબ ઋણી છું. તેમજ પ્રેસમાં છપાવવા આપતા પહેલા પૂ. પંન્યાસજી પદ્યસેન વિ.મ.સા. એ પ.પૂ. વર્ધમાન તપોનિધિ આચાર્યદેવશ્રી ભુવનભાનુસૂરીશ્વરજી દ્વારા લેખીત વિશતિવિંશિકાના અનુવાદની નોટ મોકલી. જેના આધારે પણ કેટલાક સુધારા કરેલ છે. આ ગ્રંથના પ્રકાશન માટે શ્રી લાવણ્ય શ્વેતાંબર મૂર્તિપૂજક જૈન સંઘે સંપૂર્ણ લાભ લીધેલ છે. આ રીતે આ ગ્રંથના પ્રકાશનમાં પરોક્ષ કે પ્રત્યક્ષ જેઓએ સહાય કરી છે તેઓનો ખૂબ આભારી છું. પ્રાંતે આ ગ્રંથમાં જિનાજ્ઞા વિરૂધ્ધ કાંઈ પણ લખાયું હોય તો તેનું મિચ્છામી દુક્કડમ.
લી.ગુરૂપાદપવરેણું
મુનિ ધર્મરક્ષિત વિ. કલિકુંડ તીર્થ (ધોળકા) ચૈત્ર વદ-૩ સંવત-૨૦૫૪
