________________
१४८
एनामेव गाथामेकोनपञ्चाशता गाथाभिर्व्याचष्टेसिरिउरणगरे णंदणधूया णामेण सिरिमई सड्ढी । सोमाय तीए सहिया, पुरोहियसुयत्ति संजाया ॥५५० ॥ कालेण पीइवुड्डी, धम्मविचारम्मि तीए संबोही । वयगहणेच्छ परिच्छा झुंटणवणिएण दिट्ठतो ॥५५१॥ अंगतिया धणसेट्ठी, सामिउरे संखसेट्टि दढपीई । ती वुड्ढणिमित्तं, अजायवच्चाण तह दाणं ॥५५२ ॥ धणपुत्त संखधूया, विवाह भोगा कहिंचि दारिद्दं । पत्तीभणणं गच्छसु, ससुरगिहं मग्ग झुंटणगं ॥५५३ ॥ साणागिई तओ खलु, कंबलरयणं च तस्स रोमेहिं । जायइ छम्मासाओ, कत्तामि अहं महामोल्लं ॥ ५५४॥
सो पुण उस्संघट्टो, ण मेल्लियव्वो सयावि मरइति । हसिहि मोक्खो लोगो, ण कज्जओ सो गणेयव्वो ॥५५५ ॥
पडिवण्णमिणं तेणं, गओ य लद्धो य सो तओ नवरं । अप्पाहिओ य बहुसो, तेहिंवि तह लोगहसणम्मि ॥५५६ ॥ आगच्छंतो य तओ, हसिज्जमाणो कहिंचि संपत्तो । णियपुरबाहिं मुक्को, आरामे तह पविट्ठो उ ॥ ५५७ ॥
भणिओ ती कहिं सो, मुक्को बाहिम्मि हंत भव्वोसि । मयगो सो थेवफलं णय लाभो तह उ एयस्स ॥ ५५८ ॥ झुंटणतुल्लो धम्मो, सुद्धो एयम्मि जोइयव्वमिणं । सव्वं णियबुद्धीए, असुहसुहफलत्तमाईहिं ॥ ५५९ ॥
रियाणं एसो, दायव्वो तेसिमेव उ हियट्ठा । गाढगिलाणाईणं, णेहाइजुओ व आहारो ॥५६० ॥
१. ग. पयट्टो उ.
उपदेशपE : भाग-२
