Page Text
________________
શ્રી પ્રવચન પરીક્ષાનુવાદ ભાગ-૧
૨૪૭ કહેલું કે “જો આપને કોઈ યોગ્ય શિષ્ય થાય તો મને સોંપવો. જેથી કરીને હું તેને સમગ્ર જ્યોતિષ સુપ્રત કરું.” એથી કરીને પૂ. આ. શ્રીઅભયદેવસૂરિ મહારાજે જિનવલ્લભગણિ તેને સોંપ્યો. તે જયોતિષીએ પણ સમગ્ર જ્યોતિષનું જ્ઞાન પરિજ્ઞાન સાથે સુપ્રત કર્યું. એ પ્રમાણે સમગ્ર સિદ્ધાંત વાચન જેમણે ગ્રહણ કરેલ છે અને સિદ્ધાંતમાં કહેલી ક્રિયાઓના સમ્યફ અનુષ્ઠાનમાં બંધાયેલું છે મન જેનું એવો અને સારી રીતે સુરાયમાન જ્યોતિષુ શાસ્ત્ર ભણેલો છે તેવો તે જિનવલ્લભ પોતાના ગુરૂપાસે જવા માટે છૂટા થવાની રજા માંગે છે. ત્યારે ભગવંત અભયદેવસૂરિ મહારાજવડે કહેવાયું કે “હે વત્સ! સિદ્ધાંતમાં કહેલો જે સાધુ સમાચાર તે બધો મારાવડે તને અપાયો છે તો તેને અનુસરીને તું પ્રવર્તજે. અને ક્રિયોદ્ધારવડે બીજા પણ પ્રવર્તે એવું કરજે.' ત્યારે જિનવલ્લભગણિએ પગમાં પડીને જણાવ્યું કેજેવી રીતે પૂજ્યો આદેશ કરે છે તેવી રીતે હું વર્તીશ.” ત્યાર પછી સારા દિવસે રવાના થયો. જે માર્ગે આવ્યો હતો તે માર્ગે પાછો મકોટ્ટમાં આવ્યો. આવેલા તેણે સિદ્ધાંતના અનુસારે મંદિરમાં વિધિ લખ્યો. અને વિધિવડે કરીને તે “વિધિ ચૈત્ય” પણ મુક્તિનું સાધન થાય. એ “વિધિચૈત્યની” વિધિ આ પ્રમાણે –
अत्रोत्सूत्रजनक्रमो न च न च स्नानं रजन्यां सदा । साधूनां ममताश्रयो न च न च स्त्रीणां प्रवेशो निशि ॥ जातिज्ञातिकदाग्रहो न च न च श्राद्धेषु ताम्बूलमि ।
त्याज्ञा-ऽत्रेयमनिश्रिते विधिकृते श्री जैनचैत्यालये ॥१॥
અહિંયા-આ વિધિચૈત્યમાં ઉસૂત્રવાદી એવા માણસોનું ગમન નહિ, તેવી જ રીતે રાત્રિના સ્નાત્ર મહોત્સવ નહિ, સાધુને મમતા થાય તેવો આશ્રય-નહિ બનાવવો, સ્ત્રીઓને રાત્રિએ મંદિરમાં આવવાનો નિષેધ, જાતિ, જ્ઞાતિનો કદાગ્રહ કરવાનો નહિ. અને શ્રાવકોને તાંબૂલ આપવાનું નહિ. અને કોઈને પણ નિશ્રા નહિ,” આવા પ્રકારની બધી વિધિ કરવી. કે જે વિધિવડે કરીને કરાતું ચૈત્યવંદન આદિ અનુષ્ઠાન મુક્તિનું સાધન બને
ત્યારપછી તે જિનવલ્લભ, ગુરૂ પાસે આવવા પ્રવૃત્ત થયો અને માઈડગામે આવ્યો. કે જે માઈડગામ, આશીકા દૂર્ગ પતનથી છેટું હતું ત્યાં રહ્યો અને ત્યાંજ ગુરુ મ. ને મલવા માટે માણસને મોકલ્યો. અને તે માણસની સાથે હાથે લખેલો લેખ આપ્યો. “કે તમારી કૃપાથી સુગુરૂની પાસે વાચના ગ્રહણ કરીને હું અહિ માઈડગામે આવીને રહ્યો છું. તેથી પૂજ્યશ્રીએ પ્રસાદ કરીને અહિંયા આવીને મને મલવું.” આ લેખ વાંચીને ગુરૂએ જાણ્યું કે જિનવલ્લભે આમ કેમ જણાવ્યું છે? એ કેમ અહિં ના આવ્યો?'
ત્યારપછી બીજે દિવસે સકલ લોકથી પરિવરેલા આચાર્ય મ. સામે ગયા. અને તેની સામે જિનવલ્લભ ગયો. ગુરૂ મ. ને વંદન કર્યું. ગુરુ મહારાજે ક્ષેમકુશલ વાતો પૂછી. તેણે પણ સર્વ વાતો કહી. જિનવલ્લભે પણ બ્રાહ્મણને યોગ્ય એવા જ્ઞાન, નિમિત્ત, મેધ આદિના સ્વરૂપ વગેરે કેટલીક વાતો
| SR No. | 022027 |
| Book Title | Kupaksha Kaushik Sahasra Kiran Aparnam Pravachan Pariksha |
| Original Sutra Author | N/A |
| Author | Dharmsagar, Narendrasagarsuri, Munindrasagar, Mahabhadrasagar |
| Publisher | Shasankantakoddharsuri Jain Gyanmandir |
| Publication Year | 2002 |
| Total Pages | 502 |
| Language | Sanskrit, Gujarati |
| Classification | Book_Devnagari & Book_Gujarati |
| File Size | 16 MB |