Page Text
________________
સર્વજ્ઞશતક' ને અપ્રમાણ ગણાવવા માટે કવિ દર્શનવિ.ની કપટકલાનો બીજો પૂરાવો.
પૂ. મહો. શ્રી ધર્મસાગરજી મહારાજે બનાવેલો “સર્વજ્ઞશતક ગ્રંથ, પ્રતિસ્પર્ધી એવા પુ. મહો. શ્રી સોમવિજયજીગણિના હાથમાં કેવી રીતે અને કેવા સંજોગોમાં આવ્યો? તે અંગેની સત્ય બીના છૂપાવીને કવિશ્રી દર્શન વિજયજી મહારાજ “વિજયતિલકસૂરિજીરાસની ગાથા ૫૧૬ થી ૫૩૨ સુધીમાં તદ્દન બનાવટી વાત ખડી કરી આ પ્રમાણે જણાવે છે કે
આવા પ્રસંગમાં કોઈ એક મુનિએ સોમવિજયજી વાચકના હાથમાં એક પુસ્તક લાવીને મુક્યું. હેને જોઈને વાચકે પૂછવું કે “આ પુસ્તક હમે ક્યાંથી લાવ્યા?' આના જવાબમાં તેણે મૂળથી માંડીને વાત કહી કે–ખંભાતની અંદર જ્યારે બાદરશાહનો શોર થયો અને સાત દિવસ સુધી ગામ લુંટાયું તે વખતે પુસ્તકનો સંગ્રહ ઘણી મુશ્કેલીથી બચી શકયો હતો. તે ગામમાં એક ધર્મિષ્ઠ પુરૂષને ઘડપણ આવ્યું હતું અને અંતસમયમાં તેનું અણસણ કરવાનું મન થયું હતું. તેણે ગચ્છનાયક (સેનસૂરિજી)ને વિનંતિ કરીને તપાગચ્છના કોઈપણ સાધુને બોલાવ્યા હતા. ત્યારે શ્રી વિજયસેનસૂરિજીએ મહને ત્યાં જવાનો હુકમ કર્યો હતો. મેં ત્યાં જઈને આરાધના પૂર્વક પ્રત્યાખ્યાન કરાવી ઉપદેશ આપ્યો. ત્યારે હેણું સાગ્રહ કહ્યું કે મારી પાસે એક પુસ્તક છે, કે-જે વાંચવાથી સારું જ્ઞાન થાય તેમ છે! હેં કહ્યું કે-“તે પુસ્તક શાનું છે?' તેણે કહ્યું–‘ત્યેનું નામ હું જાણતો નથી. પરંતુ આપ તે લ્યો-ભણો અને ભણાવો.” મહને પુસ્તક આપ્યા પછી પણ મહેં પૂછ્યું કે-“હમારું મન તો ઠેકાણે રહેશે ને?” તેણે કહ્યું--“મન શું ઠેકાણે રહેશે? આપ સ્વીકારો તો હું મારા આત્માને ધન્ય માનીશ” પુસ્તક લીધા પછી મહેં તેને વાંચી જોયું તો તે સાગરનું છે એમ જણાયું. આથી તેને પ્રકટ ન કર્યું અને આજે બધા એકઠા થએલા છો, એ પ્રસંગ જોઈને હું આપને આપું છું.”
તે પછી સોમવિજયજી વાચકે અવસર ઉપર તે વાત ગુરૂ (ગચ્છનાયક) ને જણાવી અને કહ્યું કે “એક અપૂર્વ ગ્રંથ હાથમાં આવ્યો છે અને ખાસ વાંચવા જેવો છે.' ગુરૂએ કહ્યું- ઠીક' એટલે તમામ સાધુઓને એકઠા કરવામાં આવ્યા. જેમાં વિજયદેવસૂરિ, સોમવિજય વાચક, નંદિવિજયવાચક, ૫. લાભવિજય, ૫. રામવિજય, ૫. ચારિત્રવિજય અને ૫ કીર્તિવિજય વિગેરે પણ હતા. દરેક ધ્યાન દઈને સાંભળવા લાગ્યા. વચમાં વિજયસેનસૂરિએ કહ્યું કે–“આમાં તો ઘણું જ વિપરીત વૃતાંત દેખાય છે. આણે તો ઘણા સિદ્ધાંતો ઉત્થાપ્યા છે. હે પાંચ બોલના મિચ્છામિદુક્કડ દીધા હતા તેને પણ ઉત્થાપતાં લગારે શંકા કરી નથી! અરે! બાર બોલને ઉત્થાપતાં પણ ગુરૂનો ભય રાખ્યો નથી–વધુ શું કહેવું? વિજયદાનસૂરિને મિથ્યાત્વી ઠરાવ્યા, હીરવિજયસૂરિને અનંતસંસારી કહ્યા, તેમ કેટલાક પૂર્વાચાર્યોને પણ અજ્ઞાની કહ્યા અને કેટલાએકોને તો બીલકુલ ઉત્થાપ્યા. ખરેખર આ તો હળાહળ વિષપાન છે. માટે જલદી આ પુસ્તકને પાણીમાં બોળી દો. લગારે વિલંબ ન કરો.”
જ આ કપટી લખાણ અંગે પણ ઉભા થતાં પ્રશ્નો ૧- બાદશાહે ખંભાતમાં જે સાત દિવસ લૂંટ ચલાવી તે લૂંટ, માલમિલ્કત અંગેની હતી કે
| SR No. | 022027 |
| Book Title | Kupaksha Kaushik Sahasra Kiran Aparnam Pravachan Pariksha |
| Original Sutra Author | N/A |
| Author | Dharmsagar, Narendrasagarsuri, Munindrasagar, Mahabhadrasagar |
| Publisher | Shasankantakoddharsuri Jain Gyanmandir |
| Publication Year | 2002 |
| Total Pages | 502 |
| Language | Sanskrit, Gujarati |
| Classification | Book_Devnagari & Book_Gujarati |
| File Size | 16 MB |