________________
चारित्रमनोरथमाला
અંતરની વાત...
લગભગ ત્રણ દાયકા પહેલાં પુસ્તકો જોતાં જોતાં સાધ્વી શ્રી લાભશ્રીજી મહારાજની પ્રેરણાથી છપાયેલું અને ભાવનગરથી પ્રકાશિત થયેલું “જંબુદ્વીપ સમાસ પ્રકરણ” નામનું નાનું પુસ્તક હાથમાં આવ્યું. ક્રમશ: વાંચતાં વાંચતા ચારિત્રમનોરથમાળા નામનું પ્રકરણ, જે ફક્ત ૩૦ જ ગાથાનું હતું, એ વાંચતાં આત્માને પરમ આનંદ થયો, મન હર્ષવિભોર બન્યું. વારંવાર વાંચવાનું મન થતું. વાંચતાં વાંચતાં રોમરાજી વિકસ્વર થતી.
વયોવૃદ્ધ, પરમ આરાધક, મુનિશ્રી પુણ્યદર્શનવિજયજીની સંયમની પ્રેરણા માટે માંગણી ઊભી રહેતી. તેથી મેં એમને આ ચારિત્રમનોરથમાળા ઝેરોક્ષ કરાવી મોકલી. એમણે વાંચીને અનન્ય આનંદ વ્યક્ત કર્યો અને જાણે બધું જ મળી ગયું, એવો પ્રતિભાવ બતાવ્યો.
મુંબઈ વાલકેશ્વર શ્રીપાલનગરના ઉપાશ્રયમાં આ ગ્રંથ ઉપર સભા સમક્ષ વ્યાખ્યાનો થયાં. લોકોને પણ ખૂબ આનંદ આવ્યો અને સુશ્રાવક નવીનચંદ્ર ભગવાનદાસભાઈએ તથા નવીનચંદ્ર રીખવચંદભાઈ વગેરેએ “સંયમ રંગ લાગ્યો’ પુસ્તક છપાવ્યું, જેમાં આ પ્રકરણ પણ સામેલ હતું.
ત્યારબાદ મુંબઈથી વિહાર કરી ગુજરાત આવતાં વાપી ગયા. ત્યાં પં.મભૂષણ વિજયજી ગણીની નિશ્રામાં ઉપધાન ચાલુ હતાં. ૭ દિવસ રોકાવાનું થયું. સાધુ-સાધ્વીજી ભગવંતોની વાચના માટે માંગણી થઈ અને લગભગ ૬૦ સાધુ-સાધ્વીજી સમક્ષ ચારિત્રમનોરથમાળા ઉપર વાચના આપી. સૌને ૩૦ ગાથા કંઠસ્થ કરવાની ઈચ્છા થઈ. મુંબઈથી ૧૦૦ પુસ્તકો મંગાવ્યાં. ઘણાં ખરાં સાધુ-સાધ્વીજીએ ચારિત્ર-મનોરથમાળાની ગાથાઓ કંઠસ્થ કરી અને તે પછી પણ ઘણાં સાધુ-સાધ્વીજીને પ્રેરણા કરતાં તેઓ કંઠસ્થ કરવા લાગ્યાં.
એકવાર એ ગાથાઓ વાચતાં વાચતાં એના ઉપર સંસ્કૃત ટીકા લખવાનો વિચાર આવ્યો અને શુભઘડીએ એ મંગલકાર્યનો પ્રારંભ થયો. લખાવવાની શરૂઆત કરી અને મુનિરાજશ્રી ભવ્યદર્શન વિજયજી ગણી ફેર કરવા લાગ્યા. ટૂંક સમયમાં ટીકા પૂર્ણ થઈ.
પછી આ.વિ.કુલચન્દ્રસૂરિજીએ, પં.સુબોધભાઈ વગેરેએ એનું સંશોધન કર્યું. તે પછી મુનિશ્રી ભવ્યદર્શનવિજયજી ગણીએ તથા બીજા કેટલાક
