________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| विद्धंसिए बोंदी भवेज्जा ताव णं तहा परिणभेज्जा तणू जहा णं मणगं पयलंति धातूओ ताव णं अच्चत्थं बाहिज्जति पोग्गलनियंबोरुबाहुलइयाओ, जाव णं अच्चत्थं बाहिजइ नियंब ताव णं दुक्खेणं रेजा गत्तयटिं, जाव णं दुखेणं धरेज्जा गत्त्यहिं ताव णं से गोवलक्खेजा अत्तीयं सरीरावत्थं, जाव णं णोवलक्खेज्जा अत्तीयं सरीरावत्थं ताव णं दुवालसेहि समएहिं दरनिच्चिद्वं भवे बोंदी, जाव णं दुवालसहिं दरनिच्चिद्वे बोंदि भवेजा ताव णं पडिखलेजा से असासनीसासे, जाव णं पडिखलेज्जा उस्सासनीसासे ताव ण मंद मंदं उससेज्जा मंद मंदं नीससेज्जा, जाव णं एयाई इत्तियाहूं भावंतअवत्थंतराई विहारेज्जा ताव णं जहा गहत्थे केइ पुरिसेइ वा इथिएइ वा विसंतुलाए पिसायाए भारतीए असंबद्धं संलवियं विसंतुलं |तं अच्चंत उल्लविज्जा एवं सिया णं इत्थीयं, विसभावत्तमोहणमम्मणालावेणं पुरिसे दिट्ठपुव्वेइ वा अदिट्ठपुव्वेइ वा कंतरूवेइ वा अकंतरूवेइ वा गयजोवणेइ वा पडुप्पन जोव्वणेइ वा महासत्तेइ वा हीणसत्तेइ वा सप्पुरिसेइ वा जाव णं अत्रयरे वा केई निंदियाहमहीणनाइए वा अझत्थेणं ससझसेणं आमंतेमाणी अलावेजा, जाव णं संखेजभेदभन्नेणं सरागेणं सरेणं दिट्ठीए वा पुरिसे उल्लावेज्जा निझाएज्जा ताव णं जं तं असंखेज्जाई अवसप्पिणी उस्सप्पिणीकोडिलक्खाई दोसुं नश्यतिरिच्छासु गतीसुं| उक्कोसद्वितीयं कम आसंकलियं आसि तं निबंधिज्जा, नो णं बद्धपुढे करेजा, सेऽवि णं जंसमयं पुरिसस्स णं सरीरावयवफरिसणाभिमुहे भवेजा णो णं फरिसेजा तं समयं चेव तं कम्महि बद्धपुढे करेजा, नो णं बद्धपुट्ठनिकायंति। I श्री महानिशीथसूत्र ।
पू. सागरजी म. संशोधित
For Private And Personal Use Only
