________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ते सव्वेवि दारुत्तिकाउणं फूइज्जमाणेवि अणेगपयारेहिं तहावि णं ण पयलिए सिही, तओ य णं धिद्धिकारेणोवहओ सयललोगव्यणेहिं जहा भो भो पिच्छ पिच्छ हुयासणंपिणपजले पावकम्मकारिस्सत्ति भणिऊणं निद्धाडिए ते बेवि गोउलाओ, एयावसरंमि 3 अण्णासन्नसन्निवेसाओ आगए णं भत्तपाणं गहाय तेणेव मग्गेणं उजाणाभिमुहे मुणीण संघाडगे, तं च दठूणं अणुमग्गेणं गए ते बेवि पाविद्वे, पत्ते य उजाणं जाव णं पेच्छंति सयलगुणोहधारिं चनाणसमत्रियं बहुसीसगणपरिकिन्न देविंदनरिंदवंदिज्जमाणपायारविंदं सुगहियनामधिज जगाणंदं नाम अणगारं,तंच दठूण चिंतियं तेहिं जहाणंदे मग्गामि विसोहिपयं एस महायसेत्ति, चिंतिऊणं तओ पणामपुव्वगेणं उवविढे ते जहोइए भूमिभागे पुरओ गणहरस्स, भणिओ य सुज्जसिवो तेण गणहारिणा जहा णं भो भो देवाणुप्पिया! णीसल्लमालोएत्ताणं लहुं रेसु सिग्धं असेसपाविट्ठकम्मनिट्ठवणं पायच्छित्तं, एसा उण आवनसत्ता एयाए पायच्छित्तं गस्थि जाव णं णो पसूया, ताहे गोयमा! सुमहच्चंतपरममहासंवेगगए से णं सुज्जसिवे, आजम्मओ नीसल्लालोयणं पयच्छिणं जहोवइष्टुं घोरं सुदुक्करं महंतं पायच्छित्तं अणुचरित्ताणं तओ अच्चंतविसुद्धपरिणामो सामण्णमब्भुद्धिऊणं छव्वीसं संवच्छरे तेरस य राइदिए अच्चंतधोरवीरुग्गकट्ठदुक्कतवसंजमं समणुचरिऊणंजावणं एगदुतिचउपंचछम्मासिएहिं खमणेहिं खवेऊणं निप्पडिकम्मसरीरत्ताए अपमाययाए सव्वत्थामेसु अणवरयमहन्निसाणुसमयं सययं सज्झायज्झाणाईसुणं निहिऊणं सेसम्ममलं अउव्वकरणेणंखवगसेढीए अंतगडकेवली जाए सिद्धे यादो से भयवं! तं तारिसं महापावकम्मं समायरिऊणं तहावी ॥ श्री महानिशीथसूत्रं ॥
| २१८
पू. सागरजी म. संशोधित
For Private And Personal Use Only
