________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
गओ सत्तमाए, तओवि उव्वद्विऊण सुइरकाला उववन्नो गयकन्नो नाम मणुयजाई, तओवि कुणिमाहारदोसेणं क्रूरज्झवसायमई गओ मरिऊणं पुणोवि सत्तमाए तहिं चेव अपइट्ठाणे निरयावासे, तओ उव्वट्टिऊणं पुणोवि उववन्नो तिरिएसु महिसत्ता, तत्थवि णं नरगोवमं दुक्खमणुभवित्ताणं मओ समाणो उववन्नो बालविहवाएं पंसुलीमाहणधूयाए कुच्छिसि अहन्नया | निउत्तपच्छन्नगम्भसाडणपाडणखार जुण्णजोगदो सेणं अणेगवाहिवेयणापरिगयसरीरो सिडिहिडंतो कुट्ठवाहीए परिगलमाणो सलसलंत किमिजालेणं खजंतो नीहरिओ नरओवमघोरदुक्खनिवासाओ गम्भवासाओ गोयमा! सो सावज्जायरियजीवो, तओ सव्वलोगेहिं निंदिज्जमाणो गर हिज्जमाणो दुगुछिज्जमाणो खिसिजमाणो सव्वलोगपरिभूओ पाणखाणभोगोवभोगपरिवज्जिओ गब्भवासपभितीए चेव विचित्तसारीरमाण सिगघोर दुक्खसंतत्तो सत्त संवच्छरसयाइं दो मासे य चउरो दिणे य जाव जीविऊणं मओ समाणो उववन्नो वाणमंतरेसुं, तओ चुओ उववन्नो मणुएसुं पुणोवि सूणाहिवत्ताए तओवि तक्क्रम्मदोसेणं सत्तमाए तओवि | उव्वट्टेऊणं उववन्नो तिरिएसुं चक्कियघरंसि गोणत्ताए, तत्थ य चक्कसगडलंगला यट्टणेणं अहन्त्रिसंजुयारोवणेणं पच्चिऊण कुहियउव्वियं खंधं संमुच्छिए य किमी नाहे अक्खमीहूयं खंधं जुयधरणस्स विण्णाय पट्टीए वाहिउमारद्धो तेणं चक्किएणं, अहन्नया कालक्कमेणं जहा खंधं तहा पच्चिऊण कुहिया पट्टी, तत्थावि संमुच्छिए किमी, सडिऊण विगयं च पट्टिचम्मं, ता अकिंचियरं निष्पओयणंति णाऊण मोक्कलिओ गोयमा ! तेणं चक्किएणं तं सलसलिंत किमिजालेहिं णं खज्जमाणं बइल्लं ॥ श्री महानिशीथसूत्रं ॥
१३२
पू. सागरजी म. संशोधित
For Private And Personal Use Only
