________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
| रुद्धाहि फाले लोले घोले थूरे खारेहि से गत्तं ॥ ४॥ वेयरणिखार कलिमलसल्लं कुसलउडकर कयकुलेसु । वसिओ नरएसु जीवो हणहणघणघोरसद्देसुं ॥ ५ ॥ तिरिएस व भेरवसद्दपक्खणपर-पक्खणच्छणसएस। वसिओ उव्वियमाणो जीवो कुडिलम्मि संसारे ॥ ६ ॥ मणुयत्तणेवि बहुविहविणिवायसहस्सभेसणघणम्मि। भोगपिवासाणुगओ वसिओ भय(व) पंजरे जीवो ॥ ७ ॥ वसियं दरीसु वसियं गिरीसु वसियं समुद्दमज्झेसु । रुक्खग्गेसु य वसियं संसारे संसरणं ॥ ८ ॥ पीयं थण अच्छीरं सागरसलिलाओ बहुयरं हुज्जा संसारम्भि अणते माईणं अण्णमण्णाणं ॥ ९ ॥ नयणोदगंपि तासिं सागरसलिलाओ बहुयरं हुज्जा गलियं रुयमाणीणं माईणं अण्णमण्णाणं ॥ | ४०० ॥ नत्थि भयं मरणसमं जम्मणसरिसं न विज्जए दुक्ख । तम्हा जरमरणकरं छिंद ममत्तं सरीराओ ॥ १ ॥ अन्नं इमं सरीरं अण्णो जीवुत्ति निच्छियमईओ । दुक्खपरीकेसकरं छिंद ममत्तं सरीराओ ॥ २ ॥ जावइयं किंचि दुहं सारीरं माणसं च संसारे । प(ए) तो अनंतखुत्तो कायस्स ममत्तदो सेणं ॥ ३ ॥ तम्हा सरीमाई अब्भिंतर बाहिरं निरवसेसं । छिंद ममत्तं सुविहिय! जइ इच्छसि मुच्चिउ दुहाणं | ॥ ४ ॥ सव्वे उवसग्ग परीसहे य तिविहेण निजिणाहि लहु । एएसु निजिएसुं होहिसे आराहओ मरणे ॥ ५॥ मा हु य सरीरसंताविओ य तं झाहि अट्टरुद्दाई। सुठु विरुवियलिंगेवि अट्टरुद्दाणि रुवंति ॥ ६ ॥ भित्तसुयबंधवाइस इट्ठाणिट्ठेसु इंदियत्थेसुं । रागो वा दोसो वा ईसि | मणेणं न कायव्वो ॥ ७॥ रोगायंकेसु पुणो विउलासु य वेयणासुइन्नासु। सम्मं अहियासंतो इणमो हियएण चिंतिज्जा ॥८॥ बहुपलियसागराई स(सो) ड्डाणि मे (मए) नरयतिरियजाईसुं। किं पुर्ण सुहावसाणं इणमो सारं नरदुहंति ? ॥ ९ ॥ सोलस रोगायंका सहिया जह चक्किणा
॥ श्री मरणसमाथि सूत्रं ॥
२६
पू. सागरजी म. संशोधित
For Private And Personal Use Only
