________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| आसाढाहिं णक्खत्तेणं जोगमुवागएणं उग्गाणं भोगाणं राइनाणं खत्तिआणं चउहिं सहस्सेहिं सद्धिं एगं देवदूतमादाय मुंडे भवित्ता। अगाराओ अणगारियं पव्वइए ॥ ३१ ॥ उसमे णं अरहा कोसलिए संवच्छरं साहिअं चीवरधारी होत्था, तेण परं अचेलए, जप्यभिई च णं उसमे अरहा कोसलिए मुंडे भवित्ता अगाराओ अणगारियं पव्वइए तप्पभिई च णं उसमे अरहा कोसलिए णिच्चं वोसट्टकाए चिअत्तदेहे जे केई उवसग्गा उप्पज्जंति तं०- दिव्वा वा जाव पडिलोमा वा अणुलोमा वा, तत्थ पडिलोमा वेत्तेण वा जाव कासेण वा काए आउट्टेजा अणुलोमा वंदेज्ज वा जाव पज्जुवासेज्ज वा, ते सव्वे सम्मं सहइ जाव अहिआसेइ, नए णं से भगवं समणे जाए | ईरिआसमिए जाव पारिट्ठावणिआसमिए मणसमिए वयसमिए कायसमिए मणगुत्ते जाव गुत्तबंभयारी अकोहे जाव अलोहे संते पसंते उवसंते परिणिव्वुडे छिण्णसोए निरुवलेवे संखमिव निरंजणे जच्चकणगंव जायरूवे आदरिसपडिभागेइव पागड भावे कुम्मइव गुत्तिंदिए पुक्खरपत्तमिव निरुवलेवे गगणमिव निरालंबणे अणिलेइव णिरालए चंदोइव सोमदंसणे सूरोइव तेअंसी विहगइव अपडिबद्धगामी सागरोइव गंभीरे मंदरोइव अकंपे पुढवीविव सव्वफासविसहे जीवोविव अप्पडियगइत्ति, णत्थि णं तस्स भगवंतस्स कत्थइ पडिबंधे, से पडिबंधे चउव्विहे भवति, तं०- दव्वओ खित्तओ कालओ भावओ, दव्वओ इह खलु माया मे पिया मे भाया में भगिणी मे जाव संगंथसंथुआ मे हिरण्णं मे सुवण्णं मे जाव उवगरणं मे, अहवा समासओ सच्चिने वा अचित्ते वा मीसए वा दव्वजाए, सेवं तस्स ण भवइ, खित्तओ गामे वा नगरे वा अरण्णे वा खेत्ते वा खले वा गेहे वा अंगणे वा, एवं, तस्स णं भवइ, कालओ थोवे वा लवे वा मुहुत्ते
॥ श्री जंबूद्वीप प्रज्ञप्ति सूत्रं ॥
२७
पू. सागरजी म. संशोधित
For Private And Personal Use Only
