________________
Shri Mahavir Jain Aradhana Kendra
www.kcbetirth.org
Acharya Shri Kailassagarsuri Gyanmandir
उत्तरद्धभरहवासंएजमाणी२ सत्तहिं सलिलासहस्सेहिं आउरेमाणी २ अहे खण्डप्यवायगुहाए वेअद्धपव्वयं दालइत्ता दाहिणद्धभहवासा एज्जमाणी २ दाहिणद्ध भरहवासस्स बहुमझदेसभागे गंता पुरत्थाभिमुही आवत्ता सभाणी चोद्दसहिं सलिलासहस्सेहिं समग्गा अहे जगई दालइत्ता पुरस्थिमेणं लवणसमुदं समपेड़, गंगा गं महाणई पवहे छ सक्कोसाइं जोअणाई विक्खंभेणं अद्धकोसं उब्वेहेणं तयणंतं च मायाए २ परिवद्धमाणी २ मुहे बासद्धिं जोअणाई अद्धजोअणं च विक्खंभेणं सकोसं जोअणं उव्वेहेणं उभओ पासिं दोहिं पउमवरवेइआहिं दोहिं वणसंडेहिं संपरिक्खित्ता वेइआवणसंडवण्णओ भाणिअव्वो, एवं सिंधूएविणेअव्वं जाव तस्स णं पउमदहस्स पच्चथिमिल्लेणं तोरणेणं सिंधुआवत्तणकुंडे दाहिणाभिमुही सिंधुप्पवायकुंडं सिंधुद्दीवो अट्ठो सो चेव अहे तिमिसगुहाए वेअद्धपव्वयं दालइत्ता पच्चस्थिमाभिमुही आवत्ता समाणी चोद्दससलिला अहे जगई पच्चत्थिमेणं लवणसमुदं जाव समप्येइ सेसंतंचेवति, तस्स पउमद्दहस्स उत्तरिल्लेणं तोरणेणं रोहिअंसा महाणई पवूढा समाणी दोण्णि छावत्तरे जोअणसए छच्च एगूणवीसइभाए जोअणस्स उत्तराभिमुही पव्वएणं गंता महया घडमुहपवत्तिएणं मुत्तावलिहारसंहिएणं साइरेगजोअणसइएणं पवाएणं पवडइ, रोहिअंसा णाम महाणई जओ पवडइ एत्थ णं महं एा जिब्भिआ पं०, सा णं जिभिआ जोअणं आयामेणं अद्धतेरसजोअणाई विक्खंभेणं कोस (बाहल्ले ) उन्धेहेणं मगरमुहविट्ठसंठाणसंठिआ सव्ववइरामई अच्छ।०, रोहिअंसा महाणई जहिं पवडइ एत्थ णं महं एगे रोहिअंसापवायकुण्डे णाम कुण्डे पं० सवीसं जोअणसयं आयामविक्खंभेणं तिण्णि असीए जोअणसए किंचिविसेसूणे परिक्खेवेणं | ॥श्री जंबूद्वीप प्रज्ञप्ति सूत्र
| पू. सागरजी म. संशोधित
For Private And Personal Use Only
