________________
Shri Mahavir Jain Aradhana Kendra
www.kobatirth.org
ते णं तोरणा णाणामणिमया णाणामणिमएस खंभेसु उवणिविट्ठसंनिविट्ठा विविहभु (सु) तंतरोवइआ विविहतारारूवोवचिआ ईहाभिअउ सहतुर गणरमगर विहगवालगकिण्णररूरूसर भचभर कुंजरजरवणलयपरमलयभत्तिचित्ता खंभुग्ग्गयवर वडर वेड आपरिगयाभिरामा विज्जाहर जमलजुअल जंतजुत्ताविव अच्चिसहस्समालणीआ रूवगसहस्सकलिआ भिसमाणा भिब्भिसमाणा चक्खुल्लो अणलेसा सुहफासा सस्सिरी अरूवा घंटावलिचलि अमहरमणहरसरा पासा - दीआ०, तेसिं णं तोरणाणं उवरि बहवे अट्ठट्ठमंगलगा पं० तं०-सोत्थिए सिरिवच्छे जाव पडिरूवा, तेसिं णं तोरणाणं उवरिं बहवे किण्हचामरज्झया जाव सुक्किलचामरज्झया अच्छा सण्हा रूम्पपट्टा वइरामयदण्डा जलयामलगंधिया सुरम्मा पासाईया, तेसिं णं तोरणाणं उप्पिं बहवे छत्ताइच्छत्ता पडागाइपडागा घंटाजुअला चामरजुअला उप्पलहत्थगा पउमहत्थगा जाव सयसहस्सपत्तहत्थगा सव्वरयणामया अच्छा जाव पडिरूवा, तस्स णं गंगाम्पवायकुंडस्स बहुमज्झदेसभाए एत्थ णं महं एगे गंगादीवे णामं दीवे पं० अट्ठ जोअणाई आयामविक्खंभेणं साइरेगाइं पणवीसं जोअणाई परिक्खेवेणं दो कोसे ऊसिए जलंताओ सव्ववइरामए अच्छे सण्हे०, से णं एगाए पउमवर वेइआए एगेण य वणसंडेणं सव्वओ समन्ता संपरिक्खित्ते वण्णओ भाणिअव्वो, गंगादीवस्स णं उप्पिं बहुसमरमणिज्जे भूमिभागे पं०, तस्स णं बहुमज्झदेसभाए एत्थ णं महं गंगाए देवीए एगे भवणे पं०, कोसं आयामेणं अद्धकोसं विक्खंभेणं देसूणगं च कोसं अर्द्धउच्चतेणं अणेगखंभसयसण्णिविद्वे जाव बहुमज्झदेसभाए मणिपेढियाए सयणिज्जे, से केणद्वेणं जाव सासए णामधेज्जे पं०, तस्स णं गंगप्पवायकुंडस्स दिक्खिणिल्लेणं तोरणेणं गंगा महाणई पवूढा समाणी पू. सागरजी म. संशोधित
॥ श्री जंबूद्वीप प्रज्ञप्ति सूत्रं ॥
९५
Acharya Shri Kailassagarsuri Gyanmandir
For Private And Personal Use Only
