________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
आणाईसरसेणावच्चं कारेमाणा पालेमाणा महताहत नट्टगी यवाइयतंतीतलतालतुडियथणमुइंगपड्डुष्पवाइयरवेणं दिव्वाई भोगभोगाई भुंजमाणा विहरंति । कहिं णं भंते! असुरकुमाराणं देवाणं पज्जत्तापज्जत्ताणं ठाणा पं० कहिं णं भंते! असुरकुमारा देवा परिवसंति?, गो० ! इमीसे रयण० पुढवीए असीउत्तर जोयणसयसहस्सबाहल्लाए उवरिं एवं जोयणसहस्सं ओगाहित्ता हेट्ठा चेगं जोयणसहस्सं वज्जित्ता मज्झे अनुहुत्तरे जोयणस्यसहस्से एत्थ णं असुरकुमाराणं देवाणं चउसट्ठि भवणावाससयसहस्सा भवन्तीतिमक्खायं, ते णं भवणा बाहिं वट्टा अंतो चउरंसा पुक्खरकन्नियासंठगणसंठिया उक्तिन्नंतर विउलगंभीरखायफलिहा पागारट्टालगसुकडतोरण| पडिदुवारदेसभागा जंतसयग्धिमुसलमुसंढिपरियारिया अउज्झा सदाज्या सदागुत्ता अडयालकोट्ठगरड्या अडयालकयवणमाला खेमा सिवा किंकरामरदंडोवरक्खिया लाउल्लोइयमहिया गोसीससरसरतचंदणदद्दर दिन्नपंचंगुलितला उवचितचंदणकलसा चंदणघडसुकयतोरणपडिदुवारदेस भागा आसत्तोसत्तविउलवट्टवग्घारियमल्लदामकलावा पंचवन्नसरससुरभिमुक्कपुष्फपुंजोवयार कलिया कालागुरुपवर कुंदुरुक्कतुरुक्कडअंतधूवमघमघंतगंधुद्धयाभिरामा सुगंधवरगंधिया गंधवट्टिभूया अच्छरगणसंघसंविगिन्ना दिव्वतुडियसद्द - संपणादिया सव्वरयणामाया अच्छा सण्हा लण्हा घट्टा मट्ठा णीरया निम्मला निष्पंका निक्कंकडच्छाया सप्पभा सस्सिरीया समिरीया सउज्जोया पासादीया दरिसणिज्जा अभिरुवा पडिरूवा एत्थ णं असुरकुमाराणं देवाणं पज्जत्तापजत्ताणं ठाणा पं०, उववाएणं लोयस्स असंखेज्जइभागे समुग्धाएणं लोयस्स असंखेज्जइभागे सट्टाणेणं लोयस्स असंखेज्जइभागे, तत्थ णं बहवे असुरकुमारा देवा ॥ श्री प्रज्ञापनोपांगम् ॥ पू. सागरजी म. संशोधित
४३
For Private And Personal Use Only
