________________
Shri Mahavir Jain Aradhana Kendra
www.kobatirth.org
| दिव्वतुडियसद्दसंपणातिया सव्वरयणामया अच्छा सण्हा लण्हा घट्टा भट्टा णीरया निम्मला निष्पंका निक्कंकडच्छाया सप्पहा ससिरिया समिरिया सउज्जोया पासादीया दरिसणिज्जा अभिरुवा पडिरूवा, एत्थ णं भवणवासिदेवाणं पज्जत्तापजत्ताणं ठाणा पं०, उववाएणं लोयस्स असंखेज्जइभागे समुग्धाएणं लोयस्स असंखेज्जइभागे सट्टाणेणं लोयस्स असंखेज्जइभागे, तत्थ णं बहवे भवणवासी देवा परिवसंति, तं० असुरा नाग सुवन्ना विज्जू अग्गी य दीव उदही य | दिसिपवणथणियनामा दसहा एए भवणवासी ॥१३८॥ चूडामणिमउडरयण भूसणणागफडागरुलवहरपुन्त्रकलसंकउम्फेसा सीहमगरगयंक अस्सवर वद्धमाणनिज्जुत्तचित्तचिंधगता सुरुवा महड्ढिया महज्जुइआ महब्बला महायसा महाणुभावा महेसक्खा ( महासोक्खा, महासक्खा पा० ) हारविराइअवच्छा कडगतुडियथंभियभुआ अंगदकुंडलमट्टगंडतला कन्नपीढधारी विचित्तहत्याभरणा विचित्तमालामउलिमउडा कल्लाणगपवरवत्थपरिहिया कल्लाणगपवरमल्लाणुलेवणधरा भासुरबोंदी पलंबवणमालधरा दिव्वेणं वन्त्रेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्ढीए दिव्वाए जुईए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवेमाणा पभासेमाणा ते णं तत्थ साणं २ भवणावासस्यसहस्साणं साणं २ सामाणियसाहस्सीणं साणं २ तायत्तीसाणं साणं २ लोगपालाणं साणं २ अग्गमहिसीणं साणं २ परिमाणं साणं २ अणिआणं साणं २ अणि आहिवईणं साणं २ आयरक्खदेवसाहस्सीणं अन्नेसिं च बहूणं भवणवासीणं देवाण य देवीण य आहेवच्चं पोरेवच्चं सामित्तं भट्ठित्तं महत्तरगत्तं ॥ श्री प्रज्ञापनोपांगम् ॥
पू. सागरजी म. संशोधित
४२
Acharya Shri Kailassagarsuri Gyanmandir
For Private And Personal Use Only
