________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
पंचिंदियतिरिक्खजोणियाणं पज्जत्तापज्जत्ताणं ठाणा पं०, उववाएणं लोयस्स असंखेजइभागे समुग्धाएणं लोयस्स असंखेजइभागे || सट्टाणेणं लोयस्स असंखेजइभागे ।।४। कहिं णं भंते! मणुस्साणं पजत्तापज्जत्ताणं ठाणा पं०?, गो०! अंतो मणुस्सखेत्ते पणयालीसाए जोयणसयसहस्सेसु अड्ढाइज्जेसु दीवसमुद्देसु पनरससु कम्मभूमीसु तीसाए अकम्मभूमीसु छप्पनाए अंतरदीवेसु एत्थ णं मणुस्साणं पूजत्तापजत्ताणं ठाणा पं०, उववाएण लोयस्स असंखेजइभागे समुग्धाएणं सव्वलोए सट्टाणेणं लोयस्स असंखेजइभाए । ४५। कहिं णं भंते! भवणवासीणं देवाणं पज्जत्तापजताणं ठाणा पं०? कहिं णं भंते! भवणवासी देवा परिवसति?, गो०! इभीसे रयणप्पभाए पुढवीए असीउत्तरजोयणसयसहस्सबाहल्लाए उवरि एगं जोयणसहस्सं ओगाहित्ता हेट्ठा चेगं जोयणसहस्सं| वजित्ता मझे अट्ठहुत्तरे जोयणसयसहस्से एत्थ णं भवणवासीणं देवाणं सत्त भवणकोडीओ बावत्तरि भवणावाससयसहस्सा भवन्तीतिभक्खायं, ते णं भवणा बाहिं वट्टा अंतो चउरंसा अहे पुक्खरकन्नियासंठाणसंठिया उक्किन्नंतरविंउलगंभीरखातफलिहा पागाढालयकवाडतोरण पडिदुवारदेसभागा जंतसयग्धि (प्र० मुसल)मुसंढिपरियारिया अउज्झासदाजया सदागुत्ता अडयालकोटुगरइया अडयालक्यवणमाला खेमा सिवा किंकरामरदंडोवरक्खिया लाउल्लोइयमहिया गोसीससरसरत्तचंदणदद्दरदिन्नपंचंगुलितला उवचियचंदणकलसा चंदणघडसुक्यतोरणपडिदुवारदेसभागा आसत्तोसत्तविउलवट्टवग्धारियमल्लदामकलावा पंचवत्रसरससुरभिमुक्कपुष्फपुंजोक्यारकलिया कालागुरुपवरकुंदुरुक्कतुरुक्कधूवमधंमधंतगंधुद्धयाभिरामा सुगंधवगंधिया गंधवट्टिभूया अच्छरगणसंघसंविगिन्ना ॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
