________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
परिवसंति काला लोहियक्खबिंबोढा धवलपुष्पदंता असियकेसा वामे एगकुंडलधरा अद्दचंदणाणुलित्तगत्ता ईसीसिलिंधपुष्पपगासाई असंकिलिढाई सुहुमाई वत्थाई पत्रपरिहिया वयं च पढम समइहंता बिइयं च वयं असंपत्ता भद्दे जोव्वणे वट्टमाणा तलभंगयतुडियपवरभूसणनिम्मलमणिरयणमंडित्भुया दसमुद्दामंडियनहत्था चूडामणिविचित्तचिंधगया सुरुवा महिड्ढिया महज्जुझ्या महायसा महब्बला महाणुभागा महासोक्खा हारविराइयवच्छ। कडयतुडियर्थभियभुया अंगयकुंडलमढगंडयला कनपीढधारी विचित्तहत्याभरणा विचित्तमालामउली कमाणगपवरवत्थपरिहिया कल्लाणगमलाणुलेवणधरा भासुरबोंदी पलंबवणमालधरा दिव्वेणं वनेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्ढीए दिव्वाए जुईए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेसाए दस दिसाओ उज्जोवेभाणा पभासेमाा ते णं भवणावाससयसहस्साणं साणं २ सामाणियसाहस्सीणं साणं २ तायत्तीसाणं साणं २ आयरक्खदेवसाहस्सीणं अनेसिं च बहूणं भवणवासीणं देवाण य देविण य आहेवच्चं पोरेच्चं सामित्तं भट्टित्तं महत्तगत्तं आणाईसरसेणावच्चं कारेमाणा पालेभाणा महताहतनट्टगीतवाइयतंतीतलतालतुडियधणभुइंगपडुप्वाइयरवेणं दिव्वाइंभोगभोगाई जमाणा विहरंति, चमरबलिणो इत्थ दुवे असुरकुमारिदा असुरकुमाररायाणो परिवसंति काला महानीलसरिसा णीलगुलिअगवलअयसिकुसुमप्यासा वियसियसयवत्तणिम्मलईसिसितरत्ततंबणया गालाययउज्जुतुंगनासा उवचियसियप्पवालबिंबफलसंनिहाहरोहा पंडुरससिसगलविमलनिम्मलदहिणसंखगोक्खीर॥ श्री प्रज्ञापनोपांगम् ॥
पू. सागरजी म. संशोधित
For Private And Personal Use Only
