________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
जोतिसराया चंदवडिंसए विमाणे सभाए सुधम्माए चंदंसि सीहासणंसि तुडिएण सद्धिं दिव्वाइं भोग भोगाई भुंजमाणे विहरितए?, णो तिणट्टे समट्टे, से केणद्वेणं भंते! एवं वुच्चति नो पभू चंदे ० जोतिसराया चंडवडेंसए विमाणे सभाए सुधम्माए चंदंसि सीहासणंसि तुडिएणं सद्धिं दिव्वाइं भोगभोगाई भुंजमाणे विहरितए ?, गो० ! चंदस्स जोतिसिंदस्स जोतिसरण्णो चंदवडेंसए विमाणे सभाए सुहम्माए जोतिसमाणवगंसि चेतियखंभंसि वइरामएस गोलवट्टसमुग्गएसु बहुयाओ जिणसकहाओ सण्णिक्खित्ताओ चिट्ठति जाओ णं चंदस्स जोतिसिंदस्स जोतिसरनो अन्नेसिं च बहूणं जोतिसियाणं देवाण य देवीण य अच्चणिज्जाओ जाव पज्जुवासणिज्जाओ, तासिं पणिहाए नो पभू चंदे० जोतिसराया चंदवडिं० जाव चंदंसि सीहासणंसि जाव भुंजमाणे विहरित्तए, से एएणट्टेणं गो० ! नो पभू चंदे जोतिसराया चंदवडिंसए विमाणे सभाए सुधम्माए चंदंसि सीहासणंसि तुडिएण सद्धिं दिव्वाई भोगभोगाई भुंजमाणे विहरितए, अदुत्तरं च णं गो० ! प्रभू चंदे जोतिसिंदे जोतिसराया चंदवडिंसए विमाणे सभाए सुघम्भाए चंदंसि सीहासणंसि चउहिं सामाणियसाहस्सीहिं जाव सोलसहिं आयरक्खदेवाणं साहस्सीहिं अन्नेहिं बहूहिं जोतिसिएहिं देवेहिं देवीहि य सद्धिं संपरिवुडे महयाहयणट्टगीइवाइयतंतीतलतालतु डियर्पणमुइंगपडुप्पवाइयरवेणं दिव्वाइं भोगभोगाई भुंजमाणे विहरिए, केवलं परियारतुडिएण सद्धिं भोगभोगाई बुद्धीए, नो चेव णं मेहुणवत्तियं । २०४ | सूरस्स णं भंते! जोतिसिंदस्स जोतिसरनो कइ अग्गमहिसीओ पं० ?, गो० ! चत्तारि अग्गमहिसीओ पं० तं० - सूरप्पभा आयवाभा अच्चिमाली पभंकरा, एवं अवसेसं जहा चंदस्स णवरिं सूरवडिसए ॥ श्री जीवाजीवाभिगम् ॥
पू. सागरजी म. संशोधित
२०९
For Private And Personal
