________________
Shri Mahavir Jain Arachana Kendra
www.kobatirth.org
Acharya Shri Kailashsagarsun Gyanmandir
पुरथिमिलं बाहं० एवं चउदिसिंपि, एवं तारागणाणविणवरि दो देवसाहस्सीओ परिवहंति, तं०-सीहरूवधारीणं देवाणं पंचदेवसता पुरस्थिभिल्लं बाहं परिवहंति एवं चउद्दिसिंपि।१९९१ एतेसिंणं भंते! चंदिमसूरियगहगणणक्खत्ततारारूवाणं कयरे कयरेहितो सिग्धगती वा मंदगती वा?, गो०! चंदेहितो सूरा सिग्धगती सूरेहिंतो गहा सिग्धगती गहेहितो णक्खत्ता सिग्धगती णक्खत्तेहितो तारा सिगग्धगती, सव्वष्पगती चंदा सव्वसिग्धगतीओ ताराओ १२००। एएसिं ण भंते! चंदिमजावतारारूवाणं कयरे कयरेहितो अप्पिड्ढिया वा महिड्ढिया वा?, गो०! तारारूवेहिंतो णक्खत्ता महिड्ढीया णक्खत्तेहिंतो गहा महिड्ढीया गहेहितो सूरा महिड्ढीया सूरेहितो चंदा महिड्ढीया, सव्वप्पड्ढिया तारा० सव्वमहिड्ढिया चंदा २०१। जंबूदीवेणं भंते! दीवे तारारूवस्स २ य एसणं केवतियं अबाधाए अंतरे पं०?, गो०! दुविहे अंतरे पं० २०-वाघातिमे य निव्वाधाइमे य (पा० वाघाइए य निव्वाधाइए य) तत्थ णं जे से वाघातिमे से जह० दोण्णि य छावढे जोयणसए उक्को० बारस जोयणसहस्साई दोण्णि य बायाले जोयणसए तारारूवस्स २ य अबाहाए अंतरे पं०, तत्थ णं जे से णिव्वाधातिमे से जह० पंचधणुसयाई उको० दो गाउयाई तारारूव जाव अंतरे पं० १२०२। चंदस्स णं भंते! जोतिसिंदस्स जोतिसरनो कति अगमहिसीओ पं०?, गो०! चत्तारि अगमहिसीओ पं० ०-चंदप्पभा दोसिणाभा अच्चिमाली पभंकरा, एत्थ णं एगमेगाए देवीए चत्तारि २ देवसाहस्सीओ परिवारे य, पभू णं ततो एगमेगा देवी अण्णाई चत्तारि २ देवी सहस्साई परिवार विवित्तए, एवामेव सपुव्वावरेणं सोलस देवसाहस्सीओ पं०, से तं तुडिए।२०३। पभू णं भंते! चंदे जोतिसिंदे ॥ श्री जीवाजीवाभिगम् ॥
| २०८
पू. सागरजी म. संशोधित
For Private And Personal
