________________
Shri Mahavir Jain Arachana Kendra
www.kobatirth.org
Acharya Shri Kailashsagarsun Gyanmandir
धूवकडुच्छयहत्थगता विजयं देवं पिटुतो २ अणुगच्छंति, तते णं से विजए देवे चहिं सामाणियसाहस्सीहिं जाव अण्णेहि य बहूहिं वाणमंतरेहिं देवेहि य देवीहि य सद्धिं संपरिवुडे सव्विड्ढीए सव्वजुत्तीए जाव णिग्धोसणाइयरवेणं जेणेव सिद्धाययणे तेणेव उवागच्छति त्ता सिद्धायतणं अणुप्पयाहिणीकरमाणे २ पुरथिमिल्लेणं दारेणं अणुपविसति त्ता जेणेव देवच्छंदए तेणेव उवागच्छति त्ता आलोए जिणपडिमाणं पणामं करेति त्ता लोमहत्थगं गेण्हति त्ता जिणपडिममाओ लोमहत्थएणं पमझति त्ता सुरभिणा गंधोदएणं पहाणेति त्ता दिव्वाए सुरभिगंधकासाईए गाताई लूहेति त्ता सरसेणं गोसीसचंदणेणं गाताणि अणुलिंपइ त्ता जिणपडिमाणं अहयाई सेताई दिव्वाइं देवदूसजुयलाई णिसंयेइ त्ता अग्गेहिं वरेहिं गंधेहि य मल्लेहि यअच्चेति त्ता पुष्फारुहणं गंधारुहणं मल्लारुहणं वण्णारुहणं चुण्णारुहणं आभरणारुहणं रेति त्ता आसत्तोसत्तविउलवडवग्धारितमल्लदामकलावं करेति त्ता अच्छेहि सण्हेहिं रययामएहिं अच्छरसातंदुलेहिं जिणपडिमाणं पुरतो अट्ठमंगलए आलिहति, सोस्थियसिरिवच्छजावदप्पणा अट्ठमंगलगे आलिहति त्ता कयग्गाहग्गहितकरतलपब्भविष्पमुक्केणदसद्धवनेणं कुसुमेणं मुक्कपुष्फपुंजोवयारकलितं करेति त्ता चंदप्पभवइरवेरुलियविमलदंड कंचणमणिरयणभत्तिचित्तं कालागुरुपवरकुंदुरुक्कतुरुवधूवगंधुत्तमाणुविद्धं धूमवटि विणि मुयंत वेरुलियामयं कडुच्छुयं पग्गहित्तु धूवं पयत्तेण दाऊण जिणवराणं अट्ठसयविसुद्धगंथजुत्तेहिं महावित्तेहिं अत्थजुत्तेहिं अपुणरुत्तेहिं संथुणइ त्ता सत्तटु पयाई ओसरति सत्तट्ठपयाई ओसरित्ता वामं जाणुं अंचेइ त्ता दाहिणं जाणुं धरणितलंसि णिवाडेइ त्ता तिकखुत्तो मुद्धाणं धरणियलंसि णमेइ त्ता ॥ श्री जीवाजीवाभिगम् ॥
| १४१
पू. सागरजी म. संशोधित
For Private And Personal
