________________
Shri Mahavir Jain Arachana Kendra
www.kobatirth.org
Acharya Sh Kailashsagarsuri Gyanmandir
त्ता दिव्वं च सुमणदाम पिणद्धति, तए णं से विजए देवे केसालंकारेणं वत्थालंकारेणं मलालंकारेणं आभरणालंकारेणं चाविहेणं|| अलंकारेणं अलंकितविभूसिए समाणे पडिपुण्णालंकारे सीहासणाओ अब्भुढेइ त्ता अलंकारियसभाओ पुरिच्छमिल्लेणं दारेणं पडिनिक्खमति त्ता जेणेव ववसायसभा तेणेव उवागच्छति त्ता ववसायसभं अणुप्पदाहिणं करेमाणे पुरथिभिल्लेणं दारेणं अणुपविसति ना जेणेव सीहासणे तेणेव उवागच्छति त्ता सीहासणवरगते पुरत्थाभिमुहे सण्णिसण्णे, तते णं तस्स विजयस्स देवस्स आहिओगिया देवा पोत्थयरयणं उवणेति, तए णं से विजए देवे पोत्थयरयणं गेण्हति त्ता पोत्थयरयणं मुयति त्ता पोत्थयरयणं विहाडेति त्ता पोत्थयरयणं वाएति त्ता धम्मियं ववसायं पगेण्हति त्ता पोत्थयरयणं पडिणिक्खिवेइ त्ता सीहासणाओ अब्भुटेति त्ता ववसायसभाओ पुरथिभिल्लेणं दारेणं पडिणिक्खमइ त्ता जेणेव णंदापुक्खरिणी तेणेव उवागच्छति त्ता गंदं पुक्खरिणिं अणुप्पयाहिणीकरमाणे पुरथिमिल्लेणं दारणे अणुपविसति त्ता पुरथिमिल्लेणं तिसोवाणपडिरूवएणं पच्चोरुहति त्ता हत्थं पादं पक्खालेति त्ता एगं महं सेतं रयतामयं विमलसलिलपुण्णं मत्तगयमहामुहाकितिसमाणं भिंगारं पगिण्हति त्ता जाई तत्थ उप्पलाई एउमाई जाव सतसहस्सपत्ताई ताई गिण्हति त्ता णंदातो पुक्खरिणीतो पच्चुत्तरेइ त्ता जेणेव सिद्धायतणे तेणेव पहारेत्थ गमणाए, तए णं तस्स विजयस्स देवस्स चत्तारि सामाणियसाहस्सीओ जाव अण्णे य बहवे वाणमंतरा देवाय देवीओ य अप्पेगइया उप्पलहत्थगया जावसयसहस्सपत्तहत्थगया विजयं देवं पिटुतो २ अणुगच्छंति, तए णं तस्स विजयस्स देवस्स बहवे आभिओगिया देवा य देवीओ य कलसहत्थगता जाव ॥ श्री जीवाजीवाभिगम् ॥
| १४०
पू. सागरजी म. संशोधित
For Private And Personal
