________________
Shri Mahavir Jain Arachana Kendra
www.kobatirth.org
Acharya Shri Kailashsagarsur Gyanmandir
ईसिं पच्चुण्णमति त्ता कडयतुडियथंभियाओ भुयाओ पडिसाहरति त्ता करयलपरिग्गहियं सिरसावत्तं मत्थए अंजलिं कटु एवं|| व० णमोऽत्थु णं अरिहंताणं भगवंताणं जाव सिद्धिगइणामधेयं ठाणं संपत्ताणंतिकटु वंदति णमंसति त्ता जेणेव सिद्धायतणस्स बहुमझदेसभाए तेणेव उवागच्छति त्ता दिव्वाए उदगधारए अब्भुक्खति त्ता सरसेणं गोसीसचंदणेणं पंचंगुलितलेणं मंडलं आलिहति त्ता चच्चए दलयति त्ता कयग्गाहग्गहियकरतलपब्भविष्पमुक्केणं दसद्धवण्णेणं कुसुमेणं मुक्कपुष्फपुंजोवयारकलियं करेति त्ता धूवं दलयति त्ता जेणेव सिद्धायतणस्स दाहिणिल्ले दारे तेणेव उवागच्छति ना लोमहत्थयं गेण्हइ त्ता दारचेडीओ य सालिभंजियाओ य वालरूवर य लोमहत्थएणं पमज्जति त्ता बहुम्झदेसभाए सरसेणं गोसीसचंदणेणं पंचंगुलितलेणं अणुलिंपति त्ता चच्चए दलयति त्ता पुष्फारुहणं जाव आहरणारुहणं करेति त्ता आसत्तोसत्तविपुलजावमल्लदामकलावं करेति त्ता कयग्गाहग्गहित जाव पुंजोक्यारकलितं करेति त्ता धूवं दलयति त्ता जेणेव मुहमंडवस्स बहुमझदेसभाए तेणेव उवागच्छति त्ता बहुमझदेसभाए लोमहत्थेणं पमज्जति त्ता दिव्वाए उदगधाराए अब्भुक्खेति त्ता सरसेणं गोसीसचंदणेणं पंचंगुलितलेणं मंडलगं आलिहति त्ता चच्चए दलयति त्ता क्यग्गाह जाव धूवं दलयति त्ता जेणेव मुहमंडवास्स पच्चथिमिल्ले दारे तेणेव उवा० लोमहत्थगं गेण्हति त्ता दारचेडीओ य सालभंजियाओ य वालरूवए य लोमहत्थगेण पमज्जति त्ता दिव्वाए उदगधाराए अब्भुक्खेति त्ता सरसेणं गोसीसचंदणेणं जाव चच्चए दलयति त्ता आसत्तोसत्त० क्यग्गाह० धूवं दलयति त्ता जेणेव मुहमंडवगस्स उत्तरिल्ला खंभपंती तेणेव उवागच्छइ त्ता ॥ श्री जीवाजीवाभिगम् ॥
पू. सागरजी म. संशोधित
For Private And Personal
