________________
Shri Mahavir Jain Aradhana Kendra
www.kobatirth.org
तिणट्टे समट्ठे, तेसिं णं तणाण य मणीण य एत्तो इट्ठतराए चेव जाव फासेणं पं०, तेसिं णं तणाणं पुव्वावरदाहिणउत्तरागतेहिं वाएहिं मंदायं २ एइयाणं वेइयाणं कंपियाणं खोभियाणं चालियाणं फंदियाणं घट्टियाणं उदीरियाणं के रिसए सद्दे पं०?, से जहाणामएसिबियाए वा संदमाणीयाए वा रहवरस्स वा सच्छत्तस्स सज्झयस्स सघंटयस्स सतोरणवरस्स सणंदिघोसस्स सखिखिणिहेमजालपेरंतपरिक्खित्तस्स हेमवयखेत्तचित्ततिणिसकणगनिज्जुतदारु यागस्स सुपिणिद्धारक ( प्र०सुविसुद्ध चक्क ) मंडलधुरागस्स कालायससुकयणेभिजंतकम्मस्स आइण्णवरतुरगसुसंपउत्तस्स कुसलणरच्छेयसारहि सुसंपरिग्गहितस्स सरसतबत्तीसतोणपरिमंडितस्स सकंकडवडिंसगस्स सचावसरपहरणावरणहरियस्स जोहजुद्धस्स रायंगणंसि वा अंतेपुरंसि वा रम्मंसि वा मणिकोट्टिमतलंसि अभिक्खणं २ अभिघट्टिज्जमाणस्स वा णियट्टिज्जमाणस्स वा परूढवरतुरंगस्स चंडवेगाइट्ठ (द्ध) स्स ओराला मणुण्णा कण्णमणणिव्युतिकरा सव्वतो समंता सदा अभिणिस्सवंति, भवे एतारूवे सिया ?, णो तिण्डे समट्ठे, से जहाणामए वेयालियाए वीणाए उत्तरमंदामुच्छिताए अंके सुपइट्टियाए चंदणसारकोणपडिघट्टियाए कुसलणरणारिसंपगहिताए पदोसपच्चूसकालसमयंसि (पा० पुव्वरत्तावरत्तकालसमयंसि ) मंदं २ एइयाए वेइयाए खोभियाए उदीरियाए ओराला मणुण्णा कण्णमणणिव्युतिकरा सव्वतो समता सद्दा अभिणिस्सवंति, भवे एयारूवे सिया?, णो तिणट्टे समट्टे, से जहाणामए किण्णराण वा किंपुरिसाण वा महोरगाण वा गंधव्वाण वा भद्दसालवणगयाण वा नंदणवणगयाण वा सोमणसवणण्याण वा पंडगवणगयाण वा हिमवंतमहंतमलयमंदरगिरिगुहा॥ श्री जीवाजीवाभिगम् ॥ पू. सागरजी म. संशोधित
१०३
Acharya Shri Kailashsagarsuri Gyanmandir
For Private And Personal
