________________
Shri Mahavir Jain Aradhana Kendra
www.kobatirth.org
वा कोंचावलीति वा हारावलीति वा बलायावलीति वा चंदावलीति वा सारतियबलाहएति वा धंतधोयरुप्पपट्टेइ वा सालिपिट्ठरासीति वा कुंदपुप्फरासीति वा कुमुयरासीति वा सुक्कच्छिवाडीति वा पेहुणमिंजाति वा बिसेति वा भिणालियाति वा गयदंतेति वा लवंगदलेति वा पोंडरीयदलेति वा सिंदुवार मल्लदामेति वा सेतासोएति वा सेयकणवीरेति वा सेयबंधुजीवएड वा, भवे एयारूवे सिया ?, णो तिणडे समट्टे, तेसिं णं सुक्किल्लाणं तणाणं मणीण य एत्तो इट्ठतराए चेव जाव वण्णेणं पं०, तेसिं णं भंते! तणाण य मणीण य केरिसए गंधे पं० ?, से जहाणामए कोट्ठपुडाण वा पत्तपुडाण वा चोयपुडाण वा तगरपुडाण वा एलापुडाण वा किरिमेरुपुडाण वा चंदणपुडाण वा कुंकुमपुडाण वा उसीरपुडाण वा चंपगपुडाण वा मरुयगपुडाण वा दमणगपुडाण वा जातिपुडाण वा जूहियापुडाण वा मल्लियापुडाण वा णोमालियापुडाण वा वासंतियपुडाण वा केयतिपुडाण वा कप्पूरपुडाण वा पाडलिपुडाण वा अणुवायंसि उब्भिजमाणाण वा णिब्भिज्जमाणाण वा कोट्टेजमाणाण वा रुविजमाणाण वा उक्किरिजमाणाण वा विकिरिजमाणाण वा परिभुज्जमाणाण वा परिभाएजमाणाण वा भंडाओ वा भंडं साहरिज्जमाणाणं ओराला मणुण्णा घाणमणणिव्वुतिकरा सव्वतो समंता गंधा अभिणिस्सवंति, भवे एयारूवे सिया?, णो तिणट्टे समट्ठे, तेसिं णं तणाणं मणीण य एत्तो इट्ठतराए चेव जाव गंधे पं०, तेसिं णं भंते! तणाण य मणीण य केरिसए फासे पं०?, से जहाणामए आइणेति वा रुएति वा बूरेति वा णवणीतेति वा हंसगब्भतूलीति वा सिरीसकुसुमणिचतेति वा बालकुमुदपत्तरासीति वा, भवे एतारूवे सिया ?, णो ॥ श्री जीवाजीवाभिगम् ॥
पू. सागरजी म. संशोधित
१०२
Acharya Shri Kailashsagarsuri Gyanmandir
For Private And Personal
