________________
Shri Mahavir Jain Aradhana Kendra
merekobatim.org
Acharya Shri Kalashsagarsun Gyanmandir
समण्णागयाणवा एगतो सहिताणं संमुहा (समुवा) गयाणं समुवविट्ठाणं संनिविट्ठाणं पमुदियपक्कीलियाणं गीयरतिगंधव्वहरिसियभणाणं|| गेज पज कत्थं गेयं पायविद्धं उक्खित्तयं पवत्तयं मंदायं रोचियावसाणं सत्तसरसमागयं अद्वरससुसंपउत्तं छद्दोसविष्यमुक्वं एक्कारसगुणालंकारं अट्ठगुणोववेयं गुंजंतवंसकुहरोवगूढं रत्तं तित्थाणकरणसुद्धं मधुरं समंसुललियंसकुहरगुंजंतवंसतंतीतालसुसंपउत्तं तालसमं लयसुसंपउत्तं गहसुसंपउत्तं मणोहरं मउयरिभियपयसंचारं सुरतिं सुणतिं वचारूरूवं दिव्वं नटुं सज गेयं पगीयाणं, भवे एयारूवे सिया?, हंता एवंभूए सिया ११२७। तस्स णं वणसंडस्स तत्थ २ देसे २ तहिं २ बहवे खुड्डा खुड्डियाओ वावीओ पुक्खरिणीओ गुंजालियाओ दीहियाओ सरसीओ सरपंतिओ सरसरपंतीओ बिलपंतीओ अच्छाओ सहाओ रयतामयकूलाओ वइरामयपासाणाओ त्वणिजमयतलाओ वेरुलियमणिफालियपडलपच्चोयडाओ णवणीयतलाओ सुवण्णसुरयणमणिवालुयाओ सुहोयारसुउत्ताराओ गाणामणितित्थसुबद्धाओ चउकोणाओ समतीराओ आणुपुव्वसुजायवष्यगंभीरसीयलजलाओ संछण्णपत्तभिसमुणालाओ बहुउप्पलकुमुयणलिणसुभगसोगंधितपोंडरीयसयपत्तसहस्सपत्तफुल्लकेसरोवइयाओ छप्पयपरिभुज्जमाणकमलाओ अच्छविमलसलिलपुण्णाओ परिहत्यभमंतमच्छकच्छभअणेगसउणमिहणपविचरिताओ पत्तेयं २ पउमवरवेदियापरिक्खित्ताओ पत्तेयं २ वणसंडपरिक्खित्ताओ अपेगतियाओ आसवोदाओ अप्पे० वारुणोदाओ अप्पे० खीरोदाओ अपे० घयादाओ अप्पे० खोदोदाओ अमयरससमरसो (स्सा) दाओ अप्पे० प्रगतीए उदग (अमय) रसेणं पं० पासाईयाओ०, तासिं णं खुड्डियाणं वावीणं जाव ॥ श्री जीवाजीवाभिगम् ॥
| १०४
पू. सागरजी म. संशोधित
For Private And Personal
