________________
Shri Mahavir Jain Aradhana Kendra
www.kobatirth.org
नो पभू एगं महं अयभारं वा जाव परिवहित्तए तम्हा सुपतिट्ठिता मे पण्णा० तहेव, तए णं केसीकुमारसमणे पएसिं रायं एवं व०से जहाणामए केई पुरिसे तरुणे जाव सिप्पोवगए णवियाए विहंगियाए णवएहिं सिक्कएहिं एवएहिं पच्छियपिड एहिं पहू एवं महं अयभारं जाव परिवहित्तए ?, हंता पभू, पएसी ! से चेव णं पुरिसे तरुणे जाव सिम्पोवगए जुन्नियाए दुब्बलियाए घुणक्खड़याए विहंगियाए जुण्णएहिं दुब्बलएहिं घुणक्खइएहिं सिढिलतयापिणद्धएहिं सिक्कएहिं जुण्णएहिं दुब्बलिएहिं घुणखइएहिं पच्छिपिडए हिं पभू एगं महं अयभारं वा जाव परिवहित्तए?, णो तिण०, कम्हा णं? भंते! तस्स पुरिसस्स जुन्नाई उवगरणाई भवंति पएसी ! से चेव से पुरिसे जुन्ने जाव किलंते जुन्नोवगरणे नो पभू एगं महं अयभारं वा जाव परिवहित्तए तं सद्दहाहि णं तुमं पएसी ! जहा अन्नो जीवो अन्नं सरीरं ६ । ६९ । तए णं से पएसी के सिकुमारसमणं एवं व०-अत्थि णं भंते! जाव नो उवागच्छइ एवं खलु भंते! जाव विहरामि तए णं मम णगरगुत्तिया चोरं उवर्णेति तए णं अहं तं पुस्सिं जीवंतगं चेव तुलेमि तुलेत्ता छविच्छेयं अकुव्वमाणे जीवियाओ ववरोवेमि त्ता मयं तुलेमि णो चेव णं तस्स पुरिसस्स जीवंतस्स वा तुलियस्स मुयस्स वा तुलियस्स केई आणत्ते वा नाणत्ते वा ओमत्ते वा तुच्छत्ते वा गरुयत्ते वा लहयत्ते वा, जति णं भंते! तस्स पुरिसस्स जीवंतस्स वा तुलियस्स मुयस्स वा तुलियस्स केई अन्नत्ते वा जाव लहुयत्ते वा तो णं अहं सद्दहेज्जा तं चेव, जम्हा णं भंते! तस्स पुरिसस्स जीवंतस्स वा तुलियस्स मुयस्स वा तुलियस्स नत्थि केई अन्नत्ते वा० लहुयत्ते वा तम्हा सुपतिट्ठिया मे पन्ना जहा तंजीवो तंचेव, तए णं केसीकुमारसमणे पएसिं रायं एवं व० - || श्री राजप्रश्रीयोपांगम् ॥
पू. सागरजी म. संशोधित
८८
Acharya Shri Kailassagarsuri Gyanmandir
For Private and Personal Use Only
