________________
Shri Mahavir Jain Aradhana Kendra
www.kobatirth.org
जाव सिप्पोवगए पभू पंचकंडगं निसिरित्तए ?, हंता पभू, जति णं भंते! सोच्चेव पुरिसे बाले जाव मंदवित्राणे पभू होजा पंचकंडगं निसिस्तिए तो णं अहं सद्दहेज्जा० जहा अन्नो जीवो तं चेव, जम्हा णं भंते! से चेव से पुरिसे जाव मंदविन्नाणे णो पभू पंचकंडयं | निसित्तिए तम्हा सुपइट्टिया मे पण्णा० जहा तंजीवो तं चेव, तए णं केसीकुमारसमणे पएसिं रायं एवं व०-से जहानामए केई पुरिसे तरुणे जाव सिध्योवगए णवएणं धणुणा नवियाए जीवाए नवएणं इसुणा पभू पंचकंडगं निसिरित्तए ?, हंता पभू, सो चेव णं पुरिसे तरुणे जाव निउणसिम्पोवगते कोरिल्लिएणं धणुणा कोरिल्लियाए जीवाए कोरिल्लिएणं उसुणा पभू पंचकंडगं निसिरित्तए ?, णो तिणद्वे समट्टे, कम्हा णं?, भंते! तस्स पुरिसस्स अपजत्ताई उवगरणाई हवंति, एवामेव पएसी ! सो चेव पुरिसे बाले जाव मंदविन्नाणे अपज्जत्तोवगरणे णो पभू पंचकंडयं निसित्तिए तं सद्दहाहि णं तुमं पएसी ! जहा अन्नो जीवो तं चेव ५ । ६८ । तए णं पएसी राया कसीकुमारसमणं एवं व०-अत्थि णं भंते! एस पण्णा उवमा० इमेणं पुण कारणेणं नो उवागच्छइ अत्थि णं भंते! से जहानामए केई पुरिसे तरुणे जाव सिप्पोवगते पभू एगं महं अयभारगं वा तय्यभारगं वा सीसगभारगं वा परिवहित्तए ?, हंता पभू, सो चेव णं भंते! पुरिसे जुन्ने जराजज्जरियदेहे सिढिलवलितयाविणट्टगत्ते दंडपरिग्गहियग्गहत्थे पविरल परिसडियदंतसेढी आउरे किसिए पिवासिए दुब्बले किलंते नो पभू एगं महं अयभारं वा जाव परिवहित्तए, जति णं भंते! सच्चेव पुरिसे जुन्ने जराजज्जरियदेहे जाव परिकिलंते पभू एवं महं अयभारं वा जाव परिवहित्तए तो णं सद्दहेज्जा० तहेव जम्हा णं भंते! से चेव पुरिसे जुन्ने जाव किलंते ।। श्री राजप्रश्रीयोपांगम् ॥
पू. सागरजी म. संशोधित
८७
Acharya Shri Kailassagarsuri Gyanmandir
For Private and Personal Use Only
