________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
दब्भसंथारगं दुरूहइ त्ता पुरत्थाभिमुहे संपलियंकनिसन्ने कयलपरिम्गहियं० सिरसावत्तं मत्थए अंजलिं कट्टु एव २० नमोऽत्थु णं अहंताणं जाव संपत्ताणं नमोऽत्थु णं केसिस्स कुमारसमणस्स मम धम्मोवदेसगस्स धम्मायरिस्म वंदामि णं भगवंतं तत्थगयं इहगए पासउ मे भगवं तत्थगए इहगयंतिकटु वंदइ नमसइ पुट्विंपिणं मए केसिस्स कुमारसमणस्स अंतिए थूलगपाणाइवाए पच्चक्खाए जाव परिग्गहे तंइयाणिंपिय णं तस्सेव भगवतो अंतिए सव्वं पाणाइवायं पच्चक्खामि जाव परिग्गहं सव्वं कोहं जाव मिच्छादसणसल्लं अकरणिज्जं जोयं पच्चक्खामि सव्वं असणं० चव्विहंपि आहारं जावज्जीवाए पच्चक्खामि जंपिय मे इमं सरीरं इ8 जाव फुसंतुत्तिकटु एयंपिय णं चरिमेहिं ऊसासनिस्सासेहिं वोसिरामित्तिकटु आलोइयपडिक्ते समाहिपत्ते कालमासे कालं किच्चा सोहम्मे सूरियाभे विमाणे उववायसभाए जाव उववण्णे, तए णं से सूरियाभे देवे अहुणोववत्रए चेव समाणे पंचविहाए पज्जत्तीए पज्जत्तिभावं गच्छति, तं०- आहारपजत्तीए सरी२० इंदिय० आणापाण० भासामणपजत्तीए, तं एवं खलु भो! सूरियाभेणं देवेणं सा दिव्वा देविड्ढी दिव्वा देवजुत्ती दिव्वे देवाणुभावे लद्धे पत्ते अभिसमनागए १८१। सूरियाभस्म णं भंते ! देवस्स केवतियं कालं ठिति पं०?, गोयमा! चत्तारि पलिओवमाई ठिती पं०, से णं सूरियाभे देवे ताओ देवलोगाओ आउक्खएणं भवक्खएणं ठिइक्खएणं अणंतरं चयं चइत्ता कहिं गच्छिहिति कहिं उववजिहिति?, गोयमा! महाविदेहे वासे जाणि इमाणि कुलाणि भवंति, तं० अड्ढाई दित्ताई विउलाई विच्छिण्णविपुलभवणस्यणासणजाणवाहणाइण्णाई बहुधणबहुजातरूवरय्याइं आओगपओगसंपउत्ताई ॥ श्री राजप्रश्रीयोपांगम् ॥
पू. सागरजी मःसंशोधित
For Private and Personal Use Only
