________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
|हीलणिजे निंदणिजे खिसणिज्जे गरहणिजे परिभवणिज्जे परलोएडविय णं आगच्छति बहूणि दंडणाणि य जाव अणुपरियट्टए । ५५ । तते णं से जिणदत्तपुत्ते जेणेव से मऊरीअंडए तेणेव उवागच्छति त्ता तंसि मउरीअंडयंसि निस्संकिते० सुवत्तए णं मम एत्थ कीलावणए | मऊरीपोयए भविस्सतीतिकिट्टु तं मउरीअंडयं अभिक्खणं २ नो उव्वत्तेत्ति जाव टिट्टियावेति, तते गं से मउरीअंडए अणुव्वत्तिज्जमाणे जाव अटिट्टियाविज्जमाणे तेणं कालेणं० उब्भिन्ने मऊरिपोयए एत्थ जाते, तते गं से जिणदत्तपुत्ते तं मऊरपोययं पासति ता हट्टतुट्टे मऊरपोसए सद्दावेति त्ता एवं वदासी तुब्भे णं देवाणुप्पिया ! इमं मऊरपोययं बहूहिं मऊरपोसणपाउग्गेहिं दव्वेहिं अणुपुव्वेणं सारक्खमाणा संगोवेमाणा संवड्ढेह नटुल्लगं च सिक्खावेह, तते णं ते मऊरपोसगा जिणदत्तस्स पुत्तस्स एतम पडिसुर्णेति ता तं मउरपोययं गेण्हति जेणेव सए गिहे तेणेव उवागच्छंति त्ता तं मयूरपोयगं जाव नटुल्लगं सिक्खावेति, तते णं से मऊरपोयए उम्मुक्कबालभावे विन्ना (प्र० न्न ) य० जोव्वणग० लक्खणवंजण० माणुम्माणष्पमाणपडिपुत्र० पक्खपेहुणकलावे विचित्तपिच्छे सत्तचंदए नीलकंठए नच्चणसीलए एगाए चप्पुडियाए कयाए समाणीए अणेगातिं नटुल्लगस्यातिं केकारव ( प्र० केयाइग) सयाणि य करेमाणे विहरति, तते णं ते मऊरपोसगा तं मऊरपोयगं उम्मुक्क जाव करेमाणं पासित्ता मऊरपोयगं गेण्हति त्ता जिणदत्तस्स पुत्तस्स उवर्णेति, तते गं से जिणदत्तपुत्ते | सत्थवाहदारए मऊरपोयगं उम्मुक्क जाव करेमाणं पासित्ता हट्टतुट्टे तेसिं विपुलं जीवियारिहं पीतिदाणं जाव पडिविसेज्जइ, तए णं से मऊरपोतए जिणदत्तपुत्तेणं एगाए चप्पुडियाए कयाए समाणीए गंगोलाभंगसिरोधरे सेयावंगे गिण्हइ अवयारियपइत्र पक्खे
॥ श्रीज्ञाताधर्मकथाङ्गम् ॥
७६
पू. सागरजी म. संशोधित
For Private And Personal
