________________
Mahavir Jain Aradhana Kendr
गच्छह णं तुब्भे देवाणुपिया ! इमे अंडए गहाय सगाणं जाइर्मताणं कुक्कुडीणं अंडएस पक्खिवह जाव तेवि पक्खिवेंति, तते ण ते। सत्थवाहदारगा देवदत्ताए गणियाए सद्धिं सुभूमिभागस्स उज्जाणस्स उज्जाणसिरिं पच्चणुभवमाणा विहरित्ता तमेव जाणं दुरूढा समाणा जेणेव चंपानयरी जेणेव देवदत्ताए गणियाए गिहे तेणेव उवागच्छंति देवदत्ताए गिहं अणुपविसंति देवदत्ताए गणियाए विपुलं जीवियारिहं पीइदाणं दलयंति ता सक्कारेंति त्ता सम्मार्णेति ता देवदत्ताए गिहातो पडिनिक्खमंति ता जेणेव सयाई २ गिहाई तेणेव उवागच्छंति त्ता सकम्मसंपउत्ता जाया यावि होत्या । ५४ । तते णं जे से सागरदत्तपुत्ते सत्थवाहदारए से णं कल्लं जाव जलते जेणेव से वणमऊरी अंडए तेणेव उवागच्छति त्ता तंसि मऊरीअंडयंसि संकिते कंखिते वितिमिच्छासमावन्ने भेयसमावन्ने कलुससमावन्ने किन्नं ममं एत्थं किलावणमऊरीपोयए भविस्सति उदाहु णो भविस्सइत्तिकट्टु तं मउरीअंडयं अभिक्खणं २ उव्वत्तेति परियत्तेति आसारेति संसारेति चालेति फंदेइ घट्टेति खोभेति अभिक्खणं २ कन्नमूलंसि टिट्टियावेति, तते गं से मऊरी अंडए अभिक्खणं २ उव्वत्तिज्जमाणेजाव टिट्टियाविज्जमाणे पोच्चडे जाते यावि होत्या, तते णं से सागरदत्तपुत्ते सत्थवाहदारए अन्नया क्याई जेणेव से मऊरअंडए तेणेव उवागच्छति त्ता तं मऊरीअंडयं पोच्चडमेव पासति ता अहो णं ममं एस कीलावणए मऊरीपोयए ण जाएत्तिकटु ओहतमण जाव झियायति, एवामेव समणाउसो ! जो अभ्हं निग्गंथो वा निग्गंथी वा आयरियउवज्झायाणं अंतिए पव्वतिए समाणे पंचमहव्वएसु छजीवनिकाएसु निग्गंथे पावयणे संकिते जाव कलुससमावन्ने से णं इहभवे चेव बहूणं समणाणं बहूणं समणीणं सावगाणं साविगाणं पू. सागरजी म. संशोधित
॥ श्रीज्ञाताधर्मकथाङ्गम् ॥
७५
For Private And Personal
