________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
जय २ णंदा ! जय २ भद्दा ! भहं ते अजियाई जिणाहि इंदियाइं जियं च पालेहि समणधम्मं जियविग्धोऽविय वसाहि तं देव ! सिद्धिमज्झे निहणाहि रागदोसमल्ले तवेणं धितिधणि (बलिपा० )यबद्धकच्छे महाहि य अट्ठ कम्मसत्तू झाणेणं उत्तमेणं सुक्केणं अप्पमतो पावय वितिमिरमणुत्तरं केवलं नाणं गच्छ य मोक्खं परमपयं सासयं च अयलं हंता परिसहचमुं अभीओ परीसहोवसग्गाणं धम्मे ते अविग्धं | भवउत्तिकट्टु पुणो २ मंगलजय २ सद्दं परंजंति, तते गं से मेहे कुमारे रायगिहस्स नगरस्स मज्झमज्झेणं निग्गच्छति त्ता जेणेव गुणसिलए चेतिए तेणामेव उवागच्छति ता पुरिससहस्सवाहिणीओ सीयाओ पच्चोरुभति । २८ । तते णं तस्स मेहस्स कुमारस्स अम्मापियरो मेहं कुमारं पुरओ कट्टु जेणामेव समणे भगवं महावीरे तेणामेव उवागच्छंति ता समणं भगवं महावीरं तिक्खुत्तो |आयाहिणं पयाहिणं करेंति ता वंदंति नर्मसंति त्ता एवं वदासी एस णं देवाणुप्पिया मेहे कुमारे अम्हं एगे पुत्ते इट्ठे कंते जाव जीवियाउसासए हिययणंदिजणए उंबर पुष्कं पिव दुल्लहे सवणयाए किमंगं पुण दरिसणयाए ?, से जहा नामए उप्पलेति वा पउमेति वा कुमुदेति वा पंके जाए जले संवड्ढिए नोवलिप्पइ जलरएणं नोवलिंपड़ पंकरएणं एवामेव मेहे कुमारे कामेसु जाए भोगेसु संवुड्ढे नोवलिष्यति कामरएणं नोवलिप्पति भोगरएणं, एस णं देवाणुपिया ! संसार भउव्विगे भीए जम्मणजरमरणाणं इच्छइ देवाणुम्पियाणं अंतिए मुंडे भवित्ता आगाराओ अणगारियं पव्वतित्तए, अम्हे णं देवाणुष्पियाणं सिस्सभिक्खं दलयामो, पडिच्छंतु णं देवाणुप्पिया! सिस्सभिक्खं, तते गं से समणे भगवं महावीरे मेहस्स कुमारस्स अम्मापिऊहिं एवं वुत्ते समाणे एयमहं सम्मं पडिसुणेति, तते णं से मेहे कुमारे समणस्स पू. सागरजी म. संशोधित
॥ श्रीज्ञाताधर्मकथाङ्गम् ॥
३९
For Private And Personal
