________________
Shri Mahavir Jain Arachana Kendra
www.kobatirth.org
Acharya Shn Kailashsagarsun Gyanmandir
तवणिज्जुजलविचित्तदंडाओ चिल्लियाओ सुहुमवरदीहवालाओ संखकुंददगयअभयमहियफेणपुंजसन्निगासाओ चाभराओ गहाय सलील ओहारेमाणीओ २ चिटुंति, तते णं तस्स मेहकुमारस्स एगा वरतरूणी सिंगारा जाव कुसला सीयं जाव दूरूहति त्ता मेहस्स कुमारस्स पुरतो पुरस्थिमेणं चंदप्पभवइवेरूलियविमलदंडं तालविंटं गहाय चिट्ठति, तते णं तस्स मेहस्स कुमारस्सएगा वरतरूणी जाव सुरूवा सीयं दूरूहति त्ता मेहस्स कुमारस्स पुव्वदक्खिणेणं सेयं श्ययामयं विमलसलिलपुन्नं मत्तगयमहामुहाकितिसमाणं भिंगारं गहाय चिट्ठति, तते णं तस्स मेहस्स कुमारस्स पिया कोडुंबियपुरिसे सहावेति त्ता एवं वदासी खिप्यामेव भो देवाणुप्पिया ! सरिसयाणं सरिसत्तयाणं सरिव्व्याणं एगाभरणगहितनिज्जोयाणं कोडुंबियवरतरुणाणं सहस्सं सदावेह जाव सदाति, तए णं कोडुंबियवरतरुणपुरिसा सेणियस्स रन्नो कोडुंबियपुरिसेहिं सहाविया समाणा हट्ठा हाया जाव एगाभरणगहितणिजोया जेणामेव सेणिए राया तेणामेव उवागच्छंति त्ता सेणियं रायं एवं वदासी संदिसह णं देवाणुप्पिया! जन्नं अम्हेहिं कणिज, तते णं से सेणिए तं कोडुंबियवरतरूणसहस्सं एवं वदासी गच्छह णं देवाणुप्पिया ! मेहस्स कुमारस्स पुरिससहस्सवाहिणिं सीयं परिवहेह, तते णतंकोडुंबियवरतरूणसहस्सं सेणिएणं रन्ना एवं वृत्तं संतं हटुं तुटुं तस्स मेहस्स कुमारस्स पुरिससहस्सवाहिणी सीयं परिवहति, तए णं तस्स मेहस्स कुमारस्स पुरिससहस्सवाहिणिं सीयं दूरूढस्ससमाणस्स इमे अभंगलया तप्पढमयाए पुरतो अहाणुपुव्वीए संपट्ठिया, तं० सोत्थियसिरिवच्छणंदियावत्तवद्धमाणगभदासणकलसमच्छदप्पणा जाव बहवे अत्थत्थिया जाव ताहिं इठ्ठाहिं जाव अवयं अभिणंदंता य अभिथुणता य एवं वदासी जय २ णंदा ! ॥श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
