________________
Shri Mahavir Jain Aradhana Kendra
www.kobatim.org
Acharya Shri Kalashsagarsen Gyarmandir
उचिट्ठसरीरा जाया यावि होत्था, तते णं तंदोवतिं रायवरकन अण्णया कयाई अंतेउरियाओ ण्हायं जाव विभूसियं करेंति त्ता दुवयस्स|| रण्णो पायवंदिउँ पेसंति, तते णं सा दोवती राय० जेणेव दुवए राया तेणेव उवागच्छइ त्ता दुवयस्सरण्णो पायग्गहणं करेति, तए णं से दुवए राया दोवतिं दारियं अंके निवेसेइ त्ता दोवईए रायवरकन्नए रुवेण य जोव्वणेण य लावण्णेण य जायविम्हए दोवई रायवरकन एवं ३०- जस्स णं अहं पुत्ता! रायस्स वा जुवरायस्स वा भारियत्ताए सयमेव दलइस्सामि तत्थ णं तुम सहिय भविजासि तते णं ममं जावज्जीवाए हिययडाहे भविस्सइतंणं अहं तव पुत्ता! अज्जयाए सयंवरं विरयामि, अज्जयाए णं तुमंदिण्णसयंवरा, जण्णं तुम सयमेव रायं वा जुवरायं वा वहिसि से णं तव भत्तारे भविस्सइत्तिकट्ट ताहिं इट्टहिं जाव आसासेह त्ता पडिविसज्जेइ ११२२॥ तते णं से दुवए राया दूयं सहावेति त्ता एवं व० - गच्छह णं तुम देवा०! बारवई नगरि तत्थ णं तुभं कण्हं वासुदेवं समुद्दविजयपामोक्खे दस दसारे बलदेवपामुक्खे पंच महावीरे उग्गसेणपामोक्खे सोलस रायसहस्से पज्जुण्णपामुक्खाओ अद्भुढ़ाओ कुमारकोडीओ संबपाभोक्खाओ सट्ठी दुइंतसाहस्सीओ वीरसेण पामुक्खाओ इक्वीसं वीरपुरिससाहस्सीओ महसेणपामोक्खाओ छप्पन्न बलवगसाहस्सीओ अन्ने य बहवे राईसरतलवरमाडंबियकोडुंबियइब्भसिडिसेणावइसत्थवाहपभिइओ करयलपरिग्गहियं दसनहं सिरसावत्तं मत्थए अंजलिं कट्ट जएणं विजएणं वद्धावेहि त्ता एवं क्याहि एवं खलु देवाणुप्पिया! कंपल्लिपुरे नयरे दुवयस्सरण्णोधूयाए चुल्लणीए देवीए अत्तयाए धटुजुणकुमारस्स भगिणीए दोवईए रायवरकण्णाए सयंवरे भविस्सइ तंणं तुब्भे देवा०! दुवयं रायं अणुगिण्हेमाणा ॥श्रीज्ञाताधर्मकथाङ्गम् ॥
२०४
पू. सागरजी म. संशोधित
For Private And Personal
